الميا المقطره من اي بنزينه او بتاع بطاريات و كاوتش ب 2 جنيه
الميا المقطره من اي بنزينه او بتاع بطاريات و كاوتش ب 2 جنيه
العربية لما تكون متعودة على الميه العادية يفضل عدم استخدام الميه الخضراء لانها حتزيل الصدأ الى موجود فى الدورة و ده حيؤدى لانهيار الجدران و تلف الرادياتير و السربنتينة بتاعة التابلوه و احسن حاجة فعلا عن تجربة هى ميه الفيلتر او المقطرة (الى بدون اضافات حمضية) لو مضمونة
ده كان راى صديق ليا
ما رايكم فيه ؟
وشكرا جزيلا
المياه الخضراء بتاعة كارفور اللى ب 15 جنيه شغال بيها من سنة ووبازود من نفس النوع هى تركيزها 40% هل فى مشكلة فيها وهل حد جربها
انا ملاحظ ترسبات حمراء فى الموتور ووش السلندر وخايف تكون هى السبب ؟
التركيزات العالية غير محبذة وبالذات في الحاجات المضروبة دي
انا مية كارفور دي عملت مشكلة كبيرة بسبب تركيزها العالي لان المحلول المركز عادة ما بيكون أميل لأنه يرسب فاللي حصل ان الردياتير اتسد والميه غلية وبدات تتبخر وطبعا رسبت الايثيلين جليكول...فسد باقي مواسير الردياتير وكان هيطير المكنة...
بالاضافة لان المية مش بيكون ايثيلين جليكول بس...ده بيبقى فيها حاجة اسمها (بافرBuffer) وغالبا ما بيكون من نوعية الفوسفات عشان تحافظ على المحلول في صورة قلوية دايما لأنه لو حصل وبقى حمضي بمرور الزمن هيبدأ يسبب تآكل في الموتور والردياتير وطرمبة المياة وخصوصا ان الالمونيوم مكون اساسي في معظم سبائك المحركات...وطبعا مش معقول الحاجات الرخيصة فيها الكلام ده...ده اذا كان فيها ايثيلين جلايكول اساسا
أنا شخصيا كان عندي كميه باقية من مياة كارفور دي حوالي نص لتر فضفتهم على الدورة كلها ورميت الشوية اللي فالاخر عشان كان فيهم رواسب...وبازود بمياه مغلية متفلترة...
بس النصيحة الاساسية للناس اللي دورة التبريد عندهم كويسة وعربياتهم جديدة ان 30 جنيه مش فارقة من 40 او 45 وتجيب بتاع موبيل لأنها اكتر واحدة مضمون انها مش ملعوب فيها وتجيبها من بنزينة وتتعبى من العلبه بدون تخفيف واما تنقص نبقى نزودها مياه مقطرة...واشتري دماغك
جزاك الله خيرا على الرد وفعلا انا هاغير لموبيل
السيارة وهى مبطله
فك الترمستات اسفل الريداتير كل المياه المصدية هتنزلها وامل وفضى وامل وفضى
وبعد ذلك اربط الترمستات تانى
وهتلك جركن مياه خضراء وفضيه فى الريداتير ولو محتاج مياه اخرى زودها مياه عادية وانساها
انا بعمل كدة
انا مرة رحت الهايكستب و ركنت عربية في الشمس بعد مشوار طويل دورت بعد كدة مداردش فكيت العمة و عملت كل حاكدة مدارلش لحد لما زهقت دوست بنزيت علي الاخر من غيطي دارت العربية سالت بعد كدة كذا واحد صحبي واحد قال لي علي فكرة دة الطبيعي مكتوب عي الكاتالوج الكلام دة انك لازم تدوس الدواسة علي الاخر لكن العربية و هي باردة الشوك بتاع الكربراتير بيقوم بالموضوع دة