الموضوع: ....* تقييم لانسر 2008 ....*

[frame="7 80"]

تم اختيار هذا الموضوع كافضل موضوع لشهر مايو 2009

[/frame]




بسم الله و الصلاة و السلام على رسول الله
Nile Motors
روحت من فترة توكيل ميتسوبيشي قلت لهم عايز أعمل Test Drive لللانسر الجديدة، قالوا لي ممكن بس هيكون الموديل ال GT.
قلت لهم يا جماعة بس ده ولا نفس الموتور ولا نفس ال Gearbox ولا نفس الكاوتش ولا أي حاجة خالص، قالوا لي الموديل ال 1.5 مفيش منه عربية Test Drive.
بصراحة أنا مش مقتنع إن الواحد يجيب عربية من غير ما يسوقها، خصوصاً إن اللانسر مش BMW مثلاً بحيث إنها هتكون بالتأكيد عربية سبورت ومريحة وسريعة، ولا هيا عربية أي كلام بحيث تبقى جايبها وأنت بتحمد ربنا أنها بتمشي، بدون ذكر ماركات معينة عشان محديش يزعل :)
Nile Motors
فبعد تفكير عميق إستمر بتاع ربع ساعة كده، تفتق ذهني عن إني ممكن أأجر واحده يوم ولا أثنين كده وأشوف نظامها ايه. و قد كان، و ده تقييم سريع ليها.
Nile Motors
----------------------------------------------------------------

المواصفات:
الموديل الى أجرته هو أقل مواصفات، تكييف مانيوال، سنتر بريموت، باور، أتوماتيك. وديه بتفرق عن أقل مواصفات مصري إن مفيهاش ABS. جدير بالذكر أن الموديل ده مفيهوش إنذار وزجاج السواق هو الوحيد الأتوماتيك في إتجاه واحد بس (تحت). السنتر لوك ملوش زرار بالداخل ولازم تقفل السنتر من زرار اللوك العادي بتاع باب السواق.
Nile Motors
الشكل الخارجي:
الشكل الخارجي عاجبني جداً، تقريباً هو أكثر حاجة عجباني في العربية. رأيي الشخصي أكثر لونين لائقين عليها هما الأحمر والرمادي.
Nile Motors


Nile Motors
وضعية السواقة:

Nile Motors
أول متقعد على الكرسي هتلاحظ أنه منخفض شوية، وديه حاجة طبيعية في الياباني عامة والميتسوبيشي خاصة. ده مش عيب طبعاً إلا لو بتحب تشوف الكبوت وانت سائق، في الحالة ديه ميتسوبيشي أعطوك يد عشان تعلي الكرسي.
Nile Motors
هنا ظهر معايا نقطتين مش قد كده:
1. عجلة القيادة مبتتحركش في إتجاه الكرسي (مش بتقرب).
2. الجزء الأمامي من قاعدة الكرسي كان محتاج يبقى أعلة من كده شوية. كونه منخفض بيخلي رجلك من فوق الركبة متشعلقة في الهوا، مش عارف ده ليه علاقة بطول الشخص ولا لأ (طولي 183cm)، بس هو وضع مرهق للسواقة، يعني لو سائق مسافات طويلة هتبقى عايز تريح كل شوية. بشكل عام وضعية السواقة مش وحشة بس كان ممكن تكون أحسن من كده.
Nile Motors
المقصورة والخامات المستخدمة:
العدادات والشاشة ال LCD الجديدة حلوين وواضحين جداً، والإضاءة بليل بيبقى شكلها حلو.
Nile Motors


Nile Motors
بالنسبة للزراير وتوزيعها فكل حاجة مكانها كويس. الدركسيون خامته مش بطاله (الموديل الأعلى بيبقى جلد).
Nile Motors
الفتيس بتحس إنه خفيف شوية في إيدك بس مهياش حاجة وحشة برده.
Nile Motors

Nile Motors
هنا بقى أحب أعيب على ميتسوبيشي إستخدامهم للبلاستيك الناشف في التابلوه كله. يعني عادةً الماركات الثانية بتحاول تحط حته طرية في وسط التابلوه عشان تكسر حدة البلاستيك شوية. ده ميمنعش برضه إن التابلوه شكله كويس، ولو جبت الموديل الأعلى من ده ال CD المدمج بيخلي شكل التابلوة أحسن كثير.
Nile Motors
خامة الكراسي في أقل موديل خشنة شوية، والأبواب من جوه عليها طبقة قماش متحسش إن تحتيها أي بطانة.
Nile Motors
في الأمام في 2 Cup Holders في المنتصف وواحد في كل باب. وبدل ال center console بيجي مربع كده ممكن تحط فيه أي حاجة.
Nile Motors

Nile Motors
الكنبة الخلفية قعدتها مريحة و واسعة. يعني لما قعدت قدام وزبطت الكرسي ورجعت قعدت بالخلف، ركبي كانت يدوب لامسة ظهر الكرسي. أنا شايف أنها أوسع من معظم العربيات الثانية من نفس الفئة، وده من التجربة العملية كذا مرة لحد ما مراتي زهقت مني من كتر اللف على المعارض :D
Nile Motors
الشنطة:
الشنطة عرضها كويس، عمقها مش أوي، و ارتفاعها قليل طبعاً بسبب الاستبن. مشكلة الاستبن ليها حل: شيل فرش الشنطة، فك المسامير إلي ماسكة الفل و شيلو، إخلع الاستبن و بيعه، اشتري استبن مؤقت مقاس 16 بوصة، حطو و رجع الفرش من غير الفل و بس كدة. في الصور إلي تحت ديه باين لو عملت كدة هتفرق معاك قد إيه.


Nile Motors
و الصورة ديه باين فيها قدرت أحط إيه فال شنطة من غير ما أعمل أي تغيير.


و الصورة ديه لتوضيح حجم الشنط مقارنةً بحجم العربية من برة

Nile Motors
ماينفعش ننسى إن العربية نازلة بكاوتش 205/60 R16 و دة ممكن يكون أكبر مقاس كاوتش شفته نازل ستاندرد في عربية من الفئة ديه.
Nile Motors
التكييف، الجيربوكس، صوت العربية:

التكييف أكتر من ممتاز، و مكنتش متوقع أقل من كدة من ميتسوبيشي. من فترة كان معايا جالنت 2000CC و طول الصيف كنت مشغله على 2 و هو فيه لحد 4.
Nile Motors
الجيربوكس أدائه بعتبره كويس. بينقل بسرعة و نقلاته ناعمة، وال kickdown بتاعه بيحصل من غير ما تحتاج تجيب أخر دواسة البنزين زي عربيات تانية. المفروض إن هو هو نفس الجيربوكس إلي فى اللانسر ال 1300 الأوتوماتيك بس هنا واضح انهم عملو عليه شوية تعديلات.
Nile Motors
صوت الموتور واطي ف صوت العربية هو صوت العادم، و صوت العادم معجبنيش الصراحة. متعتبرش مشكلة أصلاً عشان ليها حلول كتير.
Nile Motors
الموتور:

أنا شفت فيديو على YOUTUBE للانسر مانيوال بتجيب 0-100 فى 10 ثوانى بدون أى تعديلات، و ده يوضح الأداء الحقيقى للعربية
Nile Motors
أما بالنسبة للعربية اللى كانت معايا فأنا هسيب الأرقام تتكلم أحسن، بس قبل كدة لازم ناخد بالنا من كذا حاجة:
1) العربية 1500CC
2) العربية كبيرة
3) العربية أوتوماتيك
Nile Motors
فى الإختبار بتاعي حاولت أراعي إن العربية أوتوماتيك فمش هيبقى عدل اني أقيس الأداء بتاعها من الثبات و أقول على أساسه انها كويسة أو بطيئة. لما بتيجي مجلة أو برنامج يختبر عربية أوتوماتيك بيبقى فيه إختبار إسمه "0-100 from a rolling start" بجانب إختبار ال 0-100 العادي. دة بيبقى انك تبقى ماشي بالعربية على سرعة 10 مثلاً و بعدين تكبس على الأخر و تقيس، و دة عشان العزم إلي بيضيع بسبب الأوتوماتيك.

الأرقام:
rolling start, 0-100kmh, aircon off: 12.8 sec
standstill, 0-100kmh, aircon on: 15.0 sec
aircon off, 80-120kmh: 10.5 sec
aircon on, 80-120kmh: 11.4 sec
Nile Motors
الأرقام أنا شايفها كويسة بالنسبة لكل العوامل إلي اتكلمنا عليها، دة غير إن الجو كان تراب و درجة الحرارة كانت 34 ف أكيد سحب العربية كان متأثر.
على فكرة حالياً أنا بسوق عربية 2500CC و محستش و أنا سايق اللانسر اني سايق جرار زراعي مثلاً. موتور اللانسر سحبه بيبدأ من 2500RPM كدة و أحسن حاجة من 4000RPM ل 6000RPM.
Nile Motors
الثبات والراحة:
العفشة عجبتني جداً. التعليق المستقل للعجلات ال 4 بيحقق أحسن توازن بين الراحة والثبات. مشيت بالعربية في طريق شبه مكسر كدة و ماكنش فيه أي مطب بحس إنه خبط في عظمي.
Nile Motors
بالنسبة للثبات أنا جربت كذا حاجة:
العربية في الملفات هائلة. أخدت بيها ملف دائري كدة على سرعة 80 والعربية مطلعتش عن الخط بتاعها خالص. فيه شوية "Body Roll" (معرفش اسمه إيه بالعربي الصراحة) ملحوظ بس لما قرأت عنه شوية على الانترنت عرفت إن دة عادي و إن هي ديه طريقة العربيات في تحميل وزن العربية على كاوتشة معينة عشان العربية تفضل ماشية فى الخط بتاعها جوا الملف.
Nile Motors
جربت كمان على طريق سريع (على سرعة 120) و كان الثبات كويس، بس لما جيت في حتة فاضية شوية كان فيه شوية رياح عرضية (الاجانب بيسموها crosswinds)، و ديه خلت العربية تطلع من الخط بتاعها كذا مرة من غير ما أكون بحرك عجلة القيادة. فال أول كنت حاسس انها زيادة شوية بس لم قرأت على الانترنت بردو لقيت إن دة عادي و إن المفروض في ظروف ذي كدة تهدي سرعتك عن السرعة الطبيعية. إلي خلاني كمان في الأول أحس انها زيادة هو إن العربية إلي معايا أثقل من اللانسر بحوالي 200 كيلو و التعليق أوطى بحوالي 3 أو 4 سنتي، و دة يعتبر فرق كبير.
Nile Motors
أخر حاجة و هي الفرامل، و ديه جربتها من غير ما أقصد عشان سرحت مرتين و احتجت أمسك فرامل على الأخر، و في المرتين العربية فرملت كويس بس طبعاً كان فيه شوية زحلقة في مرة منهم بسبب عدم وجود ABS.
Nile Motors
----------------------------------------------------------------
Nile Motors
دة تقييمي الشامل للعربية و أرجو اني أكون غطيت جميع الأوجه. أنا حاولت بقدر الإمكان اني مقارنهاش بحاجة
Nile Motors
تانية عشان يبقى تقييم محايد بحيث ينفع أي حد بيفكر يجيب العربية ديه
Nile Motors
العربية هترجع بكرة إنشاء الله بس لو حد عنده أي إستفسار يسأل و أنا إن شاء الله هحاول أجاوب من الذاكرة
Nile Motors
----------------------------------------------------------------
Nile Motors
سبحانك اللهم وبحمدك، أشهد أن لا إله إلا أنت، أستغفرك وأتوب إليك
Nile Motors