و دية سعرها كام ؟ و هل فيها زر مانع انزلاق ؟ و حضرتك جبتها منين ؟
عرض للطباعة
انا جبتها ب 134500 من معرض في الزقازيق وهو جابها من الليثي في القاهرة
ومش فيها مانع انزلاق esc ولا انوار بالصماعات بس هي نازلة بabs & ebd
انت جبت الاستيكر بتاع كيا من فين
انا جبته من تكنو وان بس نايل موتورز بس
وبعدين هو بيتلزق جوا الزجاج مش على العربية مش كده ولا ايه؟
العربية دى لو العزل الداخلى بتاعها احسن من الوضع الحالى كنت جبتها فورا وخلصت من الانتظار اللى انا فيه للكيا سبورتاج 1600 على امل انها تنزل اوتوماتيك وقرينتها القشقاى للاسف عربية تحفة بمعنى الكلمة بس نازلة مانيوال فقط
ولو الكيا سبورتاج منزلتش اوتوماتيك اعتقد الاختيار هيبقى نيسان ليفينا
وربنا يسهل ويوفقنى لافضل اختيار
صعب السبورتج تنزل اوتوماتيك ولو نزلت ووزنها كان فوق ال 1200 كج صدقني حتبقى مشكلة كبيرة في البنزين والاداء
شوف عملاق المانيا الفولكس منزلة التيجوان 1400 ومحرك تي اس اي بس مانوال فقط وشوف بكم
القشقاي مش حتنزل مانوال غالبا بقالهم من 2008 بيصنعوها والاوروبيين بيشتروها عادي هم مش هاممهم السوق المصري مش حيفرق في مبيعاتها وده رايي وربك الموفق
نيسان ليفينا بتتجمع فى مصنع نيسان فى الصين بس مش صينى
والعربية كويسة اوى مع الناس اللى اشترتها ولسه مستقرتش عليها بس هيا عربية محترمة ومفهاش عيوب تقريبا طبعا الكيا سول من وجهة نظرى احسن كتير فى كل حاجة ما عدا العزل بتاعها سىء والليفينا عالية عن الارض اكتر منها ب 1 سم
السلام عليكم
انا كنت عايز اعرف اخبار ثبات العربية اية ؟
اناشايف ان ثباتها كويس جدا تمتالتجربه على طريق مصر اسكندريه الصحراوى وصلت 160 ومحستش بالسرعه العاليه
انا عربيتي كيا سول من احلى العربيات في مصر انصح اي حد بيفكر يشتري عربية - يشتري كيا سول -- تحفه فنية
شكرا لصاحب التقرير ممتاز
على فكرة اول فئه فى الوكيل فيها حساس ركن خلفى و فوانيس شبورة و اشارت بجانبى السيارة
انا بشتغل فى موزع معتمد كيا
انت عاوز قسط اسلامى ولا قسط سيارة عادى ودا يتوقف على حسب نوع الوظيفه بتاعتك
والاوراق المطلوبه صوره البطاقه و ايصال الكهرباء
اااااااااسف الرد غلط
السلام عليكم
عندى سؤالين جداد يا اخوانى :)
1- هل يوجد مروحتين على سربنتينة التكييف ولا مروحة واحدة فقط ؟
2- الباور الكهرباء بتاع العربية بيكون عامل ازاى على السرعات ؟ بيسييب خالص ولا اية ؟؟؟
3- لو محمل العربية 3 ورا ( هو الكنبية عادى تاخد 3 ورا اصلا ؟ ) و معاك شنط السحب بيكون اخبارة اية ؟ ولو التكييف كمان شغال بيكون اية النظام ؟
و جزاكم الله خيرا
و اللهم بلغنا رمضان جميعا
انا فى العادى بشغله على 3 أول ما أركب لما بتكون العربية واقفة فى الشمس و بعدها ب 5 دقايق كده بيكون الجو سقع فبنزله على 2 او 1 أنما بقى لو راكن فى الجراش بشغله على 1 من الأول و بيبقى تمام و بشكل عام التكييف جيد جدا و حتى فى الزحمة بيبقى تمام بس بيقل شوية عن لو أنت ماشى
ما شاء الله ربنا يباركلك فيها و يكفيك شرها
[QUOTE=ahmadm;3873684938]انا شايف حضرتك معاك كارينز يا ترى حضرتك بتتكلم على السول ولا الكارينز ؟:)
انا معايا كيا سول 2011 5 الاف كيلو
وفعلا كنت محمل فيها 15 راس وبمشى بيهم كل يوم مشوار حوالى 15 كيلو رايح جاى وكنت بعدى بيهم تقريبا على 15 مطب مختلف مره رايح ومره جاى والحمد لله محكتش فى ولا مطب حتى لو خدت المطب على سرعه شويه يعنى
سول سول سول
اخبار العربية معاك اية لحد دلوقتى
ان شاءالله ناوى اجبها غدا فحابب اطمن
وياريت بس تبعتلى رسالة برقمك يبقى جزاك الله كل خير
دة رقمى 0142524333 هتعبك معايا معلش
يا جماعة انا بفكر اشترى السول
و قريت كل التقرير بس بصراحة احترت جداً
ما بين الموصفات ( سورى و عمانى و اماراتى و سعودى ) مش عارف الموضوع وسع فى دماغى جدا و محتار
فيا ريت لو يتجمع بشكل مختصر فى موضوع واحد كده ايه الاختلافات ؟ و ايه الأحسن
انا عارف انه صعب يتجمع كل ده فى موضوع واحد بس على الأقل نجمع المواصفات الأساسية
خد بالك يا فندم ان المواصفات دى اتغيرت خالص دلوقتى فى موديلات 2012 وممكن حضرتك تسال فى معارض الخليجى بس هو اساس العربيه واحد الفرق فى الكماليات فقط فلو حضرتك مقتنع بيها كعربيه تنزل اى معرض خليجى محترم ويقولك الاوبشنز الموجودة بس هى عموما مش هتزيد عن اللى موجودة فى التقرير توزيعها هيختلف فقط من فئه لاخرى
انا لسه شاري العربية من اسبوعين و هي ممتازة و انا مش شايفها في المطبات ناشفة و لا حاجة انا سقت هوندا و ماذدا و تويوتا و مش شايف اي فرق
السؤال يعني ايه دلاية
كمان هل يوجد مركز صيانة في دمياط او بورسعيد او الاسماعلية ممكن نعمل فيه صيانة او في القاهرة
و هل يمكن تركيب سنسور بارك امامي و منين
ممكن طبعا تركبه فى التوكيل لانه هينزل قريب فئة جديدة فيها سينسور بارك امامى او ممكن تكون الفئة دى نزلت فعلا
ممكن تقولنا اخبار العزل بتاعها ايه لان فى شبه اجماع على سوء العزل الداخلى بتاعها وصوت الطريق بيكون مسموع بدرجة كبيرة وان التوكيل خاطب الشركة الام فى كوريا بسبب شكوى اصحاب كيا سول من سوء العزل
مش هتصدقنى لو قلتلك ان كيا سول الوكيل كانت عزل وعفشة سيئة جدا
انا جبت السورى اول مجبتها كنت بجتهد لانى اشوف موضوع العزل دة وملقتش حاجة ولا ماتور عالى ولا اى حاجة
ثانيا الطريق صوتة مسموع دة لو طريق متكسر بس اطلع على طريق نظيف ولا هتسمع اى حاجة
ودة كل الاحوال مع العربيات كلها
اتنظروا قريبا تقرير مفصل جدا جدا جدا عن كيا سول
صوت الموتور مفهوش مشكلة محدش اشتكى منه بس ناس كتير اشتكت من صوت الكاوتش والطريق والله اعلم ممكن يكون الخليجى وضعه مختلف
بس عايز اقولك حاجة لما العربية بيكون العزل بتاعها كويس مبتفرقش الطريق مكسر او لا
يعنى سيتروين c4 او نيسان تيدا او ليفينا او جولف6 دول اللى ركبتهم ببقى قاعد جوه مش سامع صوت نفس عالم منعزل تماما وبيخلونى اتحسر على الصنى بتاعتى بتحسسنى انى قاعد فى سوق والله :_Alshmokh11:
وربنا يباركلك فى عربيتك السول من العربيات المحترمة جدا ولو مشكلة العزل اتحسنت شوية العربية هتبقى شبه متكاملة لان محدش اشتكى منها فى اى حاجة غير النقطة دى
بالنسبه لموضوع العزل فهو نسبى ويختلف من حد لحد بس السول عموما انا شايفها كعزل ممتازه جدا وفعلا فى الطرق المكسره فقط بتسمع صوت الكاوتش وده عشان الجنط ال 18 والكاوتش اللو بروفايل غير كدا ما شاءالله حرير
دة انا كنت شايل منك شيل بس الحمدالله ان بعض الظن اثم هههههههههههه
انا جبتها 2011 سورى زيك مع العلم ان كان قدامى سورى بردوا و 2012 بس تعتبر فاضية تماما تمام اكنها وكيل اول فئة
بجد سيارة ممتازة ومحترمة وكفايا الاوبشنز اللى فيها
تعالا هنا عملت اية فى الازاز الامامى سبتة من غير فامية
مبروووووووووووووووووووك