رينو كليو 2005 اوتوماتيك للبيع

**lion99990** · 20-04-2008 01:38 AM

للببع :كليو 2005 اوتوماتيك فابريقه بالكامل
مواصفات
العداد:43000 كيلو
الغيار :اوتوماتيك
السعه اللتريه:1400 سي سي - 16 فالف
عدد الاحصنه:98 حصان تقريبا
سنتر لوك-زجاج امامى كهرباء-نظام تحكم فى الكاست من الدركسيون-تكييف- باور-الجنط الاحتياطى لم يلمس الارض-فابريقه بالكامل-صيانه بالتوكيل-رخصه ثلاث سنوات تنتهى فى
2011
العربيه بحاله جيده جدا و لاتحتاج اى مصاريف
المطلوب: 69000 الف جنيه غير قابل للنقاش نهائى
المعاينه المنصوره
0105057890

**NaderNabil** · 20-04-2008 01:52 AM

ربنا يوفقك في بيعها....بس انسي السعر اللي انت كاتبه :)

لو عرفت تبيع ب 55000 تبقي عملت انجاز تحسد عليه..

**solycar** · 20-04-2008 02:00 AM

يا استاذ lion99990
الاسعار مش بتتحدد على حالة السيارة
لكنعن طريق العرض و الطلب
بالنسبة للكليو عموما تقيلة اوى اوى اوى فى بيعها

**kimo** · 20-04-2008 02:02 AM

الاخ الكريم لو انت عايز تبيع الكليو او الرينو عموما لا تبالغ فى السعر ولو ان العربية تساوى اكثر من ذالك لانها كانت معى مثلها ورغم ان قطع غيارخا غالية جدا بس كانت احسن عربية من 4 سيارات ركبتهم

**solycar** · 20-04-2008 02:18 AM

نصيحة بجد لو عاوز تبيع اطلب 52
لكن بالطريقة بتعنك دى اللانوس او الفيرنا تتباع ب 30 الف و الهوندا تتباع ب 300 -400 الف

**cpt_shawky** · 20-04-2008 05:47 AM

المشاركة الأصلية كتبت بواسطة lion99990

اشترتها ب 62500 هل كدة يبقى سعرها كويس هى فابريكه جوه و بره و عملة 35000 كيلو واوتوماتك و1400 سي سي 16 فالف

عجيب والله يا استاذ ليون حضرتك اشترتها ب 62500 واستخدمتها اكتر من 6 شهور ب 5الاف كيلو وبتطلب فتمنها زيادة 6 الاف ونص :).....ربنا يوفقك

**mohammed magdy** · 20-04-2008 09:58 AM

معقوله ............:)ياجماعة الموضوع مش تجارة على بعض خالص:)

**Ahmad Allawy** · 20-04-2008 10:52 AM

الطبيعي ان الواحد بيشتري عربية بيمشي بيها
بتعمل كيلو متر اكتر.
سعرها بينزل الا لو حصل تغيرات كبيرة ف السوق..
وده مش بيحصل كتير حاليا..
يبقي فعلا.. الطبيعي انك تنزل بتاع 5 او 6 الاف في سعرها.. خاصة وانك شاريها اصلا غالية قوي..

**lion99990** · 20-04-2008 11:27 AM

يا جماعه انتو زعلانين اوى ليه, وهوا اللى انتو شايفينوا ان لازم اى حد يشترى عربيه لازم يخسر فيها يا جماعه انا شايف ان كده كويس و بعدين فى السوق كله انا مشفتش اى عربيه نفس موديل العربيه ديه دى اوتوماتيك 100 حصان اللى بينزل جديد 75 حصان 8 فالف بس بدون كاسيت عاده مش فتيس اوتوماتيك ب 74 الف جنيه م بالكوا بقه بعربيه زى ديه و بعدين اسعار 50 و 52 و 55 ديه اسعار الكليو قبل 2005 بتكون1200 سي سي و فتيس عاده بدون اغلبيه الكماليات اللى موجوده فى الكليو 2005 1400 سي سي و فيه حاجه عايز اقولها اللى ركب الرينو عارف قيمتها كويس و عارف ياعنى ايه ركوبها حلوه و اكيد يقدرها كويس عشان كده انا سعري مش غالى انا شايفو معقول اوى بالنسبه لسعر الجديده اللى مش زى 2005 بتاتا 2005 احسن منها مليون مره و ده عرفتوا من مركز الصيانه اللى فى العبور ال الفرع الرئيسى المهندس سامر قالى كده وقدر قيمه العربيه
و شكرا للجميع

**NaderNabil** · 20-04-2008 11:32 AM

ربنا يوفقك....و ابقي قولنا وصلت ل ايه:)

الموضوع: رينو كليو 2005 اوتوماتيك للبيع

LinkBack

أدوات الموضوع

عرض

-

-

-

-

المواضيع المتشابهه

رينو كليو 2005 اوتوماتيك ولا 2008 مانيوال ؟؟؟

مطلوب رينو كليو 2005 -2004بالاسكندرية

لخبراء رينو كليو اوتوماتيك

رينو كليو كامله اوتوماتيك موديل 2005 - الأسكندرية

كيا بيكانتو 2005 ولا رينو كليو 2005 ؟

الكلمات الدلالية لهذا الموضوع

المفضلات

المفضلات

ضوابط المشاركة