انذار جديد للسيارة ارجو الدخول

**khaled4nour** · 06-05-2011 01:07 PM

ارجو المساعدة فى اختيار الانذار المناسب لسيارتى

معايا شيفروليه لانوس 2010

زهبت الى سبير كار اللى فى التجمع الخامس
وكان الاختيار بين
1- spy
2- سيمفونى

والسعر بالتركيب 210 جنيه للنوعين

ولكن قالى انه ماركة spy يوجد بها نوع أخر به خاصية اخرى أنه الأنذار يعمل فى سارينة السيارة وكمان فى ريموت السيارة بمعنى لو اى حد فتح الباب السيارة مثلا تلاقى سارينة العربية اشتغلت وكمان الريموت اللى معايا فى الشقة وهو عبارة عن شاشة صغيرة يترسم فيها ماذا حدث فى السيارة
وده سعره 410 جنيه

ارجو المساعدة فى الاختيار ما بين الانواع الثلاثة وهل ابحث عن ماركة ولف ؟
ارجو الافادة وشكرا

م/خالد

**engaass** · 06-05-2011 05:12 PM

لو مبتشوفش عربيتك من الشقه يبقى spy 2 way افضل انما لو بتشوفها الاتنين التانيين زى بعض

**x_gomgom** · 06-05-2011 05:59 PM

سؤال بسيط هو فين سبير كار اللي في التجمع؟؟

**tarek_asem** · 06-05-2011 08:14 PM

المشاركة الأصلية كتبت بواسطة x_gomgom

سؤال بسيط هو فين سبير كار اللي في التجمع؟؟

على شمالك وانت داخل التسعين ... عند سيتي بنك والجات دي اللي على شمالك ..وعند ابا الدهب بتاع السيراميك ... في المنطقه دي

**HoDeSTa** · 08-05-2011 04:29 AM

موضوع ممتـاز

بس هوا انذار سباى ابو 400 جندي هل فعلا حد جربه ؟

عشان سمعت انه بيهيس

انا كنت مركب عندي وولف والحساس بتاعه بيخرف وغيرت حساس بحساس كان عند الكهربائي وربنا يسترهـا

لو فعلا كويس الواحد يتوكل على الله ويشتريه

**bondjames** · 10-05-2011 08:03 PM

سباى 5000 أكثر من رائع - عندى من سنتين

**mr_vampire** · 10-05-2011 08:13 PM

فرق مش جوهري بين النوعين وبفرق سعر كبيييييييييييييييييييييير .

هو الانذار لما يضرب لسة هبص فالشاشة واشوف حصل ايه؟؟؟؟؟؟؟ في ظل الانفلات الامني اللي عايشينه ده مادام ضرب يبقي حلق ياجددددددددددددددددع لحد مايثبت ان عربية كانت ماشية بسرعة جنبها او عيل ضربها وجري.

**aramzy** · 12-05-2011 10:19 AM

والله انا مش خبير بس فيه حاجة منطقية هل الريموت بيشغلالسيارة اصلا من البيت علشان لو الريموت مداه مش واصل للسيارة ( للإرتفاع أو وجود السيارة فى الجراج ) يبقى العملية العكسية مش هتحصل يعنى السيارة مش هتقدر تبعت إشارة للريموت
طبعا ممكن اشارة العربية تبقى أقوى يعنى الافضل تجرب

**dr.hany** · 12-05-2011 11:04 PM

المشاركة الأصلية كتبت بواسطة aramzy

والله انا مش خبير بس فيه حاجة منطقية هل الريموت بيشغلالسيارة اصلا من البيت علشان لو الريموت مداه مش واصل للسيارة ( للإرتفاع أو وجود السيارة فى الجراج ) يبقى العملية العكسية مش هتحصل يعنى السيارة مش هتقدر تبعت إشارة للريموت
طبعا ممكن اشارة العربية تبقى أقوى يعنى الافضل تجرب

1111111111111111111111111

**gaaz** · 13-05-2011 12:34 PM

انا جايبه هو مداه في الحتت اللي فيها حيطان مش بعيد للأسف يعني اخره ميت متر تقريبا اة اقل كمان
وللصراحة هو ممتاز جدا ويستاهل لأنه بيخليك مطمن لنا بتبقى راكن في حته وبعدت شوية عنها او دخلت تشتري حاجة او نزلت تاكل في مطعم لأنك غالبا مش بتبقى راكن بعيد ساعتها
انا للأسف مش بستفيد منه في موضوع البيت لأني بركن بعيد شوية عن البيت