الموضوع: رابطة مالكى البومه - لانسر 2003 : 2012

المشاركة الأصلية كتبت بواسطة whm

استفسار يا شباب - انا معايا بومه خليجى 2005/1600 اتوماتيك كلاسيك دون فتحة سقف. عايز اعرف نوع الفتيس اللى فى العربية وافضل زيت له؟

تحياتى للجميع
وائل حسين

صباح الفل،، الفتيس ده cvt وللاسف غالبا مش هتلاقى زيت ليه فى مصر ولكن ممكن تحط الزيت الموصى به من الشركه spiii مع العلم انه غير مخصص للفتيس الcvt ولكن لا ضرر منه ان شاء الله ،،
وبالتوفيق

المشاركة الأصلية كتبت بواسطة mohammed adel

بعد السلام عليكم و رحمة الله وبركاته يا أهل الخبرة فيه مهندس معرفة عنده عربية ميتسوبيشي لانسر (بومة) وانا ناوي انشاء الله اشتريها - العربية موديل 2006 اوتوماتيك خليجى فابريكة برة وجوة ماشية حوالى (100000 كم ) والعربية لسه عاملة صيانة ال مائة الف فى ( توكيل ميتسوبيشي) و صاحب العربية قاللى ان فى الصيانة غيروا كل حاجة عايزة تتغير و دفع فى الصيانة ( 5000 جم ) العربية فيها رخصة ( سنتين ) يعنى نقدر نقول ان العربية مش عايز اى مصاريف كل حاجة فيها زيرررو كاوتشها لسة جديد حتى زيت الموتور ال 10000 كم متر لسه متغير و على رأي صاحبها قاللى ان العربية مش هتحتاج لمدة سنتين بأذن الله و شهادة للحق صاحبها مهتم جدااااااااا بالعربية واى حاجة محتجاه العربية من صيانة او قطع غيار بيتعامل على طول مع التوكيل ( رجل مالوش فى البهدلة )

صاحب العربية طالب فيها 80000 جم وهو زميل ليا فى العمل وقاللى ان العربية تساوي اكتر من كدة !!!!!!! عايز اعرف ال 80000 جم كويس ولا غالية بس ياريت اللى يقول رأيه يكون عن اقتناع وخبرة عالشان رأيه ده هيتوقف عليه ان اشتري ولا لأ

جزاكم الله كل خيررررررررررررررررررررررر
الف شكررررررررررررررررررررررر ررررررررررررررررررررررررر

عليكم السلام ،، وصباح الفل،، ياريت لوسسيادتك تقولنا على فئه العربيه عشان نقدر نقدرها صح ،، عموما لو هيه كلاسيك يبقى الكلام فى المعقول
وبالتوفيق

متابع

السلام عليكم
أعضاء المنتدى الكرام
ياريت تقبلوا عضويتى فى المنتدى بعد ما أشتريت بوما 2007 كلاسيك من يومين....وليا سؤال أرجو الإجابة عليه من أهل الخبرة
العربية 2007 أتوماتيك وعاملة بس 15000 كيلوا ودفعت فيها 90000 ألف فبريكة برة وجوة حتى بريحة الفبريكة
سؤالى هل السعر ده كده كويس
إيه الصيانة المطلوبة إللى أبدء بيها الأول...أخر صيانة ليها بالتوكيل عند 10000 وكانت مغيرة زيت وفلتر...
وشكرا

السعر ممتاز ربنا يباركلك فيها

انا عربيتي puma 2011 و التكييف عندي وحش جدا و روحت التوكيل كتير و الخلاصة اللي بطلع منها ان الموديل دا التكييف بتاعوا وحش و هي نازلة كدة و مش هنعرف نعمل فيه حاجة...
حد يقدر يفيدني في الموضوع دا؟