الموضوع: مهموم ومحتار _وفى مشكلة كبيرة_ وماحدش هايعرف هايحلها غيركم.....

لازم تحدد لنفسك انت عاوز تشتغل فى ايه .. و تاخد الطريق فى الحاجة دى ..تبدأ تاخد كورسات فى الحاجة اللى انت بتحبها و لو ليها علاقة بدراستك يكون أفضل كتير .. و تدور على شغل فى نفس الوقت .. و بعدين ربنا هيكرمك ان شاء الله.

صدقنى لما الواحد بيخلص فى أى مجال بيتميز فيه و باذن الله بيلاقى شغل كويس .. حتى لو قررت تتميز فى بيع البطيخ .. و أخلصت .. هتلاقى الدنيا كويسة و فى شغل و الموضوع محتاج جهد.

و سيبك من اللى يقول لك المجال ده لامم .. ولا مالوش شغل .. لما يكون الشغل فى مجال معين كتير بيكون المتقدمين كتير .. و لما يكون قليل .. بيكون فى ناس قليلين هما اللى شغالين فى المجال ده.

من الاخر .. اختار لك مجال و ادرسه كويس .. و طور نفسك فيه .. و شوف على الانترنت الناس بتعمل ايه و ايه أحدث حاجه فيه .. و ربنا هيكرمك ان شاء الله.

المشاركة الأصلية كتبت بواسطة mr_vampire

حب ماتعمل حتي تعمل ماتحب.

الكلام ده فى فيلم احمد حلمى هههههههه انما فى مصر اشتغل اى حاااااجه

بص ياسطورة انت ألأول تركز انت بتحب ايه وعاوز تبقى ايييه وعلى هذا الأساس ابتدى يعنى انا شايف انك تاخد كورسات فى للغه معاينه وممكن تشوفلك شغلانه بيها يعنى مش لازم مجالك يعنى حاول تشوف انت عاوز ايه او بتحب ايه وامشى فيه وربنا يكرمك ياااااارب ويكرمنا كلنا والله لو الحال ماشى كنت قلتلك خد كورس المانى وتعالى اوديك الغردقه تشتغل فى الشركة عندنا بس انا مش عارف فى ايه جاى

المشاركة الأصلية كتبت بواسطة ahmed_elkhateb

الكلام ده فى فيلم احمد حلمى هههههههه انما فى مصر اشتغل اى حاااااجه

بص ياسطورة انت ألأول تركز انت بتحب ايه وعاوز تبقى ايييه وعلى هذا الأساس ابتدى يعنى انا شايف انك تاخد كورسات فى للغه معاينه وممكن تشوفلك شغلانه بيها يعنى مش لازم مجالك يعنى حاول تشوف انت عاوز ايه او بتحب ايه وامشى فيه وربنا يكرمك ياااااارب ويكرمنا كلنا والله لو الحال ماشى كنت قلتلك خد كورس المانى وتعالى اوديك الغردقه تشتغل فى الشركة عندنا بس انا مش عارف فى ايه جاى

با باشا عندنا شركه ونفس في فايل الماني اعمل ايه؟

انا عارف ان الظرف صعب دالوقتي

لكن امهد ليه ازاي؟

شوف يا باشا , حاول تدرس السوق المصري في الجانب الخاص بتخصصك , بمعني تشوف مثلا ايه المطلوب ايه لو الدنيا ماشيه network administrator يبقي تمشي فيها , لو الدنيا ماشيه web design او developer و هكذا ..., و نصيحه عن تجربه شخصيه , ما ترسمش طريق من وحي خيالك و تمشي فيه , يعني لو انت راغب و ميال لمجال ما في تخصصك بس لا يوجد فيه شغل بسهوله او في حد ممكن يساعدك و يشوف لك فرصه وانت تكمل يبقي ما لوش لزمه , و تجربتي الشخصيه اني لما اتخرجت حبيت اني اتخصص في مجال دقيق ونادر في مصر و هو تصميم الشرائح الالكترونيه ( VLSI) و دوست جامد و كنت هحضر فيه ماجستير و ضبطت دكتور كان شغال في شركه امريكيه تعمل في هذا المجال في مصر , عشان يديني فرصه و يعمل لي SUPPORT عندهم , و قعدت اتكلم معاه و عرفته اني جاد بدليل اني كنت جايب امتياز في مشروع التخرج في هذا المجال , لكن لا حياه لمن تنادي , بعديها رحت اشوف دورات في الشركه دي لكن لقيتها غاليه اوي ( الكلام ده من 5 سنين ) و ما كانش معايا فلوس ساعتها , رحت ادور علي منحه لقيت منحه 9 شهور تبع وزاره الاتصالات و بعد ما سجلت علي السايت الدوره اتلغت لعدم كفايه العدد , دورت تاني علي منحه لقيت نفس الشركه في المعهد القومي للاتصالات في مدينه نصر رحت وقدمت فيها و اجتازتها بنجاح , لكن اكبر استفاده اني احتكيت بالناس اللي شغاله في الفيلد و اتأكدت ان الطريق مسدود , لأن المجال ده نادر و اللي بيشتغلوا فيه ناس محدوده قوي , وطبعا عشان اوصل للمستوي ده محتاج وقت و فلوس كتير و طبعا بالنسبه للوقت كنت ضيعت سنتين عمال ادور في المجال ده , والفلوس ما كنتش متوفره معايا وقتها , بس الحمد لله ربنا سترها معايا و لحقت نفسي و لقيت شغل في مجالي و الحمد لله دلوقتي , و ربنا يوفقك

المشاركة الأصلية كتبت بواسطة ahmed_elkhateb

الكلام ده فى فيلم احمد حلمى هههههههه انما فى مصر اشتغل اى حاااااجه

بص ياسطورة انت ألأول تركز انت بتحب ايه وعاوز تبقى ايييه وعلى هذا الأساس ابتدى يعنى انا شايف انك تاخد كورسات فى للغه معاينه وممكن تشوفلك شغلانه بيها يعنى مش لازم مجالك يعنى حاول تشوف انت عاوز ايه او بتحب ايه وامشى فيه وربنا يكرمك ياااااارب ويكرمنا كلنا والله لو الحال ماشى كنت قلتلك خد كورس المانى وتعالى اوديك الغردقه تشتغل فى الشركة عندنا بس انا مش عارف فى ايه جاى

يا استاذ احمد _انا خلاص مابقيتش اسطورة_انا بقيت قمر الدين بالزبادى_انا بقالى 3 شهور قاعد فى بيتنا _وماليش نفس اعمل أى حاجة_حتى عربيتى بعتها من سدة النفس_لإنها حمضت من الركنة والتراب_بعد ماكنت بنزل كل يوم وبتعامل مع كاستومرز_وخروجات وأصحاب وسفر_ودلع_بقيت كائن منزلى_قاعد على الفيس _ونايل_وقفلت كل لعب نيد فور سبيد!_ونزلت كل الافلام الجديدة_وشفتها كلها!_انا بجد مش عارف امسك بداية الطريق_والدنيا مقفلة جامد معايا