الموضوع ده غريب صح بس ممكن يكون مفيد

فكرت فيه وانا سايق قولت ليه الواحد ميستفدش من الضمان حتى لو كل حاجة سليمة قبل ما يخلص فترة الضمان ة وياكد ويطمن على كل حاجة

بمعنى انه يشيك على كل حاجة انها تمام قبل ما يخلص ويتسوح وكل حاجة تبقا بفلوس

على سبيل الميثال

فى اخر صيانة الواحد ممكن يعملها فى اى مركز خدمة قبل ما يخلص الضمان

يقولهم التكيف حاسس انه ضعيف عشان يشيكوا ويقوموا بالواجب

ممكن بردوا الواحد يطلب مثلا تظبيط العربية على الكمبيوتر وقراءات الحساسات

واى ملاحظات مثل مثلا الكراسى ممكن نخليهم يربطوها شوية حتى لو هى سليمة بس مجرد تربيط وتاكيد

وممكن بردوا العفشة كذلك

من وجهة نظرى
شايف ان فى العموم الموضوع ده حيكون زى تنبيه وتركيز مننا خصوصا فى نهاية الضمان ,

لان ممكن نسرح وننسى نشيك على حاجة ولما يجرلها حاجة نقول اخ ياريتنى قولتلهم قبل ما الضمان يخلص

فكروا معايا زى ايه كمان ممكن يكون بسيط وعادى بالنسبة ليهم وحيكون مكلف بالنسبة لينا لوطلبناه بعد كدا انه يتعمل

اتمنى اننا نخرج بافكار مفيدة لينا كلنا

تحياتى