تجربتىالحلوة مع الريحة إللى مش حلوة

**abdinsemred** · 19-04-2008 10:48 PM

الأخوة الأفاضل ..ربنا يبارك فيكم ويخليكم لينا إنتم وخبراتكم الغالية علينا جداً

كان لى مشاركة سابقة بإسم ...ريحة إية دى وإزاى أتخلص منها

وحاول معى الكثير من خبراء المنتدى الغاليين ( أعزهم الله ) والحق يقال ..تعبتهم معايا كتير ..ولكن النتايج خدلتنى جداً معاهم...ولكن بعد سهر الليالى ووجع القلب وعصر مخى مع مخ الخبراء الأفاضل ....أخيراً تخلصت من الريحة السخيفة التى كانت تدمع عينى وعيون أسرتى وتكححنا وكل من بالعربية بمجرد تشغيلها ورفع السرعة عن حوالى 90.

وسأدكر هنا كل مافعلته حتى حصلت على نتيجة إيجابية حتى على سرعة 120( ماشاء الله ولا قوة ألا بالله)

-الكشف على جوانات مشترك ومانيفولد الشكمان
-عمل وصلة لمخرج فايظ الموتور بخرطوم وتمريرهاأسفل السيارة حتى الشكمان فى الناحية المقابة له
-إغلاق كل فتحات صدر العربية , فتحات الدفيرة الكهربية وفتحات المخارج الميكانيكية مثل دراع الدبرياج والبنزين والفرامل
-غلق جميع فتحات التكييف التى بداخل صالون العربية ..وبصفة خاصة المخرج الأقرب للزجاج الأمامى بطول التابلوه
غلق العلبة الخاصة بالتهوية الموجودة خلف الكونسول , التى تتحكم فى الهواء الداخل للصالون ( هل سيكون مباشر من الخرج للصالون أم من سربنتينة الماء الساخن)
- فصل دائرة تكييف الهواء الساخن من ماء السيارة الساخن , ودلك من خلال إلغاء دائرة الماء الساخن للصالون
-وإخيراً ..إحكام الجيد جداً لغلق كبوت السيارة ....لأنى بعد تنفيد كل ماسبق , وجدت أن الرائحة قلت جداً ولكنها لم تتلاشى , فقمت بغلق الشبابيك تماماً وزيادة سرعة السيارة حتى 120 ..لم أشعر بأى رائحة...لدا فوراً قمت بإحكام غلق كبوت العربية بتركيب كاوتش جديد وجاسكيت وشرائح كاوتش مرنة.. المهم إحكام غلق الكبوت تماماً

والآن فقط ...أستطيع الجرى بالسيارة مع عائلتى بدون دموع بالعين ولا كحة.....حبيت أدكر التجربة كاملة لعلها تكون مفيدة لآخرين من الأعضاء الكرام ....ولكم كل إحترامى
أخوكم الأقل خبرة ...أبو حازم

**eng_mkhalaf** · 20-04-2008 10:53 AM

إلف مبروك بس على ما أعتقد الريحة هتوحشك :)

**ahmed azab** · 20-04-2008 01:57 PM

لا دموع بعد اليوم!!!!!!!!!

**مدحت منيب** · 20-04-2008 03:27 PM

الف مبروك يا ابو حازم و اشكر لك نقل هذه الخبره الممتازه لنا لحل هذه المشكله النادره ..

لكن بليز قوللى . ايه اللى كان سبب الريحه دى بالضبط ؟

**abdinsemred** · 21-04-2008 12:15 AM

تسلموا ياشباب...والله الواحد بيسعد جداً بردودكم اللطيفة ..بشعر إن لسة في قيمة حلوة وناس محترمة فى البلد دى ..وإحتمال يكون فيها أمل......أشكركم بإبتسامة من الودن للودن

الأخ مدحت ليجانزا....أشكرك لك شعورك الطيب.....بشأن سبب الريحة...كانت تبدو كعادم نى ...أو حريق زيت خفيف..حاجة زى كده
فى 2002 كان عندى تويوتا إيكو زيرو...عاشت معايا سنة وبعدين غيرتها بكريسيدا 95 بعد زيادة حجم العائلة, كان فيها نفس الريحة دى ..وحاولت التخلص منها بالمشاركة مع جهابدة الفنيين بالرياض وجدة ..ولم نفلح ..علشان كده أنا مبسوط أن المحاولات فلحت المرة دى وحبيت أنقل الخبرة لتعم الفائده
وللجميع شكرى وإحترامى