اكبر مشاكل 405

**mamado405** · 07-05-2011 09:36 AM

المراوح عندي كانت شغاله علي السرعه العاليه مباشره وكانت الحراره دايما اقل من 80 الكهربائي قاللي هنرجعها لوضع الاصلي بتاع العربيه يعني سرعتين بس قاللي عايز يركب ساعه حراره للسرعه العاليه لأن الرادياتير فيه ساعه واحده عملها للسرعه البطيئه عشان الرادياتير دا مش بتاع ال405 والاصلي بتاعها بيبقي فيه ساعتين حراره للسرعتين مش عارف اسمع كلامه ولا اجيب رادياتير 405 استيراد وهل هو المنيوم ولا نحاس وهل فيه ساعتين حراره فعلا للسرعه العاليه والبطيئه!

**mohamedadelemam** · 07-05-2011 12:38 PM

إيه الكلام دا!!!..اللى أعرفه إ ن سنسور الحرارة واحد ودا راكب فى الموتور والريداتير مش فيه أى سنسور خالص

**the-hero** · 07-05-2011 08:56 PM

دورة تبريد ال 405 معقدة شوية فعشان كدا الكهربائيين اللى مش محترفين بيلجؤا انهم يعملوا لعبة ساعة حرارة فى الرداتير
الوضع الاصلي ليها
عبارة عن كتاوت سرعات بطيئ وسريع اسمه الباترون ورا الفانوس الشمال
حساس السرعة البطئ تحت الكربراتير
ساعة الحرارة خلفية ورا المكينة عند الفرن
فيه انواع رداتيرات بقي فيها سعات حرارة او حساس
الطبيعي ان طول مالعربية حرارتها عادية السرعات البطيئة تشتغل وتفصل اما لو الحرارة تعدى ال 90 او تشغل المكيف السريع يشتغل
وكل ده اوتوماتيك
هى ديه الظبطة التمام ليها

**mohamedadelemam** · 07-05-2011 10:54 PM

دايما رافع راسنا والله يا أستاذ هيرو

**Unendlich** · 09-05-2011 12:12 PM

بس صاحب الموضوع واضح انه شايل الثرموستات بتاع طرمبة المية

**mamado405** · 09-05-2011 02:41 PM

ازاي اعرف ان الترموستات موجود او لا ولو مش موجود ثمنه كام جديد

**Unendlich** · 09-05-2011 05:07 PM

لو موجود هتبقى حرارة العربية ثابتة على طول في المكان اللي زي اللي في الصورة

أما لو مش موجود هتلاقي إنك لما تطلع على طريق سريع (بالذات لو باليل) الحرارة بتنزل جامد لحد ال 80 أو 70 و العربية تسخن معاك بالراحة قوي الصبح
انا عشت فترة من غيره (بس مش في ال 405, في عربيتين تنين) و ماقولكش اد إيه انبسط لما ركبته
مشكلة صنايعيتنا المثقفين المتعلمين انه أول لما يلاقي العربية بتسخن, بدل ما يدور على المشكلة, أول حاجة يقولك أصل الثرموستات موجود يا باشا واللي مصنع العربية ده عدم المؤاخذة حمار, احنا نفهم أحسن منه
مهما يقولولك, لو دورة التبرد بتاعتك مظبوطة, عمر ما الثرموستات هيسخن العربية
بالعكس ده بيخليها دايما شغالة في أفضل درجة حرارة, العربية و هي باردة على فكرة تستهلك بنزين أكتر و تقصر من عمر الموتور و لو الموضوع مش باين قوي في الصيف, هتلاقي فرق شاسع في الشتاء.

سعره جديد ده يفيدك فيه هيرو

**hany2rezk** · 04-08-2011 01:39 AM

تمام يا باشا

**Omar_H** · 06-08-2011 03:20 AM

أنا فعلا عندي الحرارة مش ثابتة و عالطريق السريع بتنزل وفي الشتاء العربية بتبقى برده قوي و مابتسخنش تقريبا الحرارة بتبقى 70 مثلا ... أنا عندي ثرموستات الكوعة راكب مش متشال بس الله أعلم شغال صح ولا لأ ... بس إن ماكانش هو السبب يبقى ثرموستات طرمبة المية ده ؟؟ و أعرف منين إذا كان راكب أو متشال يعني مكانه فين ؟؟ ولو راكب فيه طريقة أعرف بيها شغال ولا لأ عشان أعرف هو السبب ولا لأ ؟؟

**mbx4e** · 20-08-2011 05:34 AM

المشاركة الأصلية كتبت بواسطة unendlich

بس صاحب الموضوع واضح انه شايل الثرموستات بتاع طرمبة المية

هو فيه ثرموستات في طرمبة المياه؟ وهل تقصد ترموستات الكوعه صح اللي في وش السلندر ولا دا كلام تاني

المشاركة الأصلية كتبت بواسطة the-hero

دورة تبريد ال 405 معقدة شوية فعشان كدا الكهربائيين اللى مش محترفين بيلجؤا انهم يعملوا لعبة ساعة حرارة فى الرداتير
الوضع الاصلي ليها
عبارة عن كتاوت سرعات بطيئ وسريع اسمه الباترون ورا الفانوس الشمال
حساس السرعة البطئ تحت الكربراتير
ساعة الحرارة خلفية ورا المكينة عند الفرن
فيه انواع رداتيرات بقي فيها سعات حرارة او حساس
الطبيعي ان طول مالعربية حرارتها عادية السرعات البطيئة تشتغل وتفصل اما لو الحرارة تعدى ال 90 او تشغل المكيف السريع يشتغل
وكل ده اوتوماتيك
هى ديه الظبطة التمام ليها

ساعة الحراره اللي بيعملوها الكهربائيه دي ايه ؟ ولا المقصود بيها الثيرموسويتش ( اللي الصنايعيه بيسموه ثيرموستات بردك ) زي اللي موجود في الرادياتير اللي بيشغل المروحة الكهربائيه ؟؟
ايه بقى ياباشا كتاوت الباترون انت ذكرت كذا مره في في كذا موضوع ممكن تورينا صورته ؟