محتار جدا اجدا

**makmool** · 06-05-2011 03:33 PM

ازيكم ياجماعة عاملين اية ؟؟؟ محتاج مشكروتكم في حاجة
امبارح اتا اتفرجت علي الجيتا 2010 لكن خليجي وسعرها 180 الف تقريبا وكمان اتفرجت علي الجيتا p2 2011وكيل وبنفس السعر وكمان مسؤل المبيعات في النعرض قال لي ان الجيتا2012 هتنزل بماتور تربو 1200 وكمان هتكون غالية جدا عن القديمة وفية واحد صاحبي بيقول اشوف حاجة غير الفولكس زي الهوندا او الاوكتافيا انتم اية رايكم........برجاء المشاركة من فضلكم

**M.Mostafa80** · 07-05-2011 06:13 PM

والله هما الثلاث ماركات محيرين فعلا والثلاثه محترمين وكل ماركه بتتميز عن التانيه فى حاجه
هتلاقى مقارنات كتير جدا ما بينهم فى قسم المقارنات لف لفه هناك وصلى استخاره وربنا يوصلك للى فيه الخير

**ahmedgafer** · 07-05-2011 10:48 PM

بس يا باشا توكل علي الله وهات جيتا 1400tsiموديل 2011
ودي هتعرفك يعني ايه عربيه الماني

**makmool** · 07-05-2011 11:01 PM

بس دي اصلا لسة منزلتش اللي نزلت الباسات وهية غالية جدا عليا انا بدور علي حاجة في نفس مستوي الجيتا من ناحية السعر

**samoreception** · 07-05-2011 11:39 PM

سلام عليكم يا جماعة انا عاوز اشارك برائى اللى يحتمل الصواب او الخطأ
انا بقالى فترة عاوز اشترى سيارة فى مصر علما بانى عايش وبشتغل فى دبى وبطبيعة الحال مش هقولكوا على العربيات فى الامارات بصراحة حاجة تشرح القلب اعلى مستوى سيارات وعلى فكرة انا معايا هنا تويتا كورولا 2008 ومازدا 6 2005 وممكن كنت انزل الكرولا لانى المالك الاول ليها بس بصراحة مردتش وفضلت انى اشترى الراااااااااااااااااااائع ة اوكتافيا a5 وده لعده اسباب :-
1- العربية ما شاء الله سمعتها حلوة جدا فى مصر وسعر اعادة البيع حلو جداااا
2- تحس وانت راكب العربية انك راكبة حاجة فخمة جدا وده يرجع للخامات المصنع بيها التابلوة على عكس التيوتا كرولا 2008
3- العربية عالية عن الارض وفى نفس الوقت ثاااااااااااااابتة جداااااااااا وده يرجع لانظمة التعليق فيها الممتازة
4- فيها تكنولجيا وامكانيات تحفة زى كمبيوتر الاعطال-حساب الكيلو متر المتبقى على حسب كمية البنزين - تحديد اقصى سرعة ممكن تمشى بيها -التحكم من التارة فى الكاسيت والسى دى والصوت -زرار لمعرفة ضغط الاطارات - وحاجات تانى انا مش فاكرها
5-صاج العربية قووووووووى جداااااا وبيستحمل كتير ده حتى الفوانيس الامامية ضد الكسر وبتستحمل زى الصاج
6-الشنطة بتاعتها واسعة بطريقة غريبة جداااا 560 لتر يعنى تشيل فيها زى ما انت عاوز
7-ده غير الرفاهيه اللى فى العربية من تلاجة وكراسى جلد وفتحة سقف وجى بى اس وكاركيت وتلفزيون ووصلة يو اس بى و اى بود وايه يو اكس والحاجات الخرجية زى الجنوط وحساسات المطر والزينون ونظام التحكم فى الاضاءة وحاجات كتيرر
8-ثبات العربية على السرعات العالية ومتحسش اصلا انك بتجرى بيها خااااالص لانى موتورها بيولد اقصى عزم يعتبر عند 4100 لفه
9-قطع غيار العربية رخيصة مش غالية زى ما فى ناس بتقول وفى منها تايوانى وتركى والمانى واصلى وبتتباع فى كل مكان
10- مراكز الخدمة بتاعتها حلوة جدا وفيها ناس محترمة بصراحة بتحاول تساعدك
وده كل اللى انا فاكرة من اللى خالنى اشترى الاوكتافيا a5 وعلى فكرة انا جبتها مستعملة موديل 2007 بس ماشية 41 الف بس يعتبر كسر زيرو

**ahmedgafer** · 07-05-2011 11:59 PM

علي فكره اوكتافيا سياره رائعه ومواصفاتها قريبه جدا من الجيتا فما بالك بما يصنع الاصلي لنفسه بالماتور tsiالجبار وعلي فكره الماتور ده موجود في اوكتافيا فانتزيا هاي لاين 2011