مظاهرة مسيحية

**megamoudy** · 10-05-2011 03:12 AM

المشاركة الأصلية كتبت بواسطة aif

هما فاكرين ان امريكا ح تدخل عشان تدافع عنهم
امريكا بتدافع عن مصلحتها وبس
واصلا امريكا لو ..... لو .... فكرت تدخل لهذا السبب ....
اعتقد انها ح تدخل على اشلاء مسيحين ومسلمين ...... يعني ح يبقى مافيش حد تدافع عنهم اساسا
وبعدين خلينا نقرأ التاريخ ..... لمن يرد ان يتعلم من ماضيه
كم عدد المسيحين الذين قتلهم المسلمين ؟؟؟؟؟؟ وكم عدد المسلمين الذين قتلهم المسيحيين ؟؟؟؟؟؟
وكم عدد المسيحين الذين قتلهم مسيحين من مذاهب اخرى ؟؟؟؟؟ اللي زي امريكا يعني
ياريت نعتبر ونفهم التاريخ علشان نستفاد منه

+1111111111111

**meza** · 10-05-2011 03:21 AM

المشاركة الأصلية كتبت بواسطة mrwho1982

المعادلة سهلة يعني بدل ماتطلعو كاميليا في قناة تلفزيون ماكانت تقول الكلام ده قدام النيابة

وكان الموضوع يخلص لكن في ناس عايزه تولعها وتخلق مشاكل وال ايه حماية دولية

بالنسبة لظهورها على قناة الحياة اللى أصلاً الكنيسة متبرأة منها ... فهى فرصة إقتنصتها القناة لمزيد من التشوية لصورة الإسلام تبعاً لمنهجهها

لكن الغريب إنها كده كده طلعت و أعلنت إنها مسيحية ... يجى أبو يحيى يقول أه هى دى كاميليا بس ده مضغوط عليها ... و يجى أخ فاضل هنا فى المنتدى يقول مستحيييييل دى مش كاميليا أبداً ... و يجى تالت يقول طلوعها ده استفزاز لمشاعر المسلمين و بمثابة إعلان حرب!!!!
بذمتكم ده كلام يمشى على عقلاء!

و الحجج اللى طلعت دى كانت أحد أسباب أن الكنيسة رفضت ظهورها مرة أخرى ... لأن كل مرة هتطلع حجج جديدة.
بالنسبة لعرضها عالنيابة فهى بالفعل هتروح النيابة فى حديثها أقرت بكده.

بالنسبة للحماية الدولية فإحنا مش مغفلين عشان نطلب احتلال ... ده خبر نزل على المصرى اليوم إن 200 واحد واقفين قدام السفارة و بعدها طلع الشيخ صفوت حجازى على قناة النيل و قال انه راح هناك و مفيش حد ... يعنى خبر كاذب! ...
فبرجاء عن التشبث بيه.

عيب اللي بيحصل ده اكسبو الملسلمين في صفكم لانكم والله العظيم لسه ماشفتوش غضبهم عامل ازاي وحقنا للدماء والمشاكل

كلنا مصريين مسلمين ومسيحين وعايشين عادي لكن هاقول كلمة اخيرة .
ديني خط احمر اللي يقرب منو يكتب وصيتو قبليها وفي ناس بتنفخ في النار علشان تهديها وناس بتنفخ علشان تزيد

اظن وجهة النظر وصلت وبالنسبة لنظام مبارك الفاشي انسي خالص ان هو يرجع ده يبقي حلم

أسلوب التهديد فى كلام حضرتك لا يشجع إطلاقاً إن حد يتكلم معاك و يحاورك ... يا ريتك كملت كلامك بدون هذا التهديد

رصد | عاجل : اشتباكات بين المعتصمين أمام ماسبيرو بسبب هتافات بعودة مبارك

الكلام ده حصل امبارح باليل ومستني تفسير منك

للأسف ده أحد أهداف الثورة المضادة ... و مش المسيحيين بس اللى بينخدعوا بيه ... إمبارح واحد صاحبى مسلم بيقولى بما معناه إننا كنا أحسن فى عهد أمن الدولة .... و ده اللى شايفينه بعض المسيحيين و لازم تعذرهم لأنهم خلال عهد مبارك محصلش كل الخراب ده ... انا سمعت فيديو لواحدة بتقول بعد تنحى مبارك إننا هنموت خلاص و مصر مش هيفضل فيها مسيحى واحد لأننا هنتاكل

فلازم تقدر كل الأفكار المترسبة دى على مدار سنوات طويلة .... و العقل أنت تفكر كيف تفندها مش تزودها!!!

**maged** · 10-05-2011 03:25 AM

موضوع الاستقواء بالخارج لا يتبناه سوى عدد ضئيل جدا من الاقباط لا يمثل شىء لكن ليس هو فكر الاقباط ككل لاننا نعلم ونؤمن ان الله هو الذى يحمى الانسان لانه الوحيد القادر على كل شىء وهو يقول فى الانجيل ملعون من يتكل على زراع بشر
اى ان المسيحى فى عمق عقيدته لا يعتمد على بشر مثله انما على الله سبحانه وتعالى اله العدل
ونطلب من ربنا يحمى مصر كلها للابد مسلميها واقباطها

**meza** · 10-05-2011 03:26 AM

المشاركة الأصلية كتبت بواسطة hamdy

الحقيقة بقا لازم تتقال كفاية
اولا علي الاقلية المسيحية في مصر ان تحترم راي الاغلبية المسلمة و هذه قواعد اللعبة الديمقواطية

دى فى الغرب بيسموها "الديمقراطية اللا ليبرالية" ... يعنى حماية حقوق الأغلبية على حساب الأقلية ... ودى ظهرت مع بداية الفكر الديمقراطى و بدأ تفاديها بالتركيز على حقوق الأقليات التى ستظلم بالتبعية لو تم تطبيق الديمقراطية بمعناها البسيط.

فمش لازم نرجع إحنا من أول السطر و ندخل فى نفس مشاكل الديمقراطية ... ليه منتعلمش من غيرنا

ثانيا علي المسلمين ان يتعايشوا كمواطنيين جنبا الي جنب مع المسيحين علي اسس المواطنة والاحتكام الي القانون

أحلى كلام

- ماهو معلش لو كانت من الاول الكنيسة خرجت السيدات التي اسلمن او ربما لم يسلمن مكنشي دا حصل من الاول -
- ولو كانت الكنيسة معتبرتشي نفسها فوق القانون و دولة داخل الدولة وعلي ارسهم القس شنودة مكنشي دا بردوا حصل -

للأسف هى دى نظرتك للموضوع .... و للأسف أكثر إن دى هى نفس نظرة المسيحيين للموضوع ... أن الداخلية و الجيش بيحموا ضهر السلفيين و هما بيضربوا (أنا مقولتش السلفيين ضربوا) ...
بالتالى الطرفين حاسس بالظلم ... و دى مصيبة!
مش هنعرف نتراضى أبداً بالشكل ده

اشمعنا المسلمين يحترمون راي الاغلبية في السويد فلا يقام لهم مأذن او لا تلبس امراة مسلمة النقاب و تلتزم بالقانون اسمعنا

مثال غير دقيق إطلاقاً .... حضرتك كده بتنزع عن المسيحيين وطنيتهم و مصريتهم ... وده ظلم كبير!
إحنا مصريين زى حضرتك تمام و عايشين وسطكم و إتولدنا و إتربينا فى البلد دى و منعرفش بلد غيرها ... مينفعش تعاملنى كأنى غريب!

المشاركة الأصلية كتبت بواسطة razini89

نفهم من كدة انك مش مسيحى ؟؟

غريب جداً الإهتمام بمعرفة ديانة كل واحد بيرد ... كأننا هنحكم على نياتهم من ديانتهم!
أنا عمرى ما سألت حد ديانتك غيه ... و مفرقش معايا أبداً فى المعاملة و اللى يعرفونى فى المنتدى يشهدوا على كده.

المشاركة الأصلية كتبت بواسطة aif

هما فاكرين ان امريكا ح تدخل عشان تدافع عنهم
امريكا بتدافع عن مصلحتها وبس
واصلا امريكا لو ..... لو .... فكرت تدخل لهذا السبب ....
اعتقد انها ح تدخل على اشلاء مسيحين ومسلمين ...... يعني ح يبقى مافيش حد تدافع عنهم اساسا
وبعدين خلينا نقرأ التاريخ ..... لمن يرد ان يتعلم من ماضيه
كم عدد المسيحين الذين قتلهم المسلمين ؟؟؟؟؟؟ وكم عدد المسلمين الذين قتلهم المسيحيين ؟؟؟؟؟؟
وكم عدد المسيحين الذين قتلهم مسيحين من مذاهب اخرى ؟؟؟؟؟ اللي زي امريكا يعني
ياريت نعتبر ونفهم التاريخ علشان نستفاد منه

يا حاج إبراهيم إهدى بس .... الخبر ده طلع كاذب و الشيخ صفوت حجازى كذبه بنفسه ...

يعز عليا و حضرتك تعرفنى و تعرف مسيحيين آخرين فى تعاملك أكيد إنك تصدق إننا ممكن نستنجد بالغرباء و إحنا عندنا أخوتنا

أمريكا لو دخلت هتبقى خراب على الكل .... العقلاء من الطرفين عارفين كده و حتى إن تهور بعض البسطاء بفعل زى ده لا يعمم على الكل ... صح ولا ايه؟!

**meza** · 10-05-2011 04:56 AM

------

**meza** · 10-05-2011 05:00 AM

YouTube - ‫ط§ظ„ط¹طµط§ط¨ط© ط§ظ„ط³ظ„ظپظٹط© طھظ‚طھط.ظ… ظƒظ†ظٹط³ط© ط§ظ„ط¹ط°ط±ط§ط، ظˆظ‡ظ… ظٹظ‡طھظپظˆظ† ط§ظ„ظ„ظ‡ ط§ظƒط¨ط±‬&lrm;

الفيديو ده أذانى جداً ... حقيقى حزين!

ربنا يسامحهم

أعتقد معظمكم هتزعلوا برضه لما تشوفوا الفيديو ده ... ممكن بقى نعترف ان الكلام ده حصل بالفعل و نشوف حلول و ضمانات إنه ميحصلش تانى و لا لسه هننكر إن فيه حاجة حصلت زى ما بيعمل البعض حتى الآن!

و أرجوكم بلاش ندخل فى معضلة " من البادىء و المخطىء" ...

كفاية اللى حصل مش عاوزين مشاكل و خلافات أكتر من كده

**heshamzaky** · 10-05-2011 05:19 AM

المشاركة الأصلية كتبت بواسطة meza

youtube - ‫ط§ظ„ط¹طµط§ط¨ط© ط§ظ„ط³ظ„ظپظٹط© طھظ‚طھط.ظ… ظƒظ†ظٹط³ط© ط§ظ„ط¹ط°ط±ط§ط، ظˆظ‡ظ… ظٹظ‡طھظپظˆظ† ط§ظ„ظ„ظ‡ ط§ظƒط¨ط±‬&lrm;

الفيديو ده أذانى جداً ... حقيقى حزين!

ربنا يسامحهم

أعتقد معظمكم هتزعلوا برضه لما تشوفوا الفيديو ده ... ممكن بقى نعترف ان الكلام ده حصل بالفعل و نشوف حلول و ضمانات إنه ميحصلش تانى و لا لسه هننكر إن فيه حاجة حصلت زى ما بيعمل البعض حتى الآن!

و أرجوكم بلاش ندخل فى معضلة " من البادىء و المخطىء" ...

كفاية اللى حصل مش عاوزين مشاكل و خلافات أكتر من كده

الى فى الفيديو دول شوية بلطجية و أنا أتفرجت أكتر من مرة علشان أدقق بقدر الامكان الى ماسك طبنجة مش ملتحى و الى بيكسر الزجاج بعصاية مش ملتحى و الى رافع سيف فى الاول مش ملتحى . الى ملتحين فى الفيديو شخصين فقط و مش شايفهم بيكسرو . يعنى الى عاوز اقولة انهم بلطجية من الناس الى واخدين على الخناقات و باين من أسلوب تكسيرهم انهم بلطجية زى بلطجية الصالات و الناس المقاطيع . بس مش تيار دينى دول مش شكل ناس تنتمى لتيار دينى دول بينتمو لتيار البلطجة
و مش صح انهم يدخلو يكسرو لو شاكك و لزم الامر يستاذن و يدخل بادب و ما يكسرش حاجة خالص يعنى يدخل بأدب و يخرج بأدب

**meza** · 10-05-2011 05:29 AM

المشاركة الأصلية كتبت بواسطة heshamzaky

الى فى الفيديو دول شوية بلطجية و أنا أتفرجت أكتر من مرة علشان أدقق بقدر الامكان الى ماسك طبنجة مش ملتحى و الى بيكسر الزجاج بعصاية مش ملتحى و الى رافع سيف فى الاول مش ملتحى . الى ملتحين فى الفيديو شخصين فقط و مش شايفهم بيكسرو . يعنى الى عاوز اقولة انهم بلطجية من الناس الى واخدين على الخناقات و باين من أسلوب تكسيرهم انهم بلطجية زى بلطجية الصالات و الناس المقاطيع . بس مش تيار دينى دول مش شكل ناس تنتمى لتيار دينى دول بينتمو لتيار البلطجة
و مش صح انهم يدخلو يكسرو لو شاكك و لزم الامر يستاذن و يدخل بادب و ما يكسرش حاجة خالص يعنى يدخل بأدب و يخرج بأدب

بغض النظر عن كونهم مين ... أنا لم أعلق على تلك النقطة

بس اللى حصل ده المفروض ميحصلش تانى سواء من بلطجية ولا حتى اى حد ... كده إحنا رايحين ناحية حرب أهلية و إحنا مش حاسين لو الأمور إستمرت بالشكل ده .. الإساءة للمقدسات بالشكل ده لا ينذر بخير أبداً .. و معدل الكراهية تجاه الكنيسة و رموزها فى تزايد مستمر و صوت العقل بدأ يخفت!

رايحين على فين؟

**heshamzaky** · 10-05-2011 05:54 AM

المشاركة الأصلية كتبت بواسطة meza

بغض النظر عن كونهم مين ... أنا لم أعلق على تلك النقطة

بس اللى حصل ده المفروض ميحصلش تانى سواء من بلطجية ولا حتى اى حد ... كده إحنا رايحين ناحية حرب أهلية و إحنا مش حاسين لو الأمور إستمرت بالشكل ده .. الإساءة للمقدسات بالشكل ده لا ينذر بخير أبداً .. و معدل الكراهية تجاه الكنيسة و رموزها فى تزايد مستمر و صوت العقل بدأ يخفت!

رايحين على فين؟

متفق جدا معاك لا حد يروح يكسر كنيسة و لا حد يروح يكسر جامع لان دى دور عبادة مينفعش أقتحامها بالمنظر دة كدة . لو فية اى مخالفة سواء فى جامع و لا فى كنيسة يبقى بالقانون مش بالبلطجة طبعا

**meza** · 10-05-2011 06:29 AM

المشاركة الأصلية كتبت بواسطة heshamzaky

متفق جدا معاك لا حد يروح يكسر كنيسة و لا حد يروح يكسر جامع لان دى دور عبادة مينفعش أقتحامها بالمنظر دة كدة . لو فية اى مخالفة سواء فى جامع و لا فى كنيسة يبقى بالقانون مش بالبلطجة طبعا

اتفقنا

يبقى الحل الأهم هو إننا نؤكد على سلطة القانون فى الحالات اللى زى دى و اللجوء اليه لحل تلك المشكلات؟

هل من أفكار و حلول تانية؟