ايه افضل ثرموستات حرارة مناسبة للفيورا او للفيات القديم 80 ~ 90 ولا 68 ~ 82
و لا فيه مقاس تانى احسن
عرض للطباعة
ايه افضل ثرموستات حرارة مناسبة للفيورا او للفيات القديم 80 ~ 90 ولا 68 ~ 82
و لا فيه مقاس تانى احسن
80 / 90 دة أفضل مقاس المقاس الى قبلة حا يخلى المروحة شغالى دايما و درجة حرارة الموتور المثلى هى 90 درجة
اشكرك استاذ هشام لانى حاليا مركب المقاس ده لكن بتاع الرداتير شككنى فى نفسى و قالى المقاس التانى افضل و لما سالته الافضلية فى ايه قالى هيشغل المروحة وقت اكبر !!!!
و برضو حا يقصف عمر المروحة اسرع ههههههههه و الموتور يفضل يبرد و لو فى الشتاء حا تحس ان العربية مش مظبوطة لانها باردة على طول . بص جرب كدة و جرب كدة و شوف أنهى أصلح و مريحك أكتر
فعلا المروحة مش هتفصل تماما او تفصل لمدة بسيطة جدا
انا بس لو اعرف الاستندر اللى العربية كانت بتنزل بيه هستريح ؟؟؟
82 / 90 و لو عاوز تعرف اصل العربية أول ما نزلت العربيات ال 127 كانت بتسخن لان الرادياتير بتاعها كان محطوط بداخلة زى مواسير بلاستيك حلزونية الشكل راكبة داخل الرادياتير فى الخروم بتاع مجارى المياة علشان تقلل دورة المية داخل الرادياتير و تفضل المية ساخنة بس دة مواصفات اوربية فكان لازم تشد البلاستيك الحلزونى دة و تطلعة من الرادياتير و طبعا كان الرادياتير يا أما الومونيوم يا أما كان فيبر و طبعا دى كانت فكرة مش محببة لصنايعية مصر و كلة يقولك غير و ركب رادياتير نحاس مع أن دة جهل لان الرادياتير الالومنيوم الحرارة مش بتفضل ماسكة فية لما تبردة زى الرادياتير النحاس . بص هما كانو بيقولو لك أسهل علشان لو اتخرم يتلحم بالقصدير و السلام
اشكرك على المعلومات الجامدة
بس اظن دلوقتى مبقاش فيه ليها رادياتيرات فيبر او المونيوم او ممكن تكون نادرة الوجود
الالومونيوم كان مستورد نوعة أسمة ((( فاليو )))) بس اعتقد ممكن تلاقى الومونيوم حاليا بس حا يبقى صينى مش ايطالى طبعا بس حا تكون العلب فيبر .
الصينى متوقعش انه يعمر
انا مرة فكرت ليه منركبش لها رادياتير كبير زى بتاع الانوس خصوصا انه تقريبا بنفس تمن النحاس و هيبقى احسن علشان كفاءة تبريد اعلى
أسأل كدة عند بتوع الرادياتيرات الى فى ميدان ابن الحكم اعتقد أنى شوفت الالومونيوم عندهم قبل كدة . و النحاس فية نوعين واحد كان بتاع المصانع الحربية و الاخر كان بيقولو علية المانى هههههه مش ألمانى طبعا بس بيقولو كدة و السلام و خلى بالك لو وزن الرادياتير تقيل يبقى مش حلو على فكرة و فية ناس بتركب نحاس 3 ماسورة بس شكلة وحش بصراحة
هههههههههههه
على احر من الجمر :wink:
لما سالت عرفت انهم بيشتغلوا الناس و بيقنعوهم ان المادة الخام الالمانى هههههههه
طاب ليه لو وزن تقيله ميبقاش حلو ؟؟؟ متفهمنى النقطة دى يا باشا
هههههههه انا راكب عندى التلات ماسورة
الورتين دول لرادياتير نحاس لو بصيت فيهم حا تلاقى أن المواسير المبططة هى الى المية بتمشى فيهم داخل الرادياتير و الرادياتير دة 2 ماسورة المواسير المبططة ماسكة فى ماسورة ماشية بالعرض و برضو ماسورة نحاس
http://img546.imageshack.us/img546/6...0920101953.jpghttp://img219.imageshack.us/img219/2...0920101954.jpg
دة رادياتير ألومونيوم . لو بصيت فى الصورة حا تشوف المواسير مدورة و راكبة ازاى بقى راكبة عن طريق كاوتش مدور الماسورة بتنزل فية شحط تقوم تقفل علية لو ضربت واحدة من الكاوتشات دى عارف بيتصلح ازاى الراجل بيجيب الرادياتير و يفكة و يجيب كذا أنبوبة امير الفا و يغرق الماسورة عند الكاوتش المدور دة ب الامير و يسيبة مش اقل من ساعة يمسك الامير و ما يسربش مية تانى . دة الرادياتير الالومونيوم الصينى . أو نوع منة و الفكرة نسبيا واحدة فى الرادياتيرات الصينى
http://img405.imageshack.us/img405/4...1020102067.jpghttp://img217.imageshack.us/img217/9...0320114869.jpghttp://img217.imageshack.us/img217/9...0320114869.jpg
بص ال 3 ماسورة حا يبرد بس تخين قوى و شكلة غبى و دة أنا حاسس أنة بتاع عربيات نقل مش ملاكى ههههههههههههههههههه
لو الرادياتير وزنة تقيل مش حا يبقى نحاس أوى يعنى داخل فية حاجة غير النحاس لآن النحاس غالى و مش ممكن حا يحط كل الوزن دة نحاس يعنى مضروب شوية بس اشتغالة للزبون لان بعض الناس حا تقتنع بكلام البياع و بتشترى بمبدأ الكيلو ههههههههههههههههه يعنى حا يقولك دة نحاس محمل و معمول عمولة و كدة يعنى
أنا مركب الالومونيوم الصينى لانة كان ب 450 جنية الاسبانى وصل ل 650 جنية فجبت الارخص و شغال معقول و الحمد لله دة فى رادياتير كبير طبعا مش بتاع ال 127
المواسير مش بتتسد لو الماسورة واسعة المبططة بتتسد أسرع لانها اضيق فى القطر
لو حا تنظف رادياتير نحاس ممكن جدا الراجل يفك العلبتين و بيجسي زى سيخ مبطط كدة رفيع يدخلة فى المواسير و يسلكها و يرجع يلحم الرادياتير تانى
الرادياتير الالومونيوم حا تنظف ب ماكينة ضغط زى الى فى المحة مش بيتفك الا لو علبة فيبر ضربت من الجنب بس مش بيتسلك زى النحاس و تفكة من بعضة لان المواسير مقفول عليها بالكوتش المدور الى فى الصور
دى صور أوضح شوية لشكل الماسورة
http://img709.imageshack.us/img709/7...0320114868.jpghttp://img808.imageshack.us/img808/6...0320114867.jpg
هههههههههه
يزولوا الناس بتقله و الناس يعنى متعرفش
و ال 3 ماسورة فعلا شكله كلبوظ ههههههههههه و مكعبر فى قلب بعضه
و الادهش انى لقيت 132 كان بيركب 4 ماسورة و سمكه كان كبير بطريقة ملحوظة
ربنا يبارك لك فيه و فيها
الله يخليك يا باشا و تسلم .
بص بجد الى بيبيعو عاوز قلب الزبون و السلام الا ناس كويسة و ناس تكون واثق فيهم و عارفهم أنما شغل السوق ماشى بمبدأ الفهلوة يعنى زى الى قالك دة المانى ألمانى مين بس الى ب 230 جنية هو بيهرج طبعا و يقولك ساعتها لآ دى خامة المانى و احنا بتجيب من المستورد و هلم جر أنت اكيد عارف باقى الفيلم ههههههههههههههههههههههههه
هههههههههههههه
جايب الخامة من المانيا القمح
فى عربية لانوس تانية بتاعت اختى كنت رايح اغير لها علبة فبعد ما الراجل فك الرادياتير قالى حرام تغيير العلبة لان الراداتير فيه ماسورة مبوشة و الاحسن تغييره كله فقولتله خلاص ركبه تانى و انا فى دماغى اروح اشترى الاصلى و اسقطه وقتى
فلقيت بتاع الرادياتير قعد يقنعنى بواحد مستعمل عنده و انا اقوله لا بعدين يقولى خلاص اركبلك صينى من عندى و انا اقوله لا و اخيرا قعد يقنعنى اصلح القديم هههههههههههههه مع انه طالع 3 و 4 و 5 و 6 تييييييت اهله
الراجل ده كان اول و اخر مرة اتعامل معه رغم انه قريب من بيتى اوى
بالظبط مبدأ أشتغل الزبون و أنصب و السلام هههههههههههه
على فكرة الرادياتير الى كان حا يبعهولك اكيد من ضحية سابقة زى موضوعك كدة بس هو عرف يقنعة و غيرلة الرادياتير أونطة و بعدين ياخدة من الراجل ببلاش أو ب 20 جنية و هوب يبيعة لضحية اقصد زبون جديد ب 150 جنية على الاقل هههههههههه
العفو يا باشا على اية بس
كللك واجب يا هشام باشا