رابطة مالكى البومه - لانسر 2003 : 2012

**أبو إياد** · 09-04-2015 03:32 PM

المشاركة الأصلية كتبت بواسطة m_h_e_4u

لو سمحتو يا جماعه عايز استفسر عن حاجه انا عربيتى لانسر بومه 1300 ينفع اجيب شورت بلوك 1600واركبه على الفتيس 1300 هو ينفع بس ححس بفرق ولا لا دى حاجه الحاجه الثانيه بعد مايركب هل حيبقى فيه تاثير على المكنه او الفتيس

انسى الموضوع ده لان حجم غرف الاحتراق مختلف فى 1300 عن الـ 1600 وده هايخلى الموتور بيغلى
انما ممكن تغيير الوش بتاع الـ 1600 على البلوك بتاعك ومش هاتحس بفرق باى حاجه غير انك هاتزود تبريد الموتور فقط لا غير

**أبو إياد** · 09-04-2015 03:36 PM

المشاركة الأصلية كتبت بواسطة nabil saleh

على فكرة يا جماعة
انا لاحظت ان تكييف النيسان صنى اللى كانت معايا اوتوماتيك 2004 1300 سى سى
اقوى واشد من تكييف اللا نسر بوما 2013 اوتوماتيك 1600
يا ترى ايه الموضوع
و هل فيه طريقة لتحسين اداءه
انا نظفت الفلتر وهاغيره فى صيانه ال40 الف بعد شهرين تقريبا
و نويت اغسل السربنتينه
فيه حاجة تانيه؟
على فكرة انا ركبت سنتر بالشنطة و بتفتح بالريموت بس السوسته بتاعتها ضعيفة و يدوب بترفع الشنطة و عايز اخليها ترفع اكتر

مفيش حاجه هاتعملها غير تنظيف الفلتر وغسل السربانتينه
وموضوع فتح الشنطه هو تصميمها كده لان السوسته بالعرض يادوب بترفع الشنطه فقط ولو ركبت مساعدين للشنطه هاتعوجها ولو عندك اسبويلر يادوب هاتفتح اللوك بس

**أبو إياد** · 18-04-2015 05:17 PM

المشاركة الأصلية كتبت بواسطة asal

السلام عليكم
انا معايا لانسر 2007 اتوماتيك لكن الطارة بتاعتها اربع ريش ومافيهاش اير باج ولا علامه اللانسر النيكل
في واحد بيقولي ال2007 طارتها ثلاثيه وفيها علامه نيكل مش عارف ده ممكن يكون ايه
والطاره اللي راكبه بتتفك بصاموله من النص تحت الكلاكس مش عارف لو حبيت اغيرها واجيب الطارة التانيه هتنفع تركب عندي ولا لا

عربيتك وكيل وال2007 كانت بتنزل بطاره رباعى ولو عاوز تركب الثلاثى مفيش مشكله فى التركيب بس هاتكلفك فوق 2000 ج

**اشرف ابوزكري** · 27-04-2015 07:02 PM

السلام عليكم اخواتي بعد التحيه ياريت حد يفدني انا معايا لانسر 1600 اتوماتيك 2008 حساس الشكمان مقطوع روحت للميكانيكي قالي الفيشه مش لاقيها شكلها مقطوع من الكمبيوتر فممكن حد يقولي مكان الفيشه بيكون فين ورييت لو بالصور ولو مش موجوده يبقي ايه الحل

**mhamad ghany** · 02-05-2015 02:21 AM

المشاركة الأصلية كتبت بواسطة hamed435

يا جماعة انا عندى استفسار بعد اذنكو ........... انا ادامى سيارتين لانسر بومه الاولى : موديل 2004 سبورت 4جنوط اسبور وسبويلر وفتحة سقف بس فتحة السقف يقولى انها مش بتفتح تقريبا كده عاوزة تصليح ودى رشة برة ماعدا السقف وحالتها نظيفة والتانية 2007 بس دى متبهدلة شوية وماشيى 230 الف وفيها خبطات من جوة بس بسيطة جدا يعنى مش مأثرة فى العربية ولكن طبعا بتقلل من السعر مع العلم ان العربيتين 1300 مانيوال فانتو رايكو اجيب مين فيهم والاتنين يعملو حوالى كام ......... انا اسف انى طولت عليكم بس انا محتار جدا ومعرفش برده الاسعار اوى مطلوب في كل واحدة حوالى 70 الف فانتو ايه رايكو ؟؟؟؟؟؟

لست حبيرا لكن بقالي فترة بشتري واشتريت لانسر بومة ممكن ايك راي
الثانية انت بتقول بنفسك متبهدلة و230 الف كيلو يبقى طالع عينيها وخبطات من جوة يعني لو رشة لا انصحك بها تماما-2007 اوتوماتيك 1600 كلاسيك رشة تعمل 77-78 انزل للمانوال و1300 وخبطة جوة لا ماتجيش اصلا بلاش
الاولى بقى كويسة بس سعرها عالي كدة اقولك2006 مش رشة 1600 اوتوماتيك عاملة 82 من غير فتحة سقف يبقى تنزل سنتين 1300 مانوال رشة كتير عليها ال70

**Dragon78** · 04-05-2015 10:52 AM

ياجماعه أنا كان عندي استفسار بخصوص بطارية البومه

من يومين بالظبط البطاريه عملتها معايا وعمرها الافتراضي انتهى ( 3سنين إلا 3 شهور ) بس الحمد لله ماوقفتش بيا

المهم روحت لكذا واحد عشان أسأل على البطاريات وخليتهم يكشفوا على بطاريتي

في واحد قاللي بطاريتك 55 أمبير .. والتاني قاللي لأ .. دي 60 أمبير ( البطاريه الرفيعه بتبقى 60 أمبير )

المهم في الآخر خالص ركبت بطاريه 60 أمبير (رفيعه) زي اللي كانت في العربيه من الأول والسبب في كده ان القاعده بتاعتها والجزء اللي بيقفل عليها من فوق (اللي هو العمدان اللي بتبقى ماسكه البطاريه من الجناب ومن فوق) مصمم على انه يركب للبطاريه الرفيعه .

الراجل شككني في نفسي وبيقولي اللانسر بتنزل ببطاريه 55 أمبير تلاقيهم كانوا مغيرينهالك .. قولتله مغيرينها ازاي يابيه ده انا شاريها من التوكيل نفسه أول مانزلت مش من معرض حتى .

أخيرا بقى ياجماعه بعد كل الرغي ده .. هي فعلا اللانسر المفروض يركبلها بطاريه كام أمبير بالظبط ؟ وهي بتنزل بكام ؟

ثانيا هل لو أنا ركبت فيما بعد أمبير أعلى هايبقى فيه مشكله ؟ (لأني عرفت ان الـ 70 أمبير بطاريه رفيعه برضه يعني مش هاضطر أغير القاعده والحامل بتاع العربيه)

وآسف على الإطاله

**DrMax** · 05-05-2015 04:29 PM

المشاركة الأصلية كتبت بواسطة dragon78

ياجماعه أنا كان عندي استفسار بخصوص بطارية البومه

من يومين بالظبط البطاريه عملتها معايا وعمرها الافتراضي انتهى ( 3سنين إلا 3 شهور ) بس الحمد لله ماوقفتش بيا

المهم روحت لكذا واحد عشان أسأل على البطاريات وخليتهم يكشفوا على بطاريتي

في واحد قاللي بطاريتك 55 أمبير .. والتاني قاللي لأ .. دي 60 أمبير ( البطاريه الرفيعه بتبقى 60 أمبير )

المهم في الآخر خالص ركبت بطاريه 60 أمبير (رفيعه) زي اللي كانت في العربيه من الأول والسبب في كده ان القاعده بتاعتها والجزء اللي بيقفل عليها من فوق (اللي هو العمدان اللي بتبقى ماسكه البطاريه من الجناب ومن فوق) مصمم على انه يركب للبطاريه الرفيعه .

الراجل شككني في نفسي وبيقولي اللانسر بتنزل ببطاريه 55 أمبير تلاقيهم كانوا مغيرينهالك .. قولتله مغيرينها ازاي يابيه ده انا شاريها من التوكيل نفسه أول مانزلت مش من معرض حتى .

أخيرا بقى ياجماعه بعد كل الرغي ده .. هي فعلا اللانسر المفروض يركبلها بطاريه كام أمبير بالظبط ؟ وهي بتنزل بكام ؟

ثانيا هل لو أنا ركبت فيما بعد أمبير أعلى هايبقى فيه مشكله ؟ (لأني عرفت ان الـ 70 أمبير بطاريه رفيعه برضه يعني مش هاضطر أغير القاعده والحامل بتاع العربيه)

وآسف على الإطاله

بطاريتى لما غيرتها كانت 55 امبير .. الامبير الاعلى مفيهوش مشكلة بس مالوش لازمة ... فلوس عالفاضى