+1000000000000000
عرض للطباعة
السلام عليكم ورحمة الله
افيدوني افادكم الله انا مصري مقيم في الامارات ونويت اشتري عربية وامامي عربيتين لانسر 1300 جي ال 2008 زيرو وماتريكس 1600 موديل 2009 تركي والسعر تقريبا واحد يفرق حوالى 3000 درهم ومحتار اشتري ايه خصوصا اني هسافر بيها مصر في الصيف ارجوكم افيدوني
وكل عام وانتم بخير
السلام عليكم ..كان ليا تعليق صغير على التابلوه الي مش عاجب حد في الانسر الجديده على فكره التابلوه جميل ججدا وواضح بالمقارنه مع العبيات الياباني التانيه..تتوقف حضرتك ركبت الكامله الفل سبورت؟؟ اركبها وشوف التكيف التاتش كمان وحط بنزين 95 وشوف السحب والثبات وقارن بالسيفك علمت عليه اكتر من مره والتكيف شغال على طريق العالمين وبالنسبه للثبات واستجابه العربيه وارتفاعها عن الارض ينافس اي عربيه يباني في فئتها السعريه يعني ولا امبريزا ولا ماذدا 3 ولا سيفيك في نظري...والي يحب يجرب انا موجود..معرفش الي ركبتوه مصري ولا خليجي انا الي معايا خليجي كويتي جرب وانته تعرف..
السلام عليكم
يا استاذ tito_77
انا رأيي تشتري الماتركس لانها 1600 و دي تكيفها هيكون كويس عن الانسر 1300 دي تكيفها غلطة كبيرة في حق ميتسوبيشي
بس الماتركس هتكون حلوة و تقضي معاك في الصيف دة و استخير ربنا و الي فية الخير هيحصل بأذن الله
و بنسبة لالاستاذ coolsh
يا باشا انا مركبتش الاسبور و علي كلامك بما ان عندك واحدة حلوة بس معلش متتقارنش بلهوندا و لا السوبارو مع ان السوبارو ارخص منها بس احسن
لية بقا السوبارو فيها محرك بوكسر الخاص براليات و فيها تربو بس الجمارك في مصر بتمنع نزلو عشان سرعتها هتزيد جدا و دي العربية الوحيدة الي مبتتصنعش خارج اليابان و بعدين حتي السوبارو اسمها معروف و لية احترام كبير
اما بنسبة للهوندا دي فخر الصناعة اليابانية ومعلش الانسر متجيش جنبها حاجة لا في الشكل ولا في التابلوة من جوة ولا في السحب حتي
دي هوندا برضة و دي المفروض انها 1800 ودة الي بينزل في الخليج بس الفطيم في مصر مش بينزل غير 1600 لان لو نزل التانية سعرها هيعدي 200000 الف وهتتطلع لفئة البي ام
و العربية الي بتنزل مصر ال1600 ميتقارنش بيها غير الوكتافيا A5 و انت طالع بقا في الاسعار
و دة عن ثقة
بس برضة الاانسر مش وحشة بس متطلع لفئة الهوندا
تقييم اكثر من رائع وواضح ......
بس لدي سؤال اللانسر الجديدة بحوالي 155000 جنية وهي تنقص الكماليات الاتية:
- مثبت السرعة
-multifunction stear
وهي موجودة في السيارات الاوروبية ذات نفس الفئة السعرية مثل الفورد فوكس والرينو ميجان؟
أرجو الرد او عمل مقارنة ....
مفيش مقارنه , دي حاجه و دي حاجه
الالماني الماني يعني عربيه ركوبه و كماليات
و الياباني فلوسك في جيبك و عربيات عمليه و اقتصاديه
المهم الفوكاس افضلهم من كل الوجوه مع العلم اني معايا لانسر اي اكس.لكن تعالى بيع و اخسر ثلث ثمن العربيه!! مين يستحمل.
الميجان لا انصح بها على الاطلاق لان عيوب الكهرباء بها كثيره و بتخسر كتير في بيعهاز
اللانسر الجديده هايله لو قارناها بالكورولا مثلا و الفرق بينها و بين الفوكس انها اوسع و تابلوهها اشيك و موتورها بيعيش اكتر من الفورد و فلوسك في جيبك
لكن الفوكس اداء موتور و عفشه و عزل افضل من اللانسر لكن الري سيل سيء
معلومه:اسعار قطع غيار الفوكس ارخص من الانسر الجديده!!!
معلومه حبيت اصحح الفورد فوكاس امريكي مش اوروبي اصلا....
لأ يا باشا..
الفوكاس متصنعه في اسبانيا.. مش امريكي خالص..
لو انته متأكد من كده يا باشا يبقى انا اسف على غلطي وجل من لا يسهو....
يافندم ولا يهمك..
عادي.. كلنا بنتعلم و بنعرف من بعضينا..