مظاهرة مسيحية

**ashouhdy** · 10-05-2011 02:23 PM

السلام عليكم ... أذيكم يارجالة

انا ضد اى كلام بقى عن صلح و معلش ومش حنعمل كدة تانى ... الصح يتعمل ... لازم الحاجات دى يكون عقوبتها الاعدام ذى القتل بالضبط لأنها فعلا بتؤدى الى القتل دة بالنسبة للمتطرفين اللى بيهاجموا اى ديانات اخرى

نيجى بقى للكنايس: الكنيسة دار عبادة وشكرا ... منعا للقيل والقال ... الكنايس تتفتش بصفة دورية ويكون فى رقابة على الخطاب ذى ما كان عندنا بالضبط و يكون فية مراقبة لشئونها الداخلية عشان نعرف اذا كانت هناك قيادات تخالف القانون ام لا

برضة نفس الشئ للجوامع يكون فى رقابة على الخطاب مش سداح مداح ويكون معروف ان الشيخ الفلانى بيخطب فى الجامع الفلانى وهكذا

ولازم يكون فى حرية ممارسة العقيدة ذى ما الاسلام قال ....يعنى دة يروح كنيستة ويصلى براحتة ودة يروح الجامع بتاعة ويصلى براحتة

لو حصل بقى بعد دة كلة وحصل تخاصم ... يكون فى حد مخصوص او رقابة خاصة على المشاكل الطائفية يكون ليها الاولوية فى البحث والتحقيق وتحل بسرعة بالغة ويمنع تماما التجمهر و التجمع وكلام حاخد حقى بدراعى والفوضى دى لازم تنتهى

الكلام دة لو عايزين نبنى بلدنا صح ونبص لقدام .... لو عايزين نفضل محلك سر وذى مااحنا ونرجع لورا ... يبقى خلينا ذى مااحنا وكل واحد يركب دماغة وهكذا

أمتى الناس تفهم ان رجال الدين من الطرفين دول مجرد رجال بنى أدمين مش ألهة نصبت انفسها و ولت نفسها على الناس.

رحمك الله يارسول الله ورحمك الله ياعمر

من تاريخنا ان عمر بن الخطاب بعد فتح بيت المقدس و اثناء زيارته للقدس رفض ان يصلي في احد الكنائس و علل ذلك ان يخشى ان ياتي المسلمون من بعده و يقولون هنا صلى عمر و يحولوا الكنيسة الى مسجد

**أبومعاذ** · 10-05-2011 02:32 PM

المشاركة الأصلية كتبت بواسطة heartbreaker

ويششششششششش !!! و بعدين بلاش كده.....لو الكلام ده حصل في مسجد هتيردوا بصلح ؟؟؟ نعم ام لا !!...ردوا على نفسكم بقة

الرد أهو وخلي أسلوبك كويس عشان يستمر النقاش بشكل عاقل ومثمر

المشاركة الأصلية كتبت بواسطة saberman

حصل و محاولة حرق مسجد فى أحداث المقطم ( عزبة الحلاليف ) و الناس لحقو المسجد قبل أن يحرق بالكامل .

المسجد دا لما اتحرق اتكسرت في نفس الأحداث عربيات ناس كتير كان ذنبهم إنهم عدوا من هناك ولا حد من المسلمين عمل مظاهرات و لا حد صالحنا ولا طلبنا حد يصالحنا أصلاً عشان عايزين نتعايش بسلام و مش عايزين المواضيع تكبر

**heartbreaker** · 10-05-2011 03:02 PM

المشاركة الأصلية كتبت بواسطة أبومريم

الرد أهو وخلي أسلوبك كويس عشان يستمر النقاش بشكل عاقل ومثمر

المسجد دا لما اتحرق اتكسرت في نفس الأحداث عربيات ناس كتير كان ذنبهم إنهم عدوا من هناك ولا حد من المسلمين عمل مظاهرات و لا حد صالحنا ولا طلبنا حد يصالحنا أصلاً عشان عايزين نتعايش بسلام و مش عايزين المواضيع تكبر

طب ما فيه اقباط ماتوا بالرصاص في نفس المكان و محدش جاب سيرتهم ولا بالقانون و لا من غير و بعدين انت ليه بتحاول تلف و تدور حوالين النقطة الاساسية ان انتوا مش هترضوا بحاجة النتوا راضينها لغيركوا في موقف معين و هو هدم دار عبادة بالكامل...انا مش بعمل فتنة ولا عايز اغلط حد انا بس عايز حكمنا يبقي واحد علي نفس الموقف...زي انا مرضاش ان الحل لهدم مسجد (مثلا) يكون الصلح و لازم يتعاقب الفاعل اشد عقوبة يبقى نفس الكلام يطبق على حالة الكنيسة

**أبومعاذ** · 10-05-2011 03:36 PM

المشاركة الأصلية كتبت بواسطة heartbreaker

طب ما فيه اقباط ماتوا بالرصاص في نفس المكان و محدش جاب سيرتهم ولا بالقانون و لا من غير و بعدين انت ليه بتحاول تلف و تدور حوالين النقطة الاساسية ان انتوا مش هترضوا بحاجة النتوا راضينها لغيركوا في موقف معين و هو هدم دار عبادة بالكامل...انا مش بعمل فتنة ولا عايز اغلط حد انا بس عايز حكمنا يبقي واحد علي نفس الموقف...زي انا مرضاش ان الحل لهدم مسجد (مثلا) يكون الصلح و لازم يتعاقب الفاعل اشد عقوبة يبقى نفس الكلام يطبق على حالة الكنيسة

انا مش بلف ولا أدور أنا اللي حاولت أوضحهولك بس أنت مفهمتش إن الموضوع دا بالفعل حصل واحنا اتصالحنا من غير ما حد يصالحنا أصلاً :) ودا من أخلاق الإسلام إننا نتسامح على قد ما نقدر لكن لو مفيش صلح أنا معاك إن القانون يتطبق و المخطئ يتعاقب أيا كان هو مين

**أبومعاذ** · 10-05-2011 03:38 PM

المشاركة الأصلية كتبت بواسطة ashouhdy

السلام عليكم ... أذيكم يارجالة

انا ضد اى كلام بقى عن صلح و معلش ومش حنعمل كدة تانى ... الصح يتعمل ... لازم الحاجات دى يكون عقوبتها الاعدام ذى القتل بالضبط لأنها فعلا بتؤدى الى القتل دة بالنسبة للمتطرفين اللى بيهاجموا اى ديانات اخرى

وعليكم السلام ورحمة الله وبركاته
أنا مختلف معاك ...الصلح أولى لأنه بيهدي الناس و بيخلي الصدور تتصافى لكن لو مفيش صلح فالقانون يطبق على المسلم قبل المسيحي

**ashouhdy** · 10-05-2011 04:19 PM

لا انا مختلف معاكم بشدة فى موضوع الصلح ..... و أؤيد بشدة موضوع تطبيق القانون بدون جلسات عرفية وصلح والكلام دة .... انا اؤيد الضرب بيد من حديد ع كل من تطاول وتطول نفسة التعدى على الديانات وحرية ممارسة الشعائر الدينية للمصريين

الموضوع مش بسيط الموضوع هام و خطيير جدا .... لازم هيبة الدولة ترجع بالقانون والعدالة ولما حاجة تتحكم يبقى خلاص علم و ينفذ

ومفيش بقى حد يطلع ويقول يع يع اصل الحكم معجبنيش ونقعد نكسر فى حاجاتنا وعربياتنا وبلدنا ..... هى مش فوضى

**heartbreaker** · 10-05-2011 04:22 PM

المشاركة الأصلية كتبت بواسطة mrwho1982

بالحق صحيح واحد معايا في المكتب مسيحي بيقولي في تهديد واصل للكنيسة وشوفت التهديد عالنت

وكان ردي ان ديني بيامرني اني احميك واحمي دار عبادتك وربنا يصلح الحال ويهدي النفوس وحسبي الله ونعم الوكيل في كل من يريد بهذا الوطن من سؤ

احييك على ردك المحترم لزميلك في الشغل و اتمنى بعد ما شفت فيديو التهديد مع زميلك تكون فهمت ليه الاقباط حسين بالاضطهاد و رد فعلهم بيببقى في هجوم خاطىء على الاسلام و انا راي اي حد يطلع يعمل اي تهديد لاي ديانة او ماكن عبادة يتجاب و يتحاكم و يطبق عليه اشد عقاب

**ashouhdy** · 10-05-2011 04:30 PM

ظ†ط¬ظٹط¨ ط¬ط¨ط±ط§ط¦ظٹظ„ ظٹط·ط§ظ„ط¨ ط¨طھط¹ظٹظٹظ† ظ„ظˆط§ط، ظ‚ط¨ط·ظٹ ط¹ط¶ظˆط§ ط¨ط§ظ„ظ…ط¬ظ„ط³ ط§ظ„ط¹ط³ظƒط±ظٹ ظˆظٹظ‡ط¯ط¯ ط¨ط·ظ„ط¨ ط.ظ…ط§ظٹط© ط¯ظˆظ„ظٹط© | ط§ظ„ط¯ط³طھظˆط±

نجيب جبرائيل وتصريحاتة :)) الأجمل رد الاخوة المسيحين العاقليين:

اقتباسات من ردود اخواتنا المصريين المسيحيين:

1-

خلاص كل واحد بقى متخيل إن الدين بتاعه هو بس!! وإن هو أكفأ واحد يتكلم باسم دينه!! عشان كدة مش بس اللي اشتركوا في أحداث إمبابة المفروض يتحاكموا.. المفروض المحرضين كمان يتحاكموا!! والراجل ده محرض من المحرضين!

2-

وإنت مين إنت كمان عشان تتكلم باسم الأقباط؟ الحماية الدولية دي تطلبها لبيت ....* لو عاوز! ملكش دعوة بينا بقى قرفنا!

3-

ربنا يسامحك مين قال انك بتتكلم باسم الاقباط هو حد جايب صورتنا ورا غيرك.

4-

انا مسيحى وبقولك..اهمد واسكت..وخليك انت والسلفيين فى قضية كامليا.. والى مكنش معانا ايام الثورة.مش عايز اسمع صوته بعد الثورة.

5-

ياعم احنا مصريين اوي اوي وماحدش يحمينا لادوليه ولا غيرها والمصريين المسلميين هما الحمايه الوحيده الطبيعيه والمنطقيه والله هو الحامي فوق الكل.

وغيرهم كتيير ... يبقى اية ؟؟؟

-

-

الموضوع: مظاهرة مسيحية

LinkBack

أدوات الموضوع

عرض

-

-

-

-

-

-

المواضيع المتشابهه

مظاهرة عدم شراء السيارات

الكلمات الدلالية لهذا الموضوع

المفضلات

المفضلات

ضوابط المشاركة