رابطة مالكى البومه - لانسر 2003 : 2012

**أبو إياد** · 29-02-2012 08:44 AM

المشاركة الأصلية كتبت بواسطة ahhazem

آه بالمناسبة
كنت عاوز اسأل الخبرا في اللانسر بقى
هوا ايه اللي بينور مع نور التابلوه لما تنور النور الواطي بالليل
يعني المفروض الولاعة والطفايه وزراير التكييف وزرار الانتظار ينوروا والا لأ
أصلي مش عارف الموضوع ده حاسس انه مش مظبوط عندي وعاوز اعرفه قبل ما اروح اول صيانة

كل ما ذكرته بينور

**mmaaggddyy** · 29-02-2012 12:19 PM

المشاركة الأصلية كتبت بواسطة أبو إياد

تطلب 83000ج حد اقصى و80000ج حد ادنى
لو سوبر اكشن تزود 5000ج

جزاك الله خيرا

**ahhazem** · 29-02-2012 12:23 PM

المشاركة الأصلية كتبت بواسطة mmaaggddyy

ألف مبروك

وربنا يباركلك فيها

ويعطيك خيرها ويكفيك شرها - مرحبا بك في الرابطة وتشرفنا بك

- لا تنسي تغير نوع السيارة في بياناتك الشخصية

الله يبارك فيك وفيكم كلكم ياشباب
انا حاولت أغير البينات بس معرفتش ( هحاول تاني ان شاء الله)

بخصوص موضوع ان كل الزراير اللي قولت عليها دي انها المفروض تنور.........الموضوع ده مش عندي انا معنديش حاجة بتنور غير التابلوه الحقيقة مش عارف ده صح والا غلط بس انا سألت كذا واحد معاهم نفس الموديل وكلهم أجمعوا ان مفيش حاجة عندهم بتنور مع نور التابلوه...
انا كنت حابب اعرف الصح ايه علشان ابقى عارف وانا بعمل صيانة اتكلم على ايه
لانهم اكيد في التوكيل مش هيردوا يقولوا ان عندهم مشكله في العربيه
مش كده؟؟؟

**arch_m10** · 06-03-2012 10:15 PM

السلام عليكم. أنا عندى بومة 2008 اوتوماتيك خليجى 1600 بس أنا عندى سؤال و هتستغربوا ان عندى العربية و مش عارف الاجابة. السؤال هو (ايه الفرق بين الكلاسيك و هاف سبورت و سوبر أكشن ؟ و كمان ازاى اعرف الخليجى من اللى مش خليجى؟ يعنى ايه الحاجة الرئيسية اللى تحدد انها خليجى؟؟؟؟؟) وشكراً

**meke_80** · 09-03-2012 09:01 PM

وانا معاكم
عربيتى لانسر 2011 كلاسبك استربتونك

**ahhazem** · 14-03-2012 07:32 PM

ياشباب انا عملت صيانة الالف في دياموند موتورز ابورواش
وعاوز اقولكوا على اللي حصل للعلم والنصيحة

الاول حجزت ميعاد بالتليفون على يوم السبت الساعة ١٢.٣٠
رحت في الميعاد واستقبلتني موظفة في الاستقبال وقالتلي ان المهندس هيكون معاك في خلال ١٠ دقايق
وقعدت مستني في الاستراحة لحد ما بقت الساعة ١ وجالي الأخ

سألته على اللي انا عاوز أعمله من اكسسوارات وهقولكوا على الأسعار بعدين علشان محدش يتصدم

المهم كان عندي مشكلتين قولتله عليهم وهما اني حاسس برعشه أو نفضه زي رعشة الكهربا كده والعربيه واقفه

وطبعاً قعد جوه العربيه وفضل مركز وقاللي لا مفيش حاجة انا مش حاسس بحاجة خالص ( احتمال يكون البنزين اللي بتحطة مش نضيف)!!!!!!!!!

المشكله التانيه اللي سألته عليها هيا الأنوار اللي بتنور مع نور التابلوه وهرب من الإجابه الأول ولما سألته على نور مفتاح الانتظار وقاللي لأ مش بينور
فقولتله لو موجود ليه توصيله يركبهولي على حسابي وحلفلي انه مش بينور في الموديل ده ولا هوا ولا الطفايه ولا الولاعة...........مش غريبة دي!!!!!!!

المهم قاللي ان العربيه هتخلص الساعة ٣ مع اني معاهم من الساعة ١٢.٣٠................ (منتهى النظام بصراحة) ودخلت قعدت في الاستراحة والعربية فضلت برة في البارك كمان نص ساعة كده ماتحركتش من مكانها

ما علينا

خلصوا العربية ....غيروا زيت وفلتر وعلى كلامه يبشيكوا على الكهربا بتاعة العربية ويربطوا العفشة
ربعدين دخلت حاسبت في الحسابات ومعايا المهندس اللي كان معايا الصبح......ولاقيته بيقوللي المفتاح بره مع موظف الأمن هتديلوا التصريح اللي اخدته من الحسابات وهوا يديني المفتاح بتاعي واستلم العربيه ( مع نفسي كده انا استلم العربيه لوحدي)...!!!!!!!!!!!

المهم ...... دفعت وخرجت قابلت بتاع الأمن واديتوا التصريح واداني المفتاح ودخلت العربية دورتها ومشيت

عند البيت وانا باركن العربية بارفع الهاند بريك لاقيتها ماسكة قوي مش زي الأول.......قولت أكيد هما ظبطوا الفرامل كمان لوحدهم

ودلوقتي فات اسبوع بالتمام وانا بحاول اتعود على الفرامل بالطريقة دي واحايل نفسي ان المفروض يكون وضع الفرامل كده هوا الصح وانا مكنتش عارف قبل كده ( مشدودة قوي وحاسس انها قافشه على العجل ودوسة الفرامل على الهادي بتخلي العربية تقفش كده والقفه يبقى فيها رجة صغيره)

اللي غايظني بقى كمان ان ليا زميل اشترى نفس العربية ونفس الموديل في نفس التوقييت فسألته على لمبة مفتاح الانتظار وقاللي انها عنده بتنور مع نور التابلوه..........................:(

دلوقتي انا عملت بلاغ صيانه تاني وحجزت على السبت وقولتلهم اني مش مبسوط من الفرامل من ساعة الصيانة اللي فاتت وخدت ميعاد

ممكن حد ينصحني بقى اعمل ايه لم اروح علشان هما ممكن يستهبلوا ويعملوها شغلانه جديده اني عاوز اشيك على الفرامل وكده

آه ملحوظه مهمة ( لو عامل حسابك انك في الاستراحة تستنى عربيتك وتتسلى على النت تبقى بتحلم ........معندهمش واي فاي يا رجاله......حسبي الله ونعم الوكيل قعدت التلات ساعات اتفرج على سي بي سي غصب عني)

**أبو إياد** · 15-03-2012 09:03 AM

لازم تخليه يجرب العربيه ويجرب الفرامل قبل الكشف عليها وخليه يثبتلك ان نور الانتظار مش بينور فى الموديل ده ياعنى تشوف بعنيك اكتر من عربيه موجوده فى التوكيل
بالنسبه للنور فى الكونسوله انا اعرف انه فعلا مش موجود فى 2012 علشان بتعمل سخونه بس مش متاكد

**أبو إياد** · 15-03-2012 03:13 PM

المشاركة الأصلية كتبت بواسطة aburawa

لانسر 2004
1300 سي سي
عوامة البنزين تركن وتشتغل بمزاجها

العوامه غاليه لو اوريجنال تقريبا فى حدود ال 1000ج ولو صينى 110ج

مشاهدة نتائج الإستطلاع: مواصفات السياره

الموضوع: رابطة مالكى البومه - لانسر 2003 : 2012

LinkBack

أدوات الموضوع

عرض

المواضيع المتشابهه

رابطة مالكي الشارك- لانسر 2008 : 2012

رابطة مالكي المكواة...لانسر 2001-2002-2003

رابطة مالكى الـ c4

رابطة مالكى الماتريكس

الكلمات الدلالية لهذا الموضوع

المفضلات

المفضلات

ضوابط المشاركة