!! ريحت ضميرك :) شوفت الفيديو الفى الصفحه الأولى أو قريت مواضيع أمبارح
عرض للطباعة
شكرا علي سعه صدرك يا استاذ علي
انا متهيألي ان مشكله الجماعات دي ان معندهمش رؤيه لمستقبل الجماعات اللي بينتموا ليها يعني مابيحاولوش الاندماج في المجتمع اللي هو اصلا او جزء منه خايف منهم.
انا نفسي ان هما يقدموا صوره مشرقه للاسلام و للمسلمين زي ما بيعملوا بتوع الاخوان دلوقتي.
طبعا مش معني كلامي ان احنا ننسي ملف الكنايس لان الملف ده كده كده هيتفتح مع الوقت.
بس البلد تقف علي رجليها شويه.
الطريق الى الجحيم مفروش بالنوايا الحسنة
ده الى حصل و بيحصل ...... لما خلصت الثورة ..... اتدور كل واحد يدور على مطالبه الفئوية
و انتشرت المظاهرات الفئوية
السلفيين زيهم زى غيرهم من العمال فى المصانع و العاملين فى الشركات و المصالح و الهيئات
ليهم مطالبهم الفئوية برضه .....
اللى تجلت فى المطلب الرئيسى ...... تحرير الأسيرات من المسيحيات اللى اسلموا
بس للأسف ..... مطالب العمال الفئوية أخرها شوية فلوس
بس مطالب السلفيين الفئوية ...... ادت لفتنة طائفية
انت ناسى المسيحيين ما هما السبب و عدم احترامهم للقانون و تعاملهم كدولة داخل دولة ؟؟؟؟؟
انا معاك فى كل ده ..... بس المسؤولية الكبيرة علينا احنا ..... احنا الأغلبية فى البلد دى
كان لازم نفوت الفرصة عليهم و على غيرهم ..... مش كلمة تودينا و كلمة تجيبنا
ما كانش ليه لازمة من الأول ..... مظاهرات قدام مجلس الدولة و قدام الكاتدرائية عشان خاطر كاميليا
عارف كويس اوى ان دى اخت مسلمة و لازم نحميها بفرض يعنى انها اسلمت
بس ده مش وقته خالص ........
مش كفاية اللى حصل فى أطفيح ؟؟؟؟ ما كنا استنينا شوية لغاية ما حال البلد يتعدل ...... و بعد نروح نعمل مظاهرات فى اى حتة
ده رأيى ..... انا بلوم على السلفيين عموما فى الموضوع ده عدم اختيار الوقت الملائم و لا الأسلوب الملائم
تعرف يا hobico ?
انا معاك في وجهة نظرك
بس فيه سؤال مهم , اللي كانوا الشرارة بتوع حادثة امبابة دول لا هيئة ولا جماعة ولا تنظيم ولا اي حاجة , دول افراد عاديين , هاتحكم حاجة زي دي ازاي ؟
بص ..... خلينا نعترف بينا و بين بعض ..... ان فى شحن و فى تصعيد فى الموضوع
المظاهرات اللى بدأت امام مجلس الدولة ...... و بعد كده تحولت لأمام الكاتدرائية
اصرار الكنيسة على عدم امتثال كاميليا امام النيابة ...... و بعد كده ظهورها فى التلفزيون
تغطية الأعلام للموضوع بكثافة ...... غير اننا شعب يعشق نقل الكلام و الأشاعات
ببساطة اصبح عند رجل الشارع البسيط المسلم ..... قناعة داخلية بأن موضوع خطف المسيحيات اللائى اسلمن انه صحيح ...... غير الضغط العصبى و النفسى
واصبح هناك قناعة عند رجل الشارع البسيط القبطى ..... بانه مهدد من عدو شنيع ..... يريد ابادته من مصر
كان فى موضوع هنا فى المنتدى عامله زميل بيقول ان من كتر فرجته على التلفزيون و قنوات الأخبار فى الفترة الأخيرة ..... اصبح عصبى جدا على استعداد انه يتخانق على اتفه الأسباب
ده بالظبط اللى حاصل لشعب كامل اغلبه من البسطاء و محدودى التعليم ...... و تحت الضغط العصبى و النفسى الشديد ...... البنى ادم بيبقى عايز يطلع غله فى أى حاجة
فى اللى استفاد من ده فى الناحيتين ..... مسلمين و مسيحيين ..... لا أستثنى احدا
فى الشيخ اللى حرض الناس على تظاهر حول الكاتدرائية و سمعت ان فى فيديوهات لبعض الشيوخ على الyou tube بيقولوا انهم حيقتحموا الأديرة لتحرير نساء المسلمين
و فى القسيس اللى حرض الناس ولو بشكل مبطن على حمل السلاح و الأستعداد للدفاع عن الصليب ضد الهجوم الأسلامى الغاشم
انا فى وجهة نظرى المتواضعة ...... يجب الضرب بيد من حديد على المحرضين على الفتنة ..... مسلمين كانوا او مسيحيين
يجب تطبيق القانون على الجميع ..... على الجميع
لتحريات العسكرية: رجل أعمال مسيحي وبلطجية محترفون أشعلوا فتنة إمبابة
ممدوح شعبان – مها سالم
9-5-2011 | 15:17
http://gate.ahram.org.eg/App_Themes/.../nib_arabi.png
http://gate.ahram.org.eg/App_Themes/...nib_arabi2.png
20426
http://gate.ahram.org.eg/App_Themes/.../reading-2.png
http://gate.ahram.org.eg/Media/News/...609452-260.jpg
أحداث إمبابة
علمت "بوابة الأهرام" أن التحريات العسكرية والتحقيقات الدائرة توصلت إلى تورط فلول النظام السابق بالفعل فى إشعال الفتنة فى أحداث إمبابة، حيث قامت مجموعة من البلطجية المعروفين فى حى إمبابة بالتسبب فى بدء الاشتباكات بين المسلمين والمسيحيين. وتشير التحريات إلى قيام رجل أعمال مسيحى يدعى (ع.ل) بدفع الشباب المسيحى إلى تجهيز زجاجات مولوتوف وإلقائها على رءوس المتجمهرين لإحداث البلبلة، كما اندست بين المتظاهرين مجموعة من البلطجية لإشعال الموقف ونشر الأكاذيب بينهم.
هذا وقد قامت الشرطة العسكرية بإلقاء القبض على 12 فرداً من منازلهم أشارت التحقيقات الى ضلوعهم فى تفجير الموقف رغبة منهم فى إحداث بلبلة وخلق مناخ عدائى داخل البلاد للتأثير على استقرار الأوضاع مما يعطى الفرصة لتأجيل الانتخابات التشريعية المنتظر إجراؤها فى سبتمبر المقبل.
-----------------
متهيألي المؤامرة واضحة مصالح سياسية ومادية بحتة
وما خفي كان أعظم سواء في الداخل أو الخارج
في رئي المؤامرة أكبر بكثير من ظاهرها