بالمناسبة يا ليمو انا قدامى عربية 2001 كليو فابريكة عاملة 93000 روحت شوفتها زى الفل بس قلقان شوية من صوت الموتور وسعرها ممتاز
عرض للطباعة
بالمناسبة يا ليمو انا قدامى عربية 2001 كليو فابريكة عاملة 93000 روحت شوفتها زى الفل بس قلقان شوية من صوت الموتور وسعرها ممتاز
ياجماعه انا حاسس ان النقاش عن العربيه الكليو بقى قوى اوى و انا عايز اقول شئ العربيه ديه فوق الممتازهو سبب انى عايز ابيعها مش عيب فيها بس انا من كتر حبى فى الرينو عايز ابيعها و اجيب ميجان لانى من الاخر ماركه الرينو اصبحت عاشقا لها و عشان كده انا مش فرقه معايا ابيع العربيه بسرعه ممكن تعد سنه مش حزعل و يوم لمه تتباع حاجيب الميجان على طول و انا كنت عايز اقول رأيى فى الكليو عن تجربه:
1- انا شايف العربيه العفشه حلوه و بتستحمل و احسن من عربيات كتير فى فئتها و العربيه علوها حلو جدا
2-مراكز الخدمه الفرع الرئيسى فوق الممتازه احترام و ذوق و امانه لجميع العملاء عدم انتظار و قت طويل و انا شفت بعينى مركز صيانه فولكس فى العبور زحمه اوى و المعامله مش حلوه و فيها استغلال كبير و ده عرفتوه من واحد صاحبى كان بيعمل صيانه فيها و كنت معاه انا خلصت صيانه العربيه الرينو و هوا اقعد وقت طويل جدا عشان يخلص و المعامله ماكنتش حلوه زى مركز رينو العبور
3- تكييف العربيه ممتاز و فى السحب ماتحسش بفرق كتير عادى ياعنى
4-قول من بعض اصدقاء المنتدى بأن قطع الغيار غاليه انا شايفه عادى لسبب ان هيا معمره و على هذه النقطه مليون خط فيه عربيات كتير تلاقى قطع الغيار رخيصه ولكن مش معمره ده ممكن الواحد يشترى مثلا تيل فرامل ال ايه يابانى و يبوظ بعد شهر و ارجع اجيبه تانى بالذمه ده يبقى كلام طبعا انا مش بعمم الكلام ده على جميع قطع الغيار معنى القول الرينو متفوقه فى هذا
5- عدم فهم اغلبيه الميكانيكيه فى السياره ده شئ ايجابى لسبب اراه فى هذا الوقت لا يوجد ضمير فى اغلبيه الميكانيكيه فهم اصبحو سماسره يبيعون الزبون لصاحب محل قطع غيار ولم يعد يركزوا فى مهنتهم لذللك الاضمن لى و لكل الناس المراكز المعتمده الرئيسيه و معلش ادفع بزياده تاخد خدمه احسن و حتكون انت الكسبان و صدقنى ده اوفر ليك مش حيبأ كتير.
6-مفتاح الكونتكت :هوا انت عايز ياعنى اى حد ياخد العربيه و يمشى و يكون سهل ان العربيه بعد الشر تدور من غير مفتاحه الاصلى و تتسرق ياعم حرام عليكو الشركه بتوفرلكوا الامان و اسمع اراء يقوللك ده عيب فى العربيه ازاى متشتغلش بدون مفتاح تانى حاجه تجنن
7-الباور ايوا هوا تقيل شويه لا تعليق
8-موضوع غسل الموتور : انا شايف ان كل العربيات الجديده غلط جدا انك تغسل الموتور ياعنى ده مايعتبرش عيب فى الكليو لانها زى بقيت العربيات شئ عادى ياعنى كفايه هواء بس
و نهايه الكلام العربيه الكليو بالنسبه لبقيت العربيات فى نفس المستوى زى الفيرنا و اللنوس هيا تكسب
طبعا انا معاك ان كلامك ده كله في منتهي الجمال..
واللي بيركب عربية محترمة لازم ييدفع تمن نضافة العربية..
و معروف ان العربيات الاوروبي طبعا احسن من الاسيوي بوجه عام.. مش باخص ماركة عن ماركة..
وده لا بقلل من شأن العربيات الاسيوي في شيء.,. عشان محدش يزعل مني..
كلامك فيما يخص التوكيل صح تماما..
المفتاح و الايموبلايزر في منتهي الجمال
و اخر نقطة.. تكتسح الدايو و الهيونداي بسهولة..
بس هنقول ايه في التسويق؟؟ و برضه اعادة البيع عامل مهم.. ممكن تخلي ناس كتير تهرب منها عشان كده.. الله اعلم ممكن تحتاج الفلوس ضروري و مش هتعرف تعمل ايه..
يا اخى انا لا اشكك فى كفاءة السيارة انا قلت دى من احسن العربيات اللى ركبتها وبالنسبة لموضوع المفتاح تخيل انك فى مشوار طويل زى مرسى مطروخ مثلا ومعاك اسرتك ونزلت فى استراحة فى وسط الطريق وحبيت تدور العربية مبتدورش علشان عطل فى المفتاح ومفيش طريقة تانية علشان تدور الا المفتاح الاحتياطى دى مش حاجة تنرفز وعلى فكرة انا من ضمن العربيات الا مرشحها لية دلوقتى الكليو
يا أخى انا لو اقعدت اتخيل الافكار السوده ديه يبقى ولا الكليو و لا اى عربيه تانيه انا ممكن اشتريها و ياخى تخيل انت بقه حرامي جاى يسرق العربيه ومعرفش عشان مش بدور غير بالمفتاح الاصلى تخيل انت بقى
و اسف فى التعبير انا قصدى التوضيح فقط و مش كل حاجه نتطلع فيها القطط الفطسانه.
السلام عليكم
يا استاذ ليون العربية بتاعت حضرتك ما شاء الله لا قوة الا بالله تحفة وانا اليومين دول بفكر ابيع عربيتي الـ1200 موديل 2003 ( جميع الكماليات ) وادفع الفرق واشتري الـ1400 الاوتوماتيك موديل 2005
انا هذكر سريعا الفروق بين موديل ( 2002-2003-2004 ) الي بتنزل 1200 سي سي 16vوالـ(2001-2005 ) الي بتنزل 1400 سي سي 16v
موتور الـ1200 16v كامة واحدة علوية - 16 صباب ويولد 75HP وعزم 105@3500
موتور الـ1400 16v اثنين كامة علوية - 16 صباب ويولد 98HP وعزم 127@3750
الطنابير الامامية الخاصة بالـ1400 من طراز Ventilated Disks ( الطنابير الي فيها هوايات ) وقطرها 259 مم ودة بيدي قوة رائعة في الفرملة مع الحفاظ على الطنبورة
الطنابير الامامية الخاصة بالـ1200 طنابير عادية وقطرها 238 مم ودة ميمنعش انها قوية بس مش في قوة الـVented والطنابير بتتاكل بسرعة
كل الـ1400 بينزل بكاوتش14 وكلها جميع الكماليات( تحكم كاسيت خلف التارة-شاشة بيانات-RPM -كاسيت الاصلي-ازاز كهرباء-سنتر-فوانيس شبورة).....اما الـ1200 الفاضية (ومافيش اكتر منها ) بينزل بكاوتش 13 .....وجميع الكماليات بس الي بتنزل بكاوتش 14
دي كل المعلومات الي اعرفها عن الاثنين لو حد يعرف اكتر ياريت يقولنا....
يا استاذ ليون اعتقد 69000 كتير أوي...انا مش هاقولك 50 و55 (لان الي بيقولولك الارقام دي فعلا مش على علم بالفرق ) بس اعتقد ان العربية دي اخرها 60-61 وبقولك السعر ده وانا فاهم العربية دي.....مبالك بأه لو انت بتبعها لواحد مش فاهم؟؟!!....انا مش بقولك كدة عشان اشتريها انا لسة هعمل الموضوع ده السنة الجاية ان شاء الله بس عشان متتعبش في بعها لان السوق بتعنا ده والله زبالة
ربنا يباركلك فيها
عمرو عمارة
انا عربيتى 2003 هاف اوبشين جنوط 14
على فكره كمان ال1400 فيه ميزه مش موجوده فى 1200 وهى وجود قطع الغيار الاستيراد الخاصه بالمتور والفتيس اكثر من 1200
الهاف اوبشين
تكيف -باور -عدم امكانيه تشغبل المحرك الا بالمفتاح الاصلى للسياره -اير باج للسائق
الفول اوبشين تجهيز لتركيب راديو كاسيت +اربعه سماعات
تكيف -باور -عدم امكانيه تشغبل المحرك الا بالمفتاح الاصلى للسياره -اير باج للسائق
+كاسيت بتحكم من الدكسيون
+زجاج كهرباء امامى
فوج لايت امامى
مساند رأس خلفيه
كنسول وسط مزود بساعه
نور الصالون يغلق تدرجيا
فرش داخلى اغمق وخاماته افضل
سنتر لوك وزر تجكم من الداخل وريموت بمفتاح السياره
شكل الطاسات مختلف
الفرق بين الهاف والفول حوالى 6 الف جنيه سنه 2003
انا كان معروض عليا من 6 شهور عربيه رينو كليو مو 2002 فابريكه بالكامل جميع الكامليات لون اسود جنوط اسبور وكان مطلوب فيها 40000 ج.م