هي مش تحفة اوي بس كويسة لان في عربيات بتعمل 100 كيلو في ال 6 لتر بتاعتك هتعمل 60 بس
لكن كويس انا عن نفسي بحبها مووووووووت
بس هي جر امامي صح؟
انا شايف دا عيب فيها
عربية زي دي لو كانت خلفي هتبق حاجة تانية
عرض للطباعة
هي مش تحفة اوي بس كويسة لان في عربيات بتعمل 100 كيلو في ال 6 لتر بتاعتك هتعمل 60 بس
لكن كويس انا عن نفسي بحبها مووووووووت
بس هي جر امامي صح؟
انا شايف دا عيب فيها
عربية زي دي لو كانت خلفي هتبق حاجة تانية
انتا شاري عربية ب 130 ألف وقاعد تكلم في البنزين يا عمي .......................................... الخ
اكيد طبعا الكلام عن البنزين شئ مهم وملوش دعوة بسعر العربية
انا معايا ميتسوبيشى ميراج 1998 وبتاخد لتر لكل 8 كيلو لأنها امريكانى (1500cc)
ونفسى اوفر استهلاكها
بداية ربنا يبارك لك في السيارة ويبعد عنك شرها ، كان عندى سؤال مهم جدا انا بالنسبة ليا اهم حاجة فى العربية الثبات وبصراحة انا ركبت كيا كارينز لمدة شهرين كان الثبات بتاعها وخاصة على الملفات سىء جدا لدرجة انى كنت باخد الملف على 50-60 فهل كيا سول كده برده وخاصة انها عالية اوى عن الارض ارجوا التوضيح واسف على الاطالة
انا مسوقتش الكارينز على طريق سريع عشان احكم بس اعتقد بحكم حجمها وتصميمها هتبقى تقيله فى المناورات
بالنسبه للسول ثباتها معقول جدا رغم انها عاليه عن الارض ودا عشان الجنط ال 18 والكاوتش كمان عرضه 225 دا غير نظام ال esp
مقارنه بعربيات تانيه انا سوقت بولو وفيرنا وماتيريا ونيسان صنى وجولف
السول اثبت من كل السابق ذكره الا الجولف طبعا
طبعا كل كلامى دا عن تجربه شخصيه وانطباع شخصى فانا بانصح حضرتك انك تجرب العربيه وتسوقها
وانا تحت امرك فى اى اسئله :)
متشكر جدا على الرد السريع انا سوقت النيسان صنى والالنترا 2010 والاوبترا واللانسر 2003 والافيو 2011 كانتاحسن ثبات فيهم الصنى وحضرتك بتقول السول افضل فى الثبات مع انها عربية عالية وبينى وبينكانا كمان مدخل فى المقارنة انترا 2011 الشكل الجديد بس سمعت عنها انها خفيفة اوى على السرعات العالية ارجو الافادة
طبعا تقرير و مشاركات استفدت منها كتير
انا حجزت 2012 من التوكيل التوب لاين
و الى فهمته ان ال ebd ولا الesc هيكون فيها
بس قولت خلينى مع الضمان و خصوصا كنت هجيب الخليجى فاضيه
بس هل نظام الثبات ال ebd فعلا بيفرق فى السرعات العاليه و الملفات؟
وهل العربيه فى التوكيل بنزل ازازها فاميه فبريقه
يا ترى بقى الجنوط هتكون 18 اخليها نيتروجين ولا هوا عادى
و يا ترى الكاميرا الخلفيه عمليه ولا حصلت فيها مشاكل معاكم
و بخصوص الدلايات و العتب و الاكسسوار بتاعها عموما يا ترى متوفر فى التوكيل الكلام ده
ولا اجيبه من برا الوكيل
والف شكر لكل الاضافات المفيده فى الموضوع
وياريت يا جماعه تقولولى حل مشكله انك مش شايف الكبوت دى ايه يا ترى بتعلوا الكرسي بيطلع معاكم فوق كويس؟
ولا الكبوت بتاخد عليهم بالتعود
الف مبروك مقدما و ربنة يباركلك فيها انشاء الله انا بجد احييك على الجراءة دية العربية ب 143 الف جنية و كان ممكن تجيب حاجات تانية بأمكانيات اعلى بكتير انا والله فى نفس الحيرة .
المهم انا عارف ان ال abs لازم يكون معاة ebd لاكن ارجو من الاخوة الاعضاء التصحيح لو المعلومة غلط
انا اول مره اسمع عن فئه التوب اللاين اللى فى التوكيل اللى سعرها فعلا 143 الف تبقى حلوة جدا لو نزلها الشكل الجديد اللى نزل بالفعل برا غيرو الاكصدامات والجنوط والفوانيس....
بالنسبه لاسئله حضرتك
ال abs+ebd دول انظمه الفرامل واحد مانع انغلاق والتانى توزيع قوة الفرامل الكترونيا على الاربع كاوتشات ودة مفيد جدا بالفعل فى الفرامل وبيفرق كتير معاك..
ال esp او esc دة نظام مساعد فى السيطره على العربيه فى الظروف اللى بتفقد فيها السيطره على العربيه بس لكن مش شغال على طول ولما بيشتغل لمبته بتنور فى التابلوه عندك بتعد تخطف وحصلتلى مره واحدة فقط كان واحد كسر عليا على طريق الاسماعيليه الصحراوى بلاند كروزر على سرعه 120 انا كسرت جامد لدرجه ان نص العربيه خرج برا الطريق ورديت تانى وانا بفرمل والحمد لله العربيه لمت نفسها لغايه ما وقفت خالص وربنا ستر...
الجنوط ال 18 يفضل تمليها نتروجين بتفرق شويه فى نعومه العربيه والاهم بيحافظ على الكاوتش ومتقللش الضغط عن 30 مهما حد قالك خليه 29 و 28 عشان العربيه تبقى ناعمه بس الكاوتش هيتضر والعربيه مش هتبقى مظبطه
الكاميرا الحمد لله شغاله تمام وبتساعد كتير فى الاماكن الضيقه
انا فئه عربيتى مكنش موجود فيها دلايات فاشتريتها من موزع معتمد كل حاجة عموما موجودة بس اسعار التوكيل اغلى كتير من بره التوكيل
الكرسى بيتعلى وبتشوف الكبوت بس هى فى الاول والاخر مساله تعود وانا عموما موطى الكرسى على الاخر العربيه ما شاء الله مش ناقصه ارتفاع :))
اى سؤال تانى انا تحت امرك