الموضوع: تقرير كامل بالصور- كيا سول- 2011

المشاركة الأصلية كتبت بواسطة ramy01011

معايا كورولا 1300 اوتو موديل 2003 فبريكة برة و جوة فل اوبشن بفكر ابيعها و اجيب حاجة زيرو رغم ان العربية و الله بحالة الزيرو و والدي حاطتها في جراج من يوم ما سافرت الامارات و موش بيتحرك بيها غير كل كام يوم مشاوير خفيفة و كل السيور و الفلاتر و تيل الفرام لسة مغيرهم من كام شهر و كلهم بعتهم لوالدي من عندي هنا في فطيم الامارات المهم من كام يوم روحت توكيل كيا هنا في الامارات و شوفت السول عربية تحفة بجد زغللت عيني اويبصراحة انا مكنش في نيتي خالص اجيب عربية زيرو و انزلها مصر لان الكورولا موجودة بس السول علقت معايا و لو اشتريتها يبقي لازم انزلها مصر علشان الكوري مالوش سوق هنا و لو بعد كام سنة جيت انزلها مصر يبقي لازم ساعتها ابيع الكورولا ما هو موش معقول هيبقي عندي عربيتين و كمان علشان ادفع تمن الجمرك فمن الاخر علشان مطولش عليك هي السول تستاهل ان الواحد يضحي بالكورولا علشانها ولا لا ؟

الكورولا 2003 طبعا عربيه محترمه جدا ومشهورة بنعومتها كمان بس انا اضمنلك انك لما تركب السول هتحس بفرق كبير جدا اولا الصالون اشيك كتير من الكورولا وطبعا فى الوسع اوسع كتير من الكورولا دة غير كميه الاوبشنز المميزة جدا فى السول والسحب طبعا كا موتور احسن كتير من التويوتا ال 1300 والركوبه نفسها مختلقه تحس انك راكب 4*4 وعاليه جدا عن الارض يمكن العيب الوحيد النشوفيه
انا عايز حضرتك تروح التوكيل وتركبها وتجربها وتحكم
بس لو انا مكانك هاجيب السول على طوووول

المشاركة الأصلية كتبت بواسطة ahmadm

السلام عليكم يا دكتور أحمد مبروك عليك العربية ربنة يباركلك فيها انا بس كان لية استفسار او كذا استفسار

هو العربية اللى حضرتك جايبها انهى فئة بالظبط و بكام اردنى ولا سورى ؟ولا اية ؟

الهاى لين وكيل جنط سبور ولا حديد ؟

ستارت و ستوب موجود فى الهاى لين وكيل ؟

هاى لين وكيل التكيف بكر ولا تاتش؟

وجزاك الله كل خير

الوكيل جنوط أسبور و التكييف بكر و مفيش ستارت و ستوب بيجى معاها ريموتين فقط و دى الهاى لاين اللى معايا

المشاركة الأصلية كتبت بواسطة ahmadm

السلام عليكم يا دكتور أحمد مبروك عليك العربية ربنة يباركلك فيها انا بس كان لية استفسار او كذا استفسار

هو العربية اللى حضرتك جايبها انهى فئة بالظبط و بكام اردنى ولا سورى ؟ولا اية ؟

الهاى لين وكيل جنط سبور ولا حديد ؟

ستارت و ستوب موجود فى الهاى لين وكيل ؟

هاى لين وكيل التكيف بكر ولا تاتش؟

وجزاك الله كل خير

الله يبارك فى حضرتك :)
انا اشتريت السورى عشان كان سعرها 130 الف وفيها نظام ال esp وهاعمل انا فرش جلد ان شاء الله

بالنسبه للوكيل زميلنا smartchoice يقدر يفيد حضرتك اكتر منى عشان هو معاه الهاى لاين
اى استفسار تانى انا تحت امرك

المشاركة الأصلية كتبت بواسطة ahmadm

شكرا جزيلا يا باشا على الاهتمام ربنة يكرمك.

هل يوجد مسند يد راكب فى الكرسي ؟ و هل فية كامرا خلفية ؟
بعد مع حضرتك اشتريت الهاى لين الوكيل فكرت انك كنت تشتري الخليجي افضل ؟

أه كرسى السواق الأمامى لازق فى دراع تسند عليه أيدك و فيها كاميرا خلفية و abs و 2 وسائد هوائية و جنوط سبور 16 و زجاج كهرباء و مرايات ضم كهرباء و بتتظبط كهرباء و كل حاجة

بص هى حكاية خليجى و لا وكيل دى أراء طبعا
بس انا عن نفسى بفضل التوكيل علشان الضمان خصوصا أن عربيات كتير دلوقتى بتيجى بعيوب صناعة حتى الماركات المشهورة زى الكورولا و الهوندا و كله فانا بحب أبقى فى الأمان و كمان أنا مبحبش اوجع دماغى كتير فبروح وقت الصيانة أرمى العربية للوكيل و هو يظبطها على ضمانته و أريح دماغى
و بالنسبة للخليجى فرق الأوبشنز مش كتير يعنى مثلا الجنط ال 18 الأسبور ده يعتبر فى مصر هنا عيب مش ميزة علشان حكاية البلالين و كده و بقيت الفروقات بسيطة يعنى مثلا تكييف تاتش مش بكر هيفرق معاك فى أيه لأن حتى البكر شكله كويس و بيقضى الغرض بالنسبة لل esp فهو مش فى الوكيل و هو مهم و كل حاجة بس من وجهة نظرى فيدته أكبر فى الدول اللى فيها تلج و العربيات بتتزحلق على الطريق و بتحتاج مساعدة للتحكم فيها لكن هنا ال abs كافى جدا و العربية فراملها حلوة جدا و الحمد لله و كمان فى عامل مهم جدا أننا ساكن فى القاهرة و قريب من التوكيل فمعنديش مشاكل فى عمل الصيانة
أنما لو انا مش ساكن فى القاهرة طبعا هتبقى رخمة لو كل شوية أضرب مسافة علشان أعمل الصيانة

و ربنا أن شاء الله يوفقك للى فيه الخير

المشاركة الأصلية كتبت بواسطة ahmadm

شكرا يا اخى ربنة يكرمك معلش انا متقل عليك شوية :)

اية اخبار التكيف معاك ؟ لو ناقع العربية فى الشمس و كدة ؟ او فى الجو الحر عموما و اديك شايف الايام دية الحر بداء يشد و هل التكييف و العربية واقفة سلنسية بيشتغل كويس ولا لازم تجري عشان يشتغل كويس ؟و هل بيأثر على السحب تأثير ملحوظ؟

هل تكيف الخليجي افضل ؟؟؟

و شكرا لذوق حضرتك

أنا تحت أمرك فى أى وقت
التكييف تمام أوى لما بتكون العربية واقفة فى الشمس و مولعة بفتح الشبابيك و بقوم فتحو على 3 و بعدين بقفل الشبابيك و شوية كده الجو بيسقع أقوم منزله على 2 و ساعات كمان بنزله على 1 و لحد دلوقتى عمرى ما جبته على 4 فهو بصراحة تمام أوى حتى فى الأيام الحر جدا بالنسبة للتأثير على السحب فهو بياثر على السحب بس مش بشكل ملحوظ أوى يعنى حاجة بسيطة و العربية واقفة سلنسية بيضعف شوية صغيرين بس كويس بردو يعنى هتفضل سقعان هو فى المجمل تكييف ممتاز جداااا
بالنسبة للخليجى أنا للأسف مركبتش الخليجى و مش عارف أذا كان تكييفها أقوى و لا لأ
و ربنا يوفقك للى فيه الخير