الف مبروك على السيارة ربنة يباركلك فيها :)
عرض للطباعة
الف مبروك على السيارة ربنة يباركلك فيها :)
أنا الحمد لله اشتريت كيا سول بقالها معايا ٢٥ يوم عملت بيها ٦٠٠ك والعربية لحد دلوقتى الحمد لله تمام وكنت عايز أعمل فرش أعملة فين ؟وأشيل الفرش القديم ولا لأ
اولا الف مبروك يا باشا ربنة يحفظهالك
ثانيا جينز كار افض مكان لعمل الفرش انشاء الله
: عنــــوان - جينـــز كـــار - :
6 شارع عمر زعفان من شارع الطيران خلف حى مدينة نصر .
: تفاصيل العنوان :
لو جاى من شارع مصطفى النحاس (من ناحيه مكرم عبيد) ... هتدخل يمين فى شارع الطيران (على ناصيته جامع نورى خطاب) ... اول ماتدخل هتلاقى بنزينه شل على ايدك اليمين ... تقوم داخل اليمين اللى بعده على طول ... تعدى تقاطع صغير .. هتلاقى جينز كار على ايدك اليمين .
لو جاى من شارع النصر هتدخل شارع الطيران يمين (رابعه العدويه على يمينك) .. وتفضل ماشى لحد اخر لفه فى الشارع (قبل ماتطلع على مصطفى النحاس) ... وتدخل معاها شمـــال و تدخل الشارع اللى قدامها ... وتعدى التقاطع هتلاقى المحل على ايدك اليمين.
ت : 22616675 02
م : 0199999753 - 0127423977 - 0199999754 - 0101187339
أولا متشكرين علي الرد السريع .....ولو أنا عايز أعمل الفرش والارضية بيعملوا بكام وبياخد كام يوم ?
يا باشا تحت امرك فى اى وقت
انا مش عارف اسعار قوى بس كان بيبداء من 800 مثلا و انت طالع حسب انواع الجلد اللى هتختارها و كدة و كان تقريبا التركيب فى 4 ساعات و بتروح قبل التركيب بكام يوم تتفق و يحددلك ميعاد التركيب الميزة عندة انة بيفصل الفرش زاى الفرش اللى راكب بالمللى مش هاتصدق انة فرش فوق الفرش
ربنة يوفقك
http://www.nilemotors.net/Nile/227534-a.html
اتفضل يا فندم دى تجربتى معاهم
بالنسبه للفلوس على حسب الخامات اللى بتختارها بالنسبه للوقت فحضرتك احجز معاهم يوم واتفق على الخامات والتركيب تانى يوم وبتاخد حوالى 4 ساعات
سؤال بسيط بس انا مقتنع جدا بالسول بس خايف من توكيل كيا عشان كام سنه والموديل يختفي وقطع الغيار بتقل جدا واسعارها تزيد جدا ويصبح مالك السيارة في مشكله ومثال علي ذالك كيا شومه وغيرها حد فاكرها وموديلات اخرى
بجد نفسي اعرف ايه المشكه ليه الموديل بينزل وكام سنه ويختفي للابد
يا باشا توكيل كيا دة من انضف التوكيلات فى مصر بس اللى كان مبوظ سمعة كيا فى مصر هو التوكيل القديم بتاع وليد توفيق و دة واضح جدا فى الكيا السيراتو الشكل القديم الى كانت نازلة فى التوكيل القديم ما كانتش منتشرة اصلا و لما التوكيل الجديد نزل العربية انتشرت جدا
انا معاية كيا برايد سيدان 2003 و بعملها صيانة فى كيا ابو رواش و كل حاجة موجودة و لو حاجة مش موجودة عندهم ممكن يعملك اوردر ليها او بتكون موجودة اوريجينال عند الجندي فى شارع دمشق فى مصر الجديدة و بجد انا عمرى ما رحت توكيل كيا و مشيت زعلان حتى لو حصل موقف نقص منهم بيصلحو غلطهم و مش بيمشوك زعلان و ربنة يوفقك.
يا جماعة و انا بقلب دلوقتى كدة فى مواصفات كيا سول على الموقع بتاعهم فوجئت بتغيير المواصفات بشكل عجيب مما اضطرنى للاتصال بالتوكيل لتأكيد صحة المعلومات دية و فعلا الراجل فى معرض كيا الرئيسي أكد الموضوع دة و ذلك للدفعة 2012 ال هاى لاين فيس ليفت مع العلم ان التوب لاين مش هاينزل منة تانى و السعر لم يحدد بعد ولاكن الراجل اكدلى انة مش هيوصل لل 140
1- زيادة ebd على ال abs فى مجموعة الفرامل
2- مثبت سرعة
3- ليدات امامى و خلفى
4-فيتيس 6 سرعات
5-اشارات فى المراية الجانبية
الهاى لاين الجديدة فيها سينسور بارك امامى وكميرا خلفية ؟؟
تسلم ايدك يا بوحميد تقرير كامل وشامل ممتاز
مكتوب على صفحة كيا على الفيس بوك ان تمنها 134 الف للهاي لاين
بسم الله ماشاء ربنا يباركلك فيها ويديك خيرها ويكفيك شرها ان شاء الله ,,
وتقرير وموضوع تحفة ..
الف مبروووك عالعربيه ....تقرير جمييييل
ربنا يحفظهالك
الف شكرا لحضرتك كنت سبب لشرائي السول انا جبت وكيل 2012 حمراء اول فئة بفتحة سقف ب126 من المصرية وعملت صيانة الالف وركبت انذار جيمنى اشتراته من كلاريون وركبته فى التوكيل وعملت مفتاح لفصل الدوران للعربية فى التوكيل وربنا ابتلانى بخبطة فى الرفرف الخلفى قبل الصيانة المهم عملت الرفرف والمفتاح وتركيب الانذار ب 350 وعاوز اجيب دلايات للعربية يا ريت تقولى كيف اركبهم بنفسى وشكرا
هل الموديل الجديد نزل مصر فعلا وهل الموتور هيبقى موتور الانترا الجديدة لانى اشتريت 2012 نفس 2011 وبعد كام يوم لاقيت خبر فى contact cars بيقول ان الجديد نزل
يا جماعة ايه اخبار الثبات والسحب والعزل فى العربية دى وخاصة إنها عربية عالية عن الارض ومش عريضة انا معايا افيو وباخد الملف على 120 وساعات 130 بس لما ركبت الكارينز على سبيل المثال كنت باخد الملف على 60-70 بالعافية بحس زى ما يكون العربية هتتقلب برجاء التوضيح من اصحاب السيارة وياريت يكونوا من اللى بيجروا شكرا
مفيش حد بيرد ليه يا جماعة؟؟؟؟؟؟؟؟؟؟؟؟؟؟؟؟؟؟
السلام عليكم
انا معايا كيا سول 2012 فيس لفت (الموتور الجديد والفتيس 6 سرعات)
عامل 1500 كم
العربيه اول ما استلمتها كانت 100 100 وفوق ما كنت متوقع. لكن تقريبا اول ما كملت 1000 كم العربيه بقت بتعمل معايا حركات غريبه جدا
1. السحب بقى بحالات مره تسحب ومره الار بى ام يعلى وصوت العربيه يعلى ومتسحبش عن 80 غير لما تحرق فيها واخرها تجيب 110
2. بتاكل بنزين بدرجة كبيره جدا تقريبا فى الالف كيلو فولت 4 مرات.
رحت توكيل ابو رواش 3 مرات
1. اول مره عملت صيانة الالف وكانت قبلها العربيه معقولها وبعدها بقت بتعمل الحركات اللى فوق.
2. تانى مره غيرولى البوجيهات العربيه بقت تمام يوم واحد بس ورجعت اوحش من الاول وبقت بحالات.
3. تالت مره جربتها مع مدير الصيانه وطلعنا اسكندرية الصحراوى ومشى بيها 180 وقالى العربييه مفيهاش حاجه وكشف عليها على الجهاز وقالى مفيهاش اى عيب
انا بصراحة مش عارف انا مش مستريح من الحالات اللى بتحصلها دى واستلاك البنزين العالى قوى ده
لو حد بيحصل معاه كده او ممكن يكون عارف السبب ياريت تفدنى
وعلى فكره دى او لمشاركه ليها
يا جماعة ..يا دكتور هية الحاجات اللى حصلت دية فى عربية اخونا الفيس ليفت طبيعية ؟ ولا كدة فية مشكلة جامدة ؟ يا ريت تساعدوة شوية عشان انا لسة مش من الملاك و انتم اكثر خبرة
انا حاسس بنفس المشاكل بس بنسبة اقل العربية قبل ما تروح الصيانة كانت فوق الممتازة والان حاسس انها عادية جدا حتي شاكك ان فى الصبانة بدلو حاجة فى العربية بس بقول اصبر شوية لما العربية تمشى اكثر وانا بردو روحت بالعربية ابو رواش
تقرير ممتاز ....
بسم اللة ما شاء اللة ربنا يبارك فيها
انا حاسس بنفس المشاكل بس بنسبة اقل العربية قبل ما تروح الصيانة كانت فوق الممتازة والان حاسس انها عادية جدا حتي شاكك ان فى الصبانة بدلو حاجة فى العربية بس بقول اصبر شوية لما العربية تمشى اكثر وانا بردو روحت بالعربية ابو رواش
الصراحة انا اللى كنت غلطان واحد صديق ركب جانبى لاقانى باجيب الفتيس على الn كثيرا وانا ماشى وقال لى ان كده غير طبيعى ومن وقتها اسبوعين حتى الان بطلت امسك الفتيس طالما انا ماشى مع الوقت السحب رجع جميل زى الاول واستهلاك البنزين اتحسن جدا
انا حاسس بنفس المشاكل بس بنسبة اقل العربية قبل ما تروح الصيانة كانت فوق الممتازة والان حاسس انها عادية جدا حتي شاكك ان فى الصبانة بدلو حاجة فى العربية بس بقول اصبر شوية لما العربية تمشى اكثر وانا بردو روحت بالعربية ابو رواش
الصراحة انا اللى كنت غلطان واحد صديق ركب جانبى لاقانى باجيب الفتيس على الn كثيرا وانا ماشى وقال لى ان كده غير طبيعى ومن وقتها اسبوعين حتى الان بطلت امسك الفتيس طالما انا ماشى مع الوقت السحب رجع جميل زى الاول واستهلاك البنزين اتحسن جدا
hالعربية رجعت سيئة جدا واستهلاك البنزين عالى مش عارف علية عفريت
انا عايز اشتري العربيه دي بس خايف من قطع الغيار وسعر اعادة البيع ياريت تطمنوني
موضوع جميل والله , تحياتي
تسلم ايديك ياباشا
فيه اي اخبار عن مشاكل الفيس ليفت الجديد ؟؟؟
مافيش اى اخبار عن حلول استهلاك البنزين او السوفت وير ليها