كنت شغال ايه قبل كده

**abd_el_7amid** · 07-05-2011 02:04 AM

المشاركة الأصلية كتبت بواسطة yasserelsayad

والله يا باشا انا ارفعلك القبعة
دا انا طلعت مرفه جدا ومدلل وللاسف ضيعت شبابى فى تفاهة

والله ياباشا الله يكرمك
وان شاء الله المستقبل امامك لتحقق ما تتمناه

**abd_el_7amid** · 07-05-2011 02:06 AM

المشاركة الأصلية كتبت بواسطة د.أحمد السعيد

تحياتى لحضرتك
و الله انا فى قمة الانبساط من الموضوع دا

و تحية و تقدير لصاحب الموضوع

يا فندم حضرتك نورت الموضوع

**aboamr** · 07-05-2011 02:08 AM

تانيه ابتدائى وتالته ورابعه ابتدائى عمل فى الحقول لمقاومة دودة القطن بأجرقرشين صاغ فى اليوم
خامسه ابتدائى العمل نفر فى انشاء نادى السكه الحديد مش فاكر الاجر وكان اعمامى هم المقاولين ولم يتم تمييزى يعنى اشيل رمل واسمنت وخلافه وبالليل ننام فى الخيم
سادسه ابتدائى العمل مع اعمامى فى ورشة السكك الحديديه بروض الفرج والعمل ليلا بسوق روض الفرج والنوم فى الخيام تحت كوبرى روض الفرج مش عارف الكوبرى مازال موجود ولا لأ
فترة الاعدادى العمل فى تسفيل عدة طرق
فترة الثانوى العمل مع الحاج الوالد فى مقاولات توصيل كابلات التليفونات بالقليوبيه والمنوفيه بس كنت نفر وماخدش اجره
فترة الجمعه سنه اولى فى احد المطاعم بالسواح اميريه
ثم العمل مع الوالد باقى فترة الجامعه
السفر للخارج بعد الجيش فترة 10سنوات
العوده والعمل مرشد سياحى
تركت المجال واتجهت الى انشاء مزرعة دواجن
العمل بالحكومه كاخصائى نفسى
انشاء محل حلوانى وشركة توزيع شيكولاته والحمدلله
اسعد لحظات حياتى وانا اعمل

**abd_el_7amid** · 07-05-2011 02:08 AM

المشاركة الأصلية كتبت بواسطة aif

اشتغلت موظف مالوش لازمة في مطابع السكة الحديد
واشتغلت مساعد مهندس في موقع التحرير لخط مترو الانفاق الاول سنة 1984
واشتغلت مشرف بنسيون في وسط البلد 1985
وكنت بشتغل شبه سمسار وانا في الجيش عشان اجيب مصاريفي 1986
محاسب قاوني تحت التمرين 3 سنوات ... شبه ببلاش
محاسب في شركة استشارات هندسية 1990
رئيس حسابات في مصنع ملابس بالمنطقة الحرة
محاسب بالسعودية 1992
مدير محطة بنزين
مدير مالي بشركة الملابس بتاعت المنظقة الحرة .... تاني
مدير مالي بشركة الاستشارات الهندسية اياها .... تاني
صاحب مكتب محاسبة حاليا
....
يا نهار ابيض ... ده انا تعبت م الكتابة بس

والله انا كان نفسى اتعرف على حضرتك من زمان

**abo_anas** · 07-05-2011 02:19 AM

بجد ربنا يكرم صاحب الموضوع ده

لانه موضوع مميز جدا وتميزه مش بالفكره فقط ولكن تميزه الحقيقى انه فكر الواحد باصعب واحلى وامتع ايام حياته ،
وخلى شريط الذكريات يمر بداخلنا واحنا بنكتب فى هذا الموضوع.

وايضا ان يعلم الجميع ان مع العسر يسرا ان مع العسر يسرا
جزاكم الله خيرا وسدد خطاكم ووفقنا ووفق شباب الامه والمنتدى الى الخير

**abd_el_7amid** · 07-05-2011 02:24 AM

المشاركة الأصلية كتبت بواسطة abo_anas

بجد ربنا يكرم صاحب الموضوع ده

لانه موضوع مميز جدا وتميزه مش بالفكره فقط ولكن تميزه الحقيقى انه فكر الواحد باصعب واحلى وامتع ايام حياته ،
وخلى شريط الذكريات يمر بداخلنا واحنا بنكتب فى هذا الموضوع.

وايضا ان يعلم الجميع ان مع العسر يسرا ان مع العسر يسرا
جزاكم الله خيرا وسدد خطاكم ووفقنا ووفق شباب الامه والمنتدى الى الخير

الله يكرمك ...
وفعلا الانسان يشتاق للحظات الكفاح ... ويحس بوجوده... ويدفعه انه يكمل باقى حياته بعزم مهما واجه من مشاكل

**kamalsalem** · 07-05-2011 02:24 AM

أنا ماشتغلتش قبل الجامعة

وأنا في تانية جامعة فجأة لقيتني بادرس برمجة لطلبة أولى... كنت باخش السكاشن عشان مكانش عندهم حد في الجامعة يقوم بهذه المهمة الجبارة

وأنا في تالتة كنت بعمل نفس الكلام مع أولى وتانية

وأنا في رابعة ماشتغلتش عشان اعرف اركز في المشروع... يوم ما خلصت دراسة واحد صاحبي رشحني وقعدت سنة ونص أدرس في مركز كيت... كنت بادرس برمجة وقواعد بيانات وويب وكل كافة شيء لناس في أضعاف سني... وخطبت بعد التخرج ب 6 شهور لأني مرتبط بمراتي من أيام الجامعة

بعد ما سبت التدريس رحت شركة صغيرة بتاعة واحد لواء متقاعد كنا بنعمل لاسلكي مصري فيه نظام تحديد مواقع وبتاع (أنا أصلاً خريج انظمة اتصالات والكترونيات مش حاسب الى)... ومسكت مشروع مع وزارة الري كانوا على وشك يرفعوا على الشركة قضية قبل ما أجي والحمد لله المشروع اتسلم ووكيل الوزارة اللي سلمته المشورع مات بعدها علاطول ههههههههههههههههههه

بعد كده التحقت بصفوف IBM وعملنا مشروع الجوازات (يعني اللي مش عاجبة الباسبور الجديد يدعي عليا أنا هههههههه ) بعقد مؤقت وبعدين اتثبت ودلوقتي شغال Business Analyst في نفس الشركة

أخوكم كمال سالم 27 سنة - خريج هندسة القاهرة

**elpasha1** · 07-05-2011 02:51 AM

والله انا مش فاكر السنين
ا- اشتغلت فى محل كشرى (سفرة - غسيل اطباق) 2 جنية اليوم
2- ساهمت فى انشاء فندق الفور سيزون اللى فى شارع مراد (صبى بنا) 6 جنية اليوم وكنت باخذ 3 جنية وكان بيحجز 3 جنية ضمان انى اجيلة تانى
3- العمل فى شركة كمبيوتر (مشوارجى) 200 جنية فى الشهر
4- العمل باوبرا عايدة عام 98 لان دى منسهاش ابدا كنت مساعد حداد وكانت ب18.5 اليومية
بعد التخرج
1- العمل مدرس تربية رياضية
2- العمل بديوان عام وزارة التربية والتعليم وحتى الان

**فتح الباب** · 07-05-2011 03:31 AM

كل الاحترام لكم انا اعمل صياد بالبحر الابيض المتوسط فقط للان وغير مؤهل وسعيد جدا وانا اعمل واسعد اكثر وانا بينكم

**MohaMed_Refaat** · 07-05-2011 07:06 AM

اشتغلت موظف استقبال فى فندق فى طنطا مباشرة بعد التخرج كنت باخد 200 جم مرتب
ثم ذهبت الى الاقصر كموظف استقبال على مركب سباحى فى النيل
ثم على مركب اخر فى شركة اميركية
ثم تركت المجال بعد 6 سنين سياحة وعملت فى شركة لخدمات المحمول فى الغردقة
ثم عدت الى الاقصر واعمل فى شركة للمحمول والخطوط خاصة بى وبنسيبى

بجد انا بحسد كل واحد شقى وتعب اكتر منى لان انا يمكن اتبهدلت شوية فى الاول لكن لما شوفت تجارب غيرى عرفت انى ولا حااااااااااااااااااااااجة
بجد مصر شبابها رجالة

الموضوع: كنت شغال ايه قبل كده

LinkBack

أدوات الموضوع

عرض

-

-

-

-

-

-

-

المواضيع المتشابهه

ال abs مش شغال

عندى مشكلة مع التوكيل ياريت لو حد شغال فية او يعرف حد شغال فية

فية حد هنا شغال فى ال e-gas

حد هنا شغال في ال dhl

التكييف شغال ومش شغال

الكلمات الدلالية لهذا الموضوع

المفضلات

المفضلات

ضوابط المشاركة