الموضوع: رابطة مالكى البومه - لانسر 2003 : 2012

السلام عليكم
أزاى عربيه يابانى موديل 2012 وزر الأنتظار مابينورش
طب والتكييف؟؟؟؟؟؟؟
وزراير الزجاج؟؟؟؟؟؟؟؟
لأنى بفكر أشتريها مانيوال 1300أو1600

المشاركة الأصلية كتبت بواسطة matrix_amr11

الاهم ان الاير باج تكون لسة شغالة مش مفصولة - ياترى بيتعمل تشيك عليها لما تفتح الكونتاكت ولا الراجل طفاها للأبد :)

هى فعلا بتعمل اتشيك وبعدبن تفصل ..... يعنى رجعت زى الاول

_________________________
I added cool smileys to this message... if you don't see them go to: EXPS Redirector

طبعا والله اعلم لازم يبقى فيها التلاته ليهم لمض صغيره بيتغيرو عاادى انا عندى كان الانتظار بينور مع النور الواطى ولكن قريب اتحرقت .. سهل تغيير لمضه الطفايه ولمضه الولاعه

ازيك يا ابو اياد ....ياريت تقبلونى عضو فى هذه الرابطة الطيبة
عمر هلال
لانسر 1600 اتوماتيك كلاسيك 2009
مع الشكر

المشاركة الأصلية كتبت بواسطة ahhazem

ياشباب انا عملت صيانة الالف في دياموند موتورز ابورواش
وعاوز اقولكوا على اللي حصل للعلم والنصيحة

الاول حجزت ميعاد بالتليفون على يوم السبت الساعة ١٢.٣٠
رحت في الميعاد واستقبلتني موظفة في الاستقبال وقالتلي ان المهندس هيكون معاك في خلال ١٠ دقايق
وقعدت مستني في الاستراحة لحد ما بقت الساعة ١ وجالي الأخ

سألته على اللي انا عاوز أعمله من اكسسوارات وهقولكوا على الأسعار بعدين علشان محدش يتصدم

المهم كان عندي مشكلتين قولتله عليهم وهما اني حاسس برعشه أو نفضه زي رعشة الكهربا كده والعربيه واقفه

وطبعاً قعد جوه العربيه وفضل مركز وقاللي لا مفيش حاجة انا مش حاسس بحاجة خالص ( احتمال يكون البنزين اللي بتحطة مش نضيف)!!!!!!!!!

المشكله التانيه اللي سألته عليها هيا الأنوار اللي بتنور مع نور التابلوه وهرب من الإجابه الأول ولما سألته على نور مفتاح الانتظار وقاللي لأ مش بينور
فقولتله لو موجود ليه توصيله يركبهولي على حسابي وحلفلي انه مش بينور في الموديل ده ولا هوا ولا الطفايه ولا الولاعة...........مش غريبة دي!!!!!!!

المهم قاللي ان العربيه هتخلص الساعة ٣ مع اني معاهم من الساعة ١٢.٣٠................ (منتهى النظام بصراحة) ودخلت قعدت في الاستراحة والعربية فضلت برة في البارك كمان نص ساعة كده ماتحركتش من مكانها

ما علينا

خلصوا العربية ....غيروا زيت وفلتر وعلى كلامه يبشيكوا على الكهربا بتاعة العربية ويربطوا العفشة
ربعدين دخلت حاسبت في الحسابات ومعايا المهندس اللي كان معايا الصبح......ولاقيته بيقوللي المفتاح بره مع موظف الأمن هتديلوا التصريح اللي اخدته من الحسابات وهوا يديني المفتاح بتاعي واستلم العربيه ( مع نفسي كده انا استلم العربيه لوحدي)...!!!!!!!!!!!

المهم ...... دفعت وخرجت قابلت بتاع الأمن واديتوا التصريح واداني المفتاح ودخلت العربية دورتها ومشيت

عند البيت وانا باركن العربية بارفع الهاند بريك لاقيتها ماسكة قوي مش زي الأول.......قولت أكيد هما ظبطوا الفرامل كمان لوحدهم

ودلوقتي فات اسبوع بالتمام وانا بحاول اتعود على الفرامل بالطريقة دي واحايل نفسي ان المفروض يكون وضع الفرامل كده هوا الصح وانا مكنتش عارف قبل كده ( مشدودة قوي وحاسس انها قافشه على العجل ودوسة الفرامل على الهادي بتخلي العربية تقفش كده والقفه يبقى فيها رجة صغيره)

اللي غايظني بقى كمان ان ليا زميل اشترى نفس العربية ونفس الموديل في نفس التوقييت فسألته على لمبة مفتاح الانتظار وقاللي انها عنده بتنور مع نور التابلوه..........................:(

دلوقتي انا عملت بلاغ صيانه تاني وحجزت على السبت وقولتلهم اني مش مبسوط من الفرامل من ساعة الصيانة اللي فاتت وخدت ميعاد

ممكن حد ينصحني بقى اعمل ايه لم اروح علشان هما ممكن يستهبلوا ويعملوها شغلانه جديده اني عاوز اشيك على الفرامل وكده

آه ملحوظه مهمة ( لو عامل حسابك انك في الاستراحة تستنى عربيتك وتتسلى على النت تبقى بتحلم ........معندهمش واي فاي يا رجاله......حسبي الله ونعم الوكيل قعدت التلات ساعات اتفرج على سي بي سي غصب عني)

روح لاي ميكانيكي قريب منك وخليه يخف شوية رجلاش فرامل اليد - ستتكلف 10- 15 جنية بثمن البنزين زهاب واياب لمركز الصيانة خلاف العطلة - وبعد كدة في الصيانات القادمة اختبر السيارة بجوار المركز