أحسن كلام سمعته بصراحة ......
معاك تماماً
عرض للطباعة
هل السلفيين دين هل الاخوان دين وفى حاجه كمان اسمها وهابيين دى ايه دين برده ؟؟؟ انا بقى مسلم ابقى ايه فى دول
جزاكم الله خيرا اشفيتم صدرى
يا جماعه انا بعد ما اعصابى ارتاحت شويه انا شايف ان احنا نرجع نحفظ قران وندرس شريعه ونتعلم احكام الدين وملناش دعوه بالبلد خالص وزى متمشى البلد !!!!!!!!!!!!!!!!!!!!!!
والله بدون ذكر مسميات ( سلفيين و خلافه ) انا كمصري مقيم برا و في كتير هنا غيري بيسألوا هي كانت فين الجماعات دي في وقت امن الدوله؟ و ليه مخرجوش في مظاهرات كبيره ايامها و كانوا فين ايام استشهاد السيد بلال ؟
و كانوا فين لما الكنيسه خطفت بنات كتير قبل كده؟
و من امتي كانوا بيطلعوا و يتكلموا براحتهم و يتحركوا براحتهم زي دلوقتي ؟ مهو ده نتاج الثوره اللي هما كانوا رافضينها في الاول... يعني الثوره دي هي السبب .
طب ليه مش قادرين يصبروا لحد ما تستقر الاوضاع و بعدين يفتحوا ملف الكنائس سواء سياسيا عن طريق تشكيل احزاب او يبلغوا و يسيبوا القضاء يشتغل او بيقوا يعملوا مظاهرات براحتهم بس لما البلد تستقر شويه.
اشمعني كله حبك اليومين دول؟
ليه بيخوفوا الناس منهم؟
في ناس كتير ابتدت تخاف منهم و ده منهم و من الاعلام بردو.
ليه ظهروا في مشهد كنيسه امبابه و هما عارفين ان خطواتهم محسوبه عليهم و في ناس مستنيين لهم غلطه زي ما كان بيحصل مع الاخوان بس بصراحه الاخوان عندهم رؤيه و مثقفين جدا و عرفوا ازاي يندمجوا بسرعه بعد الثوره.
انا قلت رأيي و اللي عاوز يشتم يتفضل بقي.
يا باشا مش لازم تنغلق , بس طبيعي ما تقوليش ان ليك خبرة سياسية زي الاخوان مثلا
طبيعي هايبقى الأمر صعب في بدايته , بس بعد الالمام بقواعد اللعبة الوضع هايبقى احسن ان شاء الله
الصراحة رغم إني مش من مناصرين المنهج السلفي
بس كنت لحد إمبارح محترم أدائهم من بعد الثورة ،،
يعني مثلا في قضية الأسيرات
كانوا ماشيين في الإتجاه القانوني تمام و بيلتزموا بطلبات مجلس الوزراء و المجلس العسكري
و في نفس الوقت ماشيين في اتجاه التعبير السلمي عن الرأي عن طريق مظاهرات سلمية راقية منظمة لم تخترق
لدرجة إنهم اقتربوا جدا من تحقيق نصر في هذه القضية
بالإضافة لتعاطفي معهم نتيجة الحملة الشرسة اللي تعرضوا لها إعلاميا
اللي كان ملخصها
(( تطور الجريمة في مصر ،،، ماس كهربي ، مختل عقليا ،، سلفي !!!!! ))
لحد أحداث إمبارح المخزية ،،
و سواء كان كمين نصب لهم أو كانت حماسة و تهور منهم
فللأسف خصمت من رصيدهم كثير ،
سيبك من المسميات كل الذكرتهم أهل سنه .. أتكلم عن نفسى لا أنتمى لأى جماعه ذات تسميه .. بس عارف يعنى ايه سلف و عارف يعنى ايه أخوان عشان كده مينفعش أشوف كل التشويه و ظلم ده على السلفيين و أقعد ساكت و علق شماعه الفتنه عليهم و مش شايف اى سبب أو طرف تانى .
بالظبط ده كان موقفى و أظن موجود بالمنتدى فى مواضيع على الأخوان من قبل و متأكد بوقوع الظلم عليهم من مؤسسات الدوله فى العهد البائد و هو ما يحدث الأن بدفعه أقوى بعد الأستفتاء ..
اللهم وحد صف المسلمين و أحفظ بلادنا من الفتن أنت خير الحافظين .