الموضوع: انا في الحرفيين دلوقتي حد عاوز أسألله على حاجه ؟؟؟؟

ممكن حضرتك تسالى على تمن فانوس كامل امامى شمال نيسان صنى االشكل الجديد بيعمل كام اسيتراد و اصلى و لكون شاكر لحضرتك جدااااا

حبيبي mido90

فانوس كامل امامي شمال صني 2010 استيراد 600 جنيه
فانوس كامل امامي شمال صني 2010 جديد 250 جنيه



عايز اعرف موجود كنترول ل جيب شروكي موديل 98 4 سلندر امريكي و لا لأ و لو موجود سعره كام ؟؟؟
بعد اذنك يعني لو تقدر
و كمان عايز اعرف موجود هناك ماروتي استيراد بتكيف ينفع الواحد ياخد تكيفها ع طول و لا لا بس تكون موديلات حديثه

بالنسبه لسؤال ع تكيف الماروتي كنت بسأل موجود استيراد و لا لا ف العربيات عشان ف مصر بتنزل من غيره بس بره بتنزل بيه و يا سلام لو تسأله لو فيه ماتور اتوماتيك بتكيفه ينفع يتسقطلها يكون ايه و بكام ساعتها بقي ليك عزومه كمان

حبيبي love7mada
حاجتك انت بالزات طلعت عيني و سحلتني وياريتني وصلت لعقاد نافع بص يا سيدي

كونترول جيب شيروكي مو 98 4 سلندر امريكي :
صعب جدا تلاقي اربعه سلندر ده والوحيد اللي لقيت عنده قالي لازم تجيب القديم عشان اديك زيه لان في كزا حاجه لمو98 4 سلندر على حد قوله
وحاولت اخد منه رينج لسعره أبدا راسه والف سيف انه يشوف القديم الاول

تكييف ماروتي استيراد مو حديث
لا يوجد حاليا مع الاخذ في الاعتبار ندرة الناس اللي شغاله في الماروتي ومكنش في غير محل واحد والراجل كان بيصلي وفضلت مستنيه على قهوه لحد مرجع
قالي لسه مطلع التكييف ده امبارح وانه مش موجود دلوقتي
لما سألته على سعره قالي : 1500 جنيه

ماتور اوتوماتيك بتكييف يتسقط على الماروتي :
مفيش مواتير تنفع تتسقط للماروتي غير متور الماروتي بس لضيق حجم الحوض
هوا ممكن يركبلك فتيس اوتوماتيك وبعدين يركبلك تكييف
ولما سألته عن تكلفه الفتيس الاتوماتيك : 1500 جنيه

اسم المحل : سنتر سزوكي
العنوان : شارع حسان ابن ثابت



سربنتينة تكييف لانسر 97
عداد لانسر 97 بالار بى ام
لو سمحت :)


حبيبي momo44

سربنتينه تكييف لانسر مو97 350 جنيه
عداد لانسر ار بي ام مو 97 150 جنيه

اسم المحل : ملك اللانسر
العنوان : شارع نزله الريحان



بالنسبه لعزيزي هشام باشا :
عم بسام وانا شغال في عربيتي كان طلع مشوار بعربيته واسنيته اما خلصت مجاش واما كلمته قالي معلش هتأخر خليها مره تانيه
فانا بعتذر منك عشان معرفتش اجيبلك المعلومات اللي طلبتها من بسام ولكن على ميعاد قريب ان شاء الله اروحله تاني:)


بالنشبة للشغل بتاع ورشه نايل موتورز فا والله وشهاده لله الشغل نظيف جدا ومش محتاج اني اعلق عليه حاجه بسم الله ما شاء الله واهم حاجه الامانه و الاخلاص والضمير
انا سبت للراجل العربيه بمفتاحها وروحت الف في الحرفيين من ثقتي فيه وفأمانته والله
والتكلفه : 150 جنيه بس !
كان المفروض اصور العربيه بعد ماخلصت لكن كنت راجع مش شايف قدامي ورجليا مش شيلاني فمشيت على طول

وبتأسف على تأخيري عليكم ولكن لاني نمت مدرتش بنفسي لاني مشيت كتير قوي وكنت صاحي من بدري

ارجو اني اكون افدتكم ولو بسيط
ونشوفكوا في مشواير تانيه
ويجعله عااامر
تحياتي

بجد جزاك الله خير جدا جدا جدا جدا و ممش لاقي كلام اقوله لحضرتك

بس سؤال متعرفش رقم تليفن او الاسم المحل اللي لقيت عنده الكنترول ده ؟؟

المشاركة الأصلية كتبت بواسطة nabaster

الف مبروك يا دكتور علي الشغل

وبرضه متبعش الجنوط :)

a.yakout

الله يبارك فيك يا ياقوت باشا :)
وحاضر يا كبير مش هبيع خلاص :)
اشكرك على نصايحك الغاليه..

يا باشا دة كفاية تعبك تسلم و كتر ألف الف خيرك طبعا و مبروك و حمد الله على السلامة

بجد جزاك الله خير جدا جدا جدا جدا و ممش لاقي كلام اقوله لحضرتك

ده انت اللى حبيبى والله
ان مش عارف اشكرك ازاى
شكراااااااااااااااااااااا اااا

الشكر لله يا رجاله

بس سؤال متعرفش رقم تليفن او الاسم المحل اللي لقيت عنده الكنترول ده ؟؟

للاسف يا صحبي مخدتش ارقام تليفونات ومش قادر اتذكر اسم المحل بس تقريبا كان اسمه 4x4
كان راقم بدأن بيضا ونظاره ده كل اللي فاكره
معلش اصلي كنت بجيب جاز ساعتها