رابطة مالكى البومه - لانسر 2003 : 2012

**eng_amg** · 26-03-2013 01:30 PM

المشاركة الأصلية كتبت بواسطة amro0000

معايا لانسر بومة 2007 مانول خليجي سعودي سؤال بسيط بس بكرة التكيف اما بجيبها نحية السخن بتيجي نحية البارد النص يعني وكل ما اجيبها اقصي اليمين الي هوة السخن ترجع الشمال في النص يعني اية المشكله وحلها اية وهل الانسر اصلا فيها تكيف سخن يعني بيطلع هوا سخن من سخان ولا بيعتمد علي سخونية العربية يعني لو الموتور سخن بتشتغل علي درجة حرارة الموتور وسؤال تاني اما بشتغل التكيف البارد الكمبروسر بيطي ويشتغل كتير وبحس بلصوت بتاعة بصراحة انا لسة شاري العربية يادوب من شهر واتمني تقولولي اية مميزتها وعيوبها بصراحة واهم حاجة التكيف هل فيها تكيف ساااااخن يعني دفاية بتطلع هوا ساخن ولا اما الموتور العربية بيسخن بيطلع هوا سخن ؟ اتمني منكم رد ويسعدني انضمامي ليكم وشكرا

المشاركة الأصلية كتبت بواسطة mohmok

عزيزى عمرو
بالنسبة لتكييف السيارة برجاء العلم ان
الهواء الساخن يعتمد على سخونة المياة لدورة التبريد حيث يوجد كويل ( مثل الردياتير) داخل كابينة السيارة متصل بدورة التبريد والاختيار بين البارد و الساخن يكون عن طريق البكرة التى تتحكم فى مسار الهواء ( ناحية كويل الفريون او كويل المياه الساخنة)
اما اللانسر فللعلم يوجد بها مشكلة و هى ان بوابة التحكم بين مسارات الهواء لا تتحرك بسلاسة و هذا سبب انها عند تحريك البكرة فإنها ترتد و الافضل ان تحرك البوابة يدويا بنفسك ولا ضرورة للذهاب الى فنى
وسوف ارسل لاحقا كيفية عمل ذلك
مع الشكر

المشاركة الأصلية كتبت بواسطة mohmok

مساء الخير يا شباب
بخصوص موضوع مفتاح التكييف
الصورة موجودة و ربنا يسهل و اعرف ارفعها
الطريقة كالآتى
من ناحية دواسة السائق (بجوار دواسة البنزين كما بالصورة ) يوجد جسم الكويل الداخلى للتكييف
و ها تلاقو السلك المعدنى اللى جاى من بكرة التحويل بين الساخن و البارد
للتوجيه ناحية البارد يجب سحب ذراع البوابة فى الاتجاة المبين بالسهمو هو تقيل شوية على شان كدة السلك بتاع البكرة ما بيقدرش يحركه
المطلوب انك تشد الذراع فى اتجاه السهم حتى نهاية مشوار الذراع
على فكرة لما ها تعمل كدة كفاءة التكييف ها تزيد بصورة ملحوظة و كمان مش ها يحصل موضوع ان الكومبريسور يفصل و يشتغل بصورة متقطعة

السلام عليكم..
دا أول مشاركة ليا في الموضوع ولسة جايب لانسر 2007 سوبر أكشن وعندي مشكلة التكييف السخن دي.
يا ريت لو شرح مفصل عن حل هذه المشكلة.
مع الشكر

**eng_amg** · 26-03-2013 02:36 PM

سؤال بالنسبة لل CD Changer عندي فوجئت إنه لا يقبل إسطوانات.. الإسطوانة بتدخل نصفها فقط وزي ميكون في حاجة حاشرة جواه.
أنا طبعا جايب العربية مستعملة معرفش إلي كان راكبها عمل فيه إيه.
يا ترى في حد يعرف يصلحه ؟ ولة عايز أجيب واحد تاني منين وبكام؟

وأيضا بالنسبة لزرار الإنتظار المفروض إنه بينور.. لكن عندي الظاهر إن اللامبة بتاعته محروقة. فدا يتفك إزاي؟

**mahmoud85** · 31-03-2013 09:44 PM

نضفت البوابه النهارده عندميكانيكي بس مش حاسس بفرق في السحب اوي
المشكله ان الصفيحه بتعمل 190 كيلو تقريبا عالطريق السريع اللي هو بقا العن من جوه البلد بسبب المطبات
هل صحيح ان البوجيهات الاصلي ليها شمعه واحده ؟؟؟
هل فيه حد جرب ينضف فلتر البنزين لان الميكانيكي قالي لو نضفته بيبوظ

**salah_86** · 31-03-2013 09:52 PM

وعلى ايه تنضف الفلتر وتتعب نفسك هات التيوانى ب 120 جنية وغيرة كل 20 الف لان الاصلى بيقعد 40 الف وتمنة 650 جنية

**bahaagamil** · 01-04-2013 01:56 PM

الف شكر على الموضوع الجامد دا ومفيد جدا
انا معايا لانسر 2008 اوتوماتك 1600
الحقيقة انا لسة اول عربية ليا بس الحمدلله بنصح اي حد بيشتري يجيب لانسر وهو مغمض بس الشوارع في مصر هنا جميلة جدا والحياة زبادي في الخلاط لدرجة اني مبقتش الاقي شارع واحد في طريقي مفيش فيه بلاعات ولا مطبات هولامية عجيبة

**zazaza20002000** · 01-04-2013 11:34 PM

يا جماعة حد يعرف منين اجيب فوانيس البومه المعدله(اللي فيها رينجات وعدسات)
وبتكون في حدود كام؟

**أبو إياد** · 02-04-2013 08:53 AM

المشاركة الأصلية كتبت بواسطة zazaza20002000

يا جماعة حد يعرف منين اجيب فوانيس البومه المعدله(اللي فيها رينجات وعدسات)
وبتكون في حدود كام؟

بتكون موجوده عند اغلب محلات الكماليات والاكسسوار واخر مره سالت عليهم كانوا فى حدود 1300ج

**fathy hady** · 03-04-2013 01:17 AM

المشاركة الأصلية كتبت بواسطة matrix_amr11

اللتر ب 50 ج اضرب فى 8 لتر حوالى 400

غيرته فى بنزينة موبايل اللى فى الشيراتون - اف بي اّي - , هتلاقى محطة خدمة سريعة ورا البنزينة

وخليه يفك الخراطيم وينزل على قد ما يقدر , هو عمل ده لوحده بس ممكن تلاقي حد تانى بيقولك هتاخد 6 لتر وتفرح انت :))

الفكرة ان الرواسب كلها بتتجمع تحت, وبما اننا مش هنحل فلتر الفتيس يبقى عالاقل نغير اللى نقدر عليه

على فكرة هتحس ان الفتيس اداءه احسن كتير, تكلفة التغيير 50 جنيه , وعلى فكرة برضه زيت الفتيس هو نفس زيت الباور .

عايز أغير زيت الفتيس وانا من الاسكندريه حد ممكن يدلنى على توكيل ميتسوبيشى عندنا او أى مركز خدمه مميز

**mahmoud85** · 03-04-2013 01:40 AM

ممكن اعرف رسوم تسجيل عربيه لانسر 2008 1600 في الشهر العقاري كام ؟؟ ولو حد يعرف المرور بيتكلف كام عشان ارخص العربيه 3 سنين ؟؟؟
وشكرا

مشاهدة نتائج الإستطلاع: مواصفات السياره

الموضوع: رابطة مالكى البومه - لانسر 2003 : 2012

LinkBack

أدوات الموضوع

عرض

-

المواضيع المتشابهه

رابطة مالكي الشارك- لانسر 2008 : 2012

رابطة مالكي المكواة...لانسر 2001-2002-2003

رابطة مالكى الـ c4

رابطة مالكى الماتريكس

الكلمات الدلالية لهذا الموضوع

المفضلات

المفضلات

ضوابط المشاركة