و الله كلامك ده انت تقصدني بيه .... لكن و الله العظيم لو حلفت لك انك ظالمني
و مش هقول عاوز اشوفك و الكلام ده تاني ......
و ان شاء الله ارجع من السفرية اللي انا فيها .... و اجي لك لحد باب البيت
و الله كلامك ده انت تقصدني بيه .... لكن و الله العظيم لو حلفت لك انك ظالمني
و مش هقول عاوز اشوفك و الكلام ده تاني ......
و ان شاء الله ارجع من السفرية اللي انا فيها .... و اجي لك لحد باب البيت
احمد باشا مصطفى كان الله في عونك وعون كل رجاله نيسان واكيد لكل واحد عذره والحكمه بتقول شوف لصديقك الف عذر فإن لم تجد فالعيب فيك
طبعا انا مش قصدي حضرتك لكن انا بقول يمكن ميعاد المقابله مش مناسب لناس كتير او انه ممكن يكون في اقتراح قبلها على الميعاد استطلاع يعني وعلى العموم انا مليش دعوه انتوا كلكم معزومين يوم 21/5 معانا في المقابله مستنينكوا كلكم ان شاء الله
خسارة والله يا جماعة الواحد كان نفسي يتعرف بالناس الجدد ويغير جو وكنا مستنين اي يوم يخرجنا من الضغط اللي الواحد فيه
معلش انا شاء الله تتعوض وشكرا ا/ احمد مصطفي وأ/ وليد وكفايه بجد تعبكم وسفركم فايد وحسبكم اجرا عند الله
[B]لا حول ولا قوة الا بالله
يا جماعه انا اسمي محمد ابراهيم وانا مهندس ميكانيكا
عضو في المنتدي منذ 4 سنوات من ايام ما كان خالد سبعاوي وكريم منير بس هما اللي بيكتبو المواضيع
ولو عملت ايه مش هوفي المنتدي ده حقه من كتر منا استفدت واتعلمت علي ايديه حاجات ياما
صحيح مشاركاتي قليله وده لاني مبحبش ارد علي الفاضي وعلي المليان زي (ربنا يحسنلك بيعها-كان نفسي اعرف علشان اجاوبك -متابع باهتمام-+111-.......) وغيرها من الردود اللي هدفها تعد مشاركات وخلاص
انا عضو جديد داخل اسرة نيسان منذ اقل من شهر وتشرفت بمعرفه واحد زي احمد مصطفي اللي بيخدم من قلبه من غير اي مصلحه و بدون مبالغه قايد صوابعه العشرة شمع علشان خاطر القسم
ولو لاحظتو انضف قسم منسق في المواضيع المثبته هو نيسان
ولو قولتلكو ان ده السبب اللي خلاني اشتري نيسان هتقولو انت بتهرج
لا انا حاسس ان في مرجع قوي جدا عندي وفعلا عندي واسطه او ظهر اسند عليه لو فيه مشكله وهو انتو الاعضاء
من قرائتي لرد احمد انا مستاء لان احنا وصلناه للمرحله دي
انا لسه معرفش احمد كويس ومعرفش هو يقصد مين بس انا ملاحظ ان كل الناس مش مهتمه - اسف لصراحتي
واسفاه لو تحول الموضوع الي مصلحه مباشره وفقد روح المحبه والاخاء اللي انا كنت شايفها في المنتدي
زمان في الاول لما كانت مقابلات نايل موتورز في الربوه والكلام ده كان كل اعضاء المنتدي بيروحو وهما دول اللي عملو المنتدي ده وكبروه
نقوم احنا لما يكون في مقابله خاصه بمنتدي واحد مش قادرين نظبطها
اسف مفيش حاجه اسمها مش فاضي لو فعلا مهتم بالمحافظه علي الروح اللي كانت موجوده في المنتدي
عامه احنا ممكن نستفيد من الاقتراح بتاع عمل استطلاع للمواعيد والاماكن كي تناسب اكبر قدر ممكن من الناس
وانا شخصيا بوجه اسفي واعتذاري الشديد لاحمد مصطفي عن الحاله و الانطباع اللي وصلله -واتمني ان يحذو حذوي الجميع-
وعامه كل حاجه ممكن تتصلح بيكو انتو لان احنا منقدرش نخسر شيخ قبيله صقور نيسان
[color="blue"]وهنعمله جروب احنا اسفين يا احمد:grin54:
وبرجاء انشاء موضوع مثبت يضم استطلاع بالمقترحات اقتراح مثلا بالفكره
زي خارج القاهره او كافييه داخل القاهره او مطعم داخل القاهره او خارجها او زي متشوفو
والاستطلاع الثاني يكون بالمعاد
وانا بضم صوتى وزعلى مع احمد ووليد وحسين ومحمد وباقى الاعضاء اللى يهمها روح المحبة والود بينا
بصوا يا جماعة انا عايز اقول علي حاجه مهمة :
يا جماعة اللي في قسم نيسان مش معاملة اعضاء بين بعض في منتدي عشان العربيات فقط
احنا هنا كلنا في محبة ملموسة يمكن عشان في اعضاء جدد دخلوا و لسة متعرفوش علينا كأعضاء قدامي في القسم لكن لازم كلنا نتكاتف و نبقي كلنا يد واحدة عشان المحبة اللي بيننا دي تزيد اكتر و اكتر و كمان الاعضاء الجدد يشعروا بالروح الطيبة اللي فعلا جوا قسم نيسان
طيب ايه الحاجه اللي هتقربنا من بعض عشان نتعرف علي بعض :
الكيبورد لوحدها لا شيئ لازم يبقي في ود و اتصال و تعارف اكتر و اكتر و نتقابل لأن بصراحة من اول يوم مقابلة لقسم نيسان و انا المقابلة ديه محفورة جوايا بمواقفها و صدقوني انتوا مش هتحسوا باللي بقوله الا لما نتقابل مع بعض في مقابلات و نشوف بعض .. هتلاقوا ان الصداقة و الود مش عشان العربيات فقط
يعني بالمختصر ياريت ميكنش صفحة المنتدي هي مدخل للعربيات فقط اد ما ما بتكون بيننا ود و صداقة.
هو ده اللي كان يقصده احمد مصطفي لأنه لما بيخدم الناس في القسم و كل واحد عارف احمد عمل ايه في القسم من مواضيع و خدمات و مشاويير و يروح التوكيل و يجي من التوكيل و يروح يسأل في محلات بره التوكيل عشان الاسعار تكون اريح للاعضاء و الخصومات و العروض اللي بيجبها ..برغم الظروف اللى بيمر بيها فى حياته
كل ده عشان هو بيخدم لمحبة الاعضاء لأنه بيكون هدفه الاساسي هو ترابط الاعضاء في القسم وبره النت و اندماجهم مع بعض عشان تسود روح المحبة و التعاون بين الاعضاء
فبصراحة نتمنى ان الظاهرة دى تختفى من قسمنا , لانها لو استمرت , صدقونى حنخسر كتير تعب سنين ومجهود وسمعة وصل ليها قسم نيسان نايل وسط التوكيلات ومراكز الخدمة , وكمان حنخسر روح الود بين الاعضاء اللى بتخلينا نرد ونجاوب ونحل مشاكل الناس
ما تزعلش يا ابو حميد
اكيد ممكن يكون في ناس عندها ظرف حقيقيه ممكن تمنعهم من المقابله وخصوصا لما يكون فيها سفر
وكما الموضوع كان على السريع وبدون وجود تفاصيل كامله
لكن انا متاكد ان المقابله دي لو كانت في مكان مش بعيد كانت الاسجابه هاتكون اكبر
انت اكيد فاهم انا عايز اقول ايه
وعموما يا سيدي انا اول ما اخرج عربيتي من الانعاش ها نرتب طلعه لفايد او السخنه وتكون متظبطه صح الصح وعلى فكرة انا مش ضامن هاطلع ولا لا ههههههههههه (بهرج )
ان شاء الله تتظبط احسن المرة الجايه
السلام عليكم و رحمة الله و بركاته
أولاً : انا فى غاية الأسف
ثانياً : انا ظروف شغلى فى دهب و كل مره تعملوا مقابله اكون فى الشغل و مش ضامن انزل امتى
ثالثاً : انا اجازة لحد يوم 20 يا ريت اتشرف بمقابلة حضرتك و باقى الأعضاء حتى لو على قهوة فى أي مكان و فى اي يوم.
رابعاً : كفايه كده علشان الكيبورد مفيهوش عربي
ايه ده احمد مصطفى زعلان ؟؟ يا نهار ابيض !!!!
لأ انا ماقدرش على زعل اخويا وحبيبي احمد مصطفى ....
انا مش معاهم والله انا كنت جاى المقابلة :)
ماتزعلش يا احمد ماتزعلش يا ليدو ... نعوضها ان شاء الله قريب ...
بص يا ابو حميد ومعلش انت هاتتعب وهاتتعب وهاتتعب وهاتلاقي مثلا 20 او 30 % بيقدر والباقي لاء
مش هاروح بعيد واجيب امثلة بتاعت مهندس محمد ابراهيم اللي فكرني بايام حلوة جدا ومقابلات الروبة في اولها
شوف اخر مقابلة لينا في عيد ميلاد المنتدى وفي برج العرب واتفاق مع اوتيل وتحويل فلوس وكلام كتير
اللي حجز فعليا معايا 25
واللي حضر فعليا 60
شوف الفرق
في ناس كتير تصحي الصبح من النوم تلاقي الجو حلو او غزلاتها شغالة تاخد بعضه وتيجي :-)
هو لازم يكون في تفاعل وجدية من الاضاء شوية لان منسق الرحلات بيتعب فعلا وبياخد حمل تقيل على قلبة
وانت يا ابو حميد خللي بالك طويل شوية معلش ده طبع الناس في كل حتة وحب الناس يا عم مش بالساهل ومبروك عليك حبهم انا بسمع كلام عنك يخليني اغير منك :-)
ابقو اعملو حسابي بقي لو في سمك وجمبري :-)
لما تستقروا على حاجه برجاء عمل موضوع منفصل فيه كل التفاصيل بالمعاد النهائي للمقابلة وأيضاً يكون فيه أي حاجه مطلوبة من الاعضاء يجيبوها معاهم أو كده