معلش الطلعة الجاية :36_1_50[1]:
وعلى راء الشاعر القائل
الحرية تاج على راس العزوبنجية لا يراه الا المتزوجون :b4_611:
السلام عليكم
ايه ياشباب ...... فين صقوووووووووووور نيسان والناس المحترمة المتعودين منهم علي النشاط ديما والناس المحترمة اللي عايزين نتعرف عليهم
مش عايزين تشرفونا وتنورونا ولا ايه ؟؟؟
ايه النظام يا رجالة؟
مفيش جديد؟
الشباب نامو ولا ايه ؟؟
احمد يا مصطفى ... ليدووو !!!!
معلش يا جماعة انا مش هينفع اجي عشان في ظروف طارئة شرحتها لأحمد لكن ان شاء الله نتقابل تاني في اقرب وقت ممكن و اتمني ليكم وقت ممتع ان شاء الله
نعتذر عن موضوع الرحله دا حيث ان العدد لم يكتمل قبل الموعد
و بوجه الشكر للاستاذ م/محمد و الاستاذ علي علي التفاعل
بس للاسف مافيش حد اكد حاجه في الموضوع واحنا مش هاينفع نتطلع بسبع افراد مثلا علشان التكلفه لان السبعه دول في منهم كده كده خمسه بيتجمعوا كل فترة ويطمنوا على بعض
احنا كنا عاملين الموضوع ده للمقابلة الناس الجديده اللي تفاعلنا معاها في مشاكلها ,وكان واجب كنوع لرد الجميل علي الاقل اننا نتعرف عليهم
وحتى بعض من الاعضاء دول كانوا بيطلبوا مقابلتنا وده كان واضح فى مشاركتهم فى كل الموضوعات , وساعة الجد , مشفناش اى تفاعل
و للاسف اللي حصل كان عكس التوقعات تمام مما ادي اللي الغاء الموضوع بأكمله
بأعتذر للاعضاء اللى كانوا يهمهم اننا كنا نتقابل معاهم ونقابلهم
بصراحة الواحد مستاء وحزين جدا .. من اللى شايفه بصراحة .. كلنا عندنا ظروف وكلنا مطحونين بجد .. ومع ذلك بنحاول نكسب صداقات ونكون اسر فى زمن انتهى فيه روح الجماعة والود والتعاون .. ومش شايف بصراحة حد بيتعامل كدا معانا .. والناس بتعتبر قسم نيسان .. مجرد صفحة بتتفتح ويكون فيها تفاعل وبمجرد غلقها كل حاجة بتروح
وعارف ان مش مطلوب من حد انه يكسب صداقتنا او يقدرنا , عتاب الواحد على الاعضاء المتداخلة معانا واللى دايما فى مشاركتهم معانا فى الموقع او فى تليفوناتهم بيقولولنا انهم حابين يشوفونا ويقعدوا معانا , وساعة الجد .. شكرا اكن لم يكن
وعارف ان الناس حتقول ان مش كل الناس زيك وزى بعضها .. جميل .. لكن لازم نقدر بعض.. ونشوف بعض ولو مرة كل شهر (كتير) نخليها مرة كل شهرين ( كتير بردوا ) نخليها مرة كل 3 شهور .. عشان نتعر ف على بعض , ونشوف بعض ونحاول نخدم بعض سواء فى مجال العربيات او بره مجال العربيات حتى .. ويكون فى بينا روح وود
فى مجموعة من الناس عندنا متعاونة وناس تستاهل االواحد يشوفها ويتعرف عليها , والناس دى واجب علينا نشوفهم ونقدرهم زى بيشوى وزى حسين وزى وليد عادل وزى باقى الاعضاء الناشطين جوة المنتدى وناشطين بره المنتدى كمان .. هل مش عشان خاطرهم واحب انى احجز اليوم اللى حقابلهم فيه انه يكون ليهم هما , زى اكن الواحد طالع رحلة فى شغله ومعروف معادها , او زى الواحد لما بيكون عنده مشوار اسرى معين وعارف معاده , او زى الواحد لما بيحجز معاد صيانة وعارف ان اليوم ده بتاع العربية
مش كل المشاوير دى بنحجزلها اليوم ده للحاجة اللى حنعملها فيه .. طيب الناس دى متستهلش مننا اهتمام
على فكرة تانى مرة بوضح .. عتابى على الناس اللى بتدخل , واحيانا بتطلب تشوفنا , وساعة الجد , مش بنشوف حد , ( والاسف دى الحقيقة ومش حقدر اكدب او اخبى ) والكل بيدخل موضوع المقابلة بيشاهد فقط , حتى بدون ما يعطى يعذر , وعلى فكرة عتابى مش على الناس الغريبة
انا نفسى نعمل مقابلة للقسم يكون فيها اعضاء نيسان فقط ,
احنا لما بنعمل مقابلة عامة ناس بتيجى من اسكندرية مخصوص عشانا وبيقدرونا , ومن كل الاقسام ,
وكمان بيضرب بينا المثل بالروح اللى عندنا فى القسم .. وفى الاخر التقدير يكون من اعضاء من بره , واللى عندنا ميكونش فى تقدير
اظاهر الروح اللى عندنا فى القسم روح على كيبورد وبس
وكان المفروض والصح تكون روح فعلية وحقيقية .. واعبر للناس اللى بتجتهد عن حبى ليهم واقدر خدماتهم وذوقهم معانا ومجهودهم حتى لو كان مجهود تطوعى , عشان الناس تفرح وتبذل مجهود اكثر لينا ولخدمتنا , لان مجهودها الحمد لله اعطى معنى ووزن وقيمة كبيرة لقسم نيسان وسمعة كبيرة فى التوكيلات كمان
وصدقونى كل الاعضاء دى النشطة مش محتاج لموضوع شكر ليهم , قد ما كانوا نفسهم يلتقوا بيكم ويتشرفوا بمعرفتكم
فعلا فعلا بجد انا حزين , وعارف ان مش اى حد حيحس باللى بقوله ده , وكل واحد حيفسر بوجهة نظر مدافعة ,
وعلى العموم اوكيه خالينا نكتفى بالمشاهدة , ونخلى صفحة نيسان نايل موتورز مجرد صفحة وخلاص , ونمشى على ضرب وخطى الاعضاء
وتحياتى لكل شخص يقدرنا فى الحياة , وتحياتى لكل شخص شرفت بلقائه وكسبت صدقته واخوته
م/ محمد شكر خاص ومن القلب لاهتمام حضرتك بلقائنا
وصدقنى لو كان عندى ظروف وشغل فى اعماق البحر وفى المناجم او ورا الشمس , لازم اجى واقدر حضرتك والتقى بيك واتشرف بمعرفتك , وسمحنى لقلة لمشاركاتى , وحنسق مع حضرتك على الخاص اكيد للقائك