انا معايا بومه 2009 عامله 34000 و كنت محافظ عليها جدا جدا لحد من حوالى سنه عملت حادثه جامده بيها و اتقلبت بالعربيه فى ترعه و دخلت العنايه المركزه فى غيبوبه و تنفس صناعى لحد ما ربنا اكرمنى و خرجت....المهم ....وقتها اصحابى و والدى طلعوا العربيه و راحت لسمكرى قام بالواجب مع العربيه من الألف للياء من سمكره و ميكانيكا و كهربا ( غيرت كبوت و رفرف و اكصدام و رشت بره بس) لأن نزول العربيه الميه امتص جزء كبير من القلبه
بعدها العربيه فضلت فتره فى الجراج بطلعها يوم واحد فى الاسبوع و بدورها كل يومين و ده للعامل النفسى تجاه العربيه...دلوقتى انا عايز ابيعها و طبعا عايز اتأكد ان كل حاجه فى العربيه كويسه و ان الميه اللى نزلت فيها ما سابتش أثر عشان اللى يشتريها ما تقابلوش مشاكل
فهل تنصحونى بالتوكيل دايموند و لا اروح الرواس ( انا كنت عامل عنده الصيانات كلها لما كان الوكيل الرسمى بس معرفش ظروفه ايه دلوقتى ) و لا فى مراكز صيانه معينه يكشفوا على العربيه و يعرفولا اللى فيها و يصلحوه من غير ما يتنصب عليا
انا اسف للاطاله بس بجد محتاج مساعدتكم و نصائحكم