الرد على تهاني الانسر

**إسلام شاهين** · 04-06-2007 09:30 AM

يا جماعه أنا كنت بجد هعيط ، إيه الحب والود ده كله أنا حاسس إن أنتوا اللي اشتريتوا العربية لأنكم فرحانين أمكثر مني بصراحة أنا لو بجوز تاني محدش هيعمل معايا كده ، وده طبعا المتوقع من ناس بالخلاق والذوق ده كله ، وأنا تحت أمركم في أي حاجة ، بالنسبة للاستفسارات والرد عليها :-
العربية خليجي بضمان الرواس سنتين منن معرض المحمل اللي في شارع الطيران ، العربية لونها الرصاصي الغامق فرش رمادي ( كان نفسي في الشامبين فرش بيج بس للأسف مش موجود منها خالص وعرفت إن الفرش البيج ما بيستحملش ) العربية 1300 تكييف وباور وسنتر وإزارز ومرايات كهرباء واحده إيرباج الطارة الجديدة راديو سي دي ميتسوبيشي كينوود ، أكر ومرايات بلون العربية و2 مفتاح ريموت ( على فكرة ديه الخليجي ) والأردني هيه هيه اللي في توكيل مصرية ، سعر العربية بالضبط كاش 84500 ألف جنيه ( أنا جبتها قسط ) .
أرجو غني أكون أفدتكم وتحت أمركم في أي استفسار .
مع تحياتي وشكرا .

**وائل عطية** · 04-06-2007 09:43 AM

أستاذ إسلام
أنت تستاهل أكثر من هذا ربنا يباركلك فيها، وفعلاً زي ما حضرتك قولت الواحد حاسس كانه هو اللي اشترى العربية
ربنا يباركلك فيها

**mohamed10** · 05-06-2007 12:54 AM

الف مبرووكككككككككككككككككككك كك وربنا يكفيك شرها بس نصيحة لوجه الله انك تخلى بالك من السواقة يعنى بلاش تهور لان العربية جميلة ومغرية وياريت دايما تشغل فيها قران عند ركوبها وربنا يحفظك بيها ان شاالله وبمناسبة انها خليجى انت تعرف ايه الفرق بينها وبين اللانسر العادى وهل الخليجى تتحمله الطرق والاجواء المصرية وشكرا

**fahd_628** · 05-06-2007 01:04 AM

اولا الف مبروك مرة تانية

ثانيا هية عربية حضرتك اوتوماتيك

و لو هية اوتوماتيك ممكن تقولى اخبار السحب بتاعها اية و كمان هية CVT فا انا عاوز اعرف انت فعلا مش بتحس بالنقلات يعنى العربية بتفضل ماشية اكنك مديها غيار واحد ولا اية لو عربية حضرتك اوتوماتيك ياريت تشرحلى الموضوع دة

و شكرا

**mohamed el hussien** · 05-06-2007 03:25 AM

الف الف مبروك
وربنا يباركلك فيها
ومتهيألي دة سعر المانيوال

**إسلام شاهين** · 05-06-2007 09:09 AM

هي فعلا العربية مانيوال يا جماعه وسحبها ماشاء الله عليها والفرق بينها وبين الخليجي بسيط يعني الخليجي إريال سقف مرايات وأكر بنفس اللون مفتاح ريمت الفوانيس اللي ورا كريستال مفيهاش مخدع في الكنبة اللي ورا الكنبة مش بتتثي أما المصرية فهي بتنزل بدون كاسيت وأكر ومرايات سودا وسعرها أغلى يعني الخليجي كمالياته أعلى وسعره أرخص من توكيل المصرية ، وتحت أمركم في أي استفسار

**اسامة عبد العزيز جابر** · 05-06-2007 03:54 PM

الف مبروك يا أستاذ أسلام وربنا يبارك لك فيها ويحميها لك بس عندى سؤال صغير هو فين مكان التوكيل وحضرتك اشترتها منة مباشرة مش عن طريق احد الموزعين وهل التوكيل نفسة بيطلع بالقسط وهل هناك تسهيلات فى السداد مثلا تدفع النص والباقى مثلا على سنة أو 6 شهور. وأسف للأطالة بس انت اللى شجعتنا على السؤال يا باشا والف مبروك مرة تانية.
(طبعا الجواز مرة تانية دة هزار مش جد ولا انت بتتكلم جد؟؟ :lol: :lol: )أكيد الحكومة مش شايفاك وانت بتكتب الكلام دة
اخوك
اسامة عبد العزيز :roll:

**bassam nagy** · 05-06-2007 09:21 PM

الف الف مبروك وربنا يديك خيرها ويبعد عنك شرها

**محمد ابراهيم 1** · 06-06-2007 10:38 PM

يا باشا الف الف مبروك وربنا يبارك لك فيها ويكفيك شرها ومتنساش اجراءا ت تامينها يعنى قفل للدركسيون وجهاز انذار يفصل الكهرباء عن الاسبراتير ولو تقدر تامن عليها تامين شامل يبقى يا ريت والف مبروك تانى

**إسلام شاهين** · 07-06-2007 10:49 AM

الستاذ الفاضل اسامة
بعد التحية
العربية خليجي ومالهاش ضمان في التوكيل بس ممكن تتعامل مع الرواس لانه هو اللي شغال في الخليجي وموضوع القسط ده حكاية كبيرة قوي زي ما أنت عايز ممكن تدفع من أول 17000 الف وانت طالع لغاية قسط على 7 سنسن وكله حسب الفايدة بس لو عايز معرض كويس أنا جايبها من عند المحمل اللي في الطيران ناس محترمة ومضمونة ، وتكوكيل الانسر اللي هو مصرية بيطلع بالقسط طبعا بس العربية اللي عنده مش زي الخليجي خالص ناقصة حاجات كثير يعني مثلا مفيهاش كاسيت ولا مفتاح ريموت ولا الطارة الجديدة ولا فوانيس كريستال ومع ذلك سعرها اغلى 88000 والخليجي بمواصفات أعلى ب 84000 وانا تحت أمرك في أي استفسار تاني وديه نمرة تليفوني 0127687781 - 0112005205