استهلاك البنزين فى المسافات الطويلة كويس جدا لكن انا وصلت معى ل10000 فقط بل ده كتير بالنسبة لعربية ملاكى مكملتش سنة معى
استهلاك البنزين فى المسافات الطويلة كويس جدا لكن انا وصلت معى ل10000 فقط بل ده كتير بالنسبة لعربية ملاكى مكملتش سنة معى
دى صور للمتور فى عربيتي للناس اللى متشككة فى المتور وبتقول انه مش ميتسوبيشي او غيره والعلامة موجودة و مختومةعليه علشان بس يكون الموضوع جامع شامل مع بعض الصور للعربية f3 -r و فديوا لها مصور ايضا المتور الميتسوبيشي بالعلامة و ليس مكتوب ميتسوبيشي تكنلوجى ولة كلام من ده
جبيت اضيف الاضافة دى علشان يكون الموضع جامع شامل ان شاء الله ان امكن ذلك
معلش الصورة فى الضلمة لانى نزلت بليلو المتور مترب علشان المنطقة عندى تراب و شوارع مكسرة على الاخرhttp://www.nilemotors.net/Nile/image.../wol_error.gif.http://i33.tinypic.com/33u3k90.jpg
و ده فيديوا و صورللf3 r اللى هى تملك نفس المتور ايضا لكن هاتش باك مع العلم ان مفيش منها اوتوماتيك فىمصر للاسف على حد علمى حتى يومناهذا
http://www.moj-album.com/slike/42199..._R__FG6U.v.jpg
http://www.moj-album.com/slike/42199...s9N09zJc.v.jpg
http://www.moj-album.com/slike/42199...AvVyznB5.v.jpg
http://www.youtube.com/watch?v=uznSEPvnMos&NR=1
الأخ مسلم
انا بصراحة مستغرب من دفاعك الدائم عن السيارة و متابعتك المستمرة للمواضيع الخاصة بها على الموقع و الرد على المتشككين من السيارة و احضار الصور و المعلومات و هذه اشياء تتطلب منك وقت و مجهود و ما هي استفادتك من ذلك لدرجة اني اصبحت اظن انك تعمل في شركة الأمل و انك مكلف من قبلهم بمتابعة المواضيع الخاصة بالسيارة على المنتدى و الدفاع بإستماته عن جودتها و تلميع صورتها امام الناس و لا يخفى على الجميع ان هذا الأمر يؤثر في الناس بشدة لدرجة اني فعلا تأثرت بكلامك و شعرت أن هذه السيارة راااااااااااااااااائعة ولا مثيل لها بالنسبة لأمكانياتها و سعرها و انها ايضا بالإضافة الى ذلك شديدة التحمل و لو حتى اصابها اي شيء يمكن ان يتغير ببساطة بقطعة غيار للتويوتا كوروللا أو المتسوبيشي لانسر (بالنسبة للموتور) و على ذلك و طبعا هي مجرد شكوك مني ليس اكثر و للا اقل فماتزعلش مني و كنت احب اسألك كام سؤال:
1 - انت عمرك كام سنة؟؟
2 - بتشتغل ايه ؟؟ و هل ليك اي علاقة بتوكيل الأمل و أي حد شغال فيه ؟؟
3 - يا ترى ايه عيوب السيارة BYD F3 اللي انتا شايفها فيها بالتفصيل و الإستفاضة و من جميع الجوانب؟؟
4 - يا ترى العربية دي عطلت منك قبل كدا ؟؟ و كان ايه السبب ؟؟
و شكرا جزيلا لك
اقتباس:
- انت عمرك كام سنة؟؟
2 - بتشتغل ايه ؟؟ و هل ليك اي علاقة بتوكيل الأمل و أي حد شغال فيه ؟؟
3 - يا ترى ايه عيوب السيارة BYD F3 اللي انتا شايفها فيها بالتفصيل و الإستفاضة و من جميع الجوانب؟؟
4 - يا ترى العربية دي عطلت منك قبل كدا ؟؟ و كان ايه السبب ؟؟
و شكرا جزيلا لك
اولاانااعتذر عن التأخر فى الرد عليك لان امبارح فعلا رديت عليك لكن لما جيت ابعت الرد النت فصل و ضاع الرد اللى كنت بكتبه لك للاسف و النهاردة رجع النت لكن بظروفه معرفش ماله اليومين دول عندى!!
المهم انت بتقول انك شاكك انى شغال فى توكيل الامل!!
طيب تفتكر انا لو شغال معاهم حقول لك انا شغال معاهم؟؟!!!
اكيد لأ طبعا
و عموما علشان برضوة تتطمئن لو انت شوفت اول موضوعاتى فى المنتدى حتلاقيها عن السؤال عن العربيات اللى فى فئة الدايو و سعرهاو كنت بتقس عن افضل عربية فى فئة و سعرالدايو لانوس
لغاية لما عرفت الbydمن واحد زميل لى فى الشغل اشتراها و قالى لى عليها لما لاقني بسأل عن عربيات فى فئة الدايوا المهم اتفرجت عليها و شوفتها و اكتشفت ان متورها ميتسوبيشي يعني دى حاجة بتكون نادرة فى سعر عربية صيني زى كده
طبا مكنتش مصدق لانى كنت سالت عن الاسبرنزا اللى فيها متورميتشسوبيشي و كانت غالية جدا فى السعر معدية ال100 الف فطبعا مكنتش مصدق ان المتور ميتسوبيشي و طبعا زميلي ده انا اعرفه كويس و حبيبي يعني و عارف انه مش ممكن يضحك علي و كمان عرفت ان اخوه اشتر نفس العربية بس اعلى فئة فيها و اخوه ده كمان ليه فى العربيات و بيفهم فيها و بعدين برضوة مع زميلي تانى عنده جاره عنده العربية من اول لما نزلت مصر يعني من سنتين تقريبا و قال لى انه متابع العربية لانه برضوة ليه فى العربيات و بيفهم فيها و غاوي عربيات زى اخوة كتير فى المنتدى و قال لى انها اجمد من اللانوس فى الصاج و قال لىان صاحبها بيشكر فيها اوى
طبعا كنت بس شاكك انه العربية ميكونش متورها ميتسوبيشي فرحت و شوفت فى التوكيل المتور وتاكدت من الكود بتاعها
و بعديها فضلت اتقس بقي على العربية فى كل مكان اقدر عليه و اوله النت طبعا فضلت ادور فى موقع حتى انى سالتعنها فى المنتدى هنا قبل ما اشتريها وبالنسبة لشكرة bydلقتها بتقول انه متور ميتسوبيشي برضوة و نفس الكود طيب دورت فى اليوتيوب لقيت لها فديوهات كتير بالنسبة انها مش منتشرة و برضوةفى الفيديوهات مصورين المتورو بياكدوا انه ميتسوبيشي و مش ف الصين بس لا فىبلاد تانية بيتصدر لها العربية فحطيت كل ده فى فولدر عندى علشان كده كنت لما برد مش باخذ مجهود فى الاتيان بالادلة لانى كنت محتفظ بالملف ده فى المفضلة عندى فقط اللى تعبنى فى البحث مرة هو انى كنت ببحث عن شكل المتور فى العربيات الميتسوبيشي ووجدته فعلا هو هو زى اللى عندى فعلا
ان شاء الله يكون الكلام ده فهمك ازاى انا ماخذتش مجهود فى البحث
طيب بالنسبة لعمرى انا عندى 42 سنة
و بخصوص الاعطال هى اول لما جبتها كان في عيب فى الشنكة كانت بتتقفل بالرزع و لما رحت التوكيل فى صيانة 1000 عملوها لى و بطلت تعمل كده واتعدلت والحمد لله
نيجي بقي بالنسبة للتيل بتاع الفرامل فهو نازل بيتاكل بسرعة فالمفروض يتغير فى ال5000 مع ان زميلي مغيرش لغاية دلوقتى وهو جايب العربية من قبلي بحوالى 6 شهور المهم لما غيرت التيل بقت الفرامل احسن بكتير معرفش ليه واهم حاجة ان الواحد لما يجي يغير يغر القطع بتويوتا او ميتسوبيشي لان دى ميزة العربية دي بالذات اننانغير الحاجة بتاعتها بياباني
بالنسبة بقي للتوكيل فهم بيحاولوا فعلا ان يهتموا بالعربية حتى انهم حيفتحوا فرع بعيد عن العربيات اللادا فرع فى القاطمية طيب كويس عايزين يهتموا
طيب و الصنيعية؟؟
طبعا مش محترفين و لما رحت اعمل صيانة ال1000 علو لى المتور و اضطريت انى اروح لهم مرتين تانى على يعدلوه تانى و يظبطوه لى !!
فى ميزة بقي انا اكتشفتها و مكنتش حاسس بيها ان العريبة معها ريموت و اذا قفلت العربية بالريموت لا يمكن تشتغل او تدور الا لما تفتح العربية بالريموت حتى لو فتحتها بمفتاحها و دى ميزة على حسب علمى لم اجدها فى عربية صيني حتى الان ده بجانب ميزة المتوراللى هو ميتسوبيشي و تكون العربية بالسعر ده
بخصوص وقفت او لا فصعب اوى ان عربية زيروا تقف يعني !
وطبعا الحمد لله لم تحدث معى حتى الان و ربنا يسترهاعلينا في الطريق يا رب علشان اناطريقي كله دائري و معى اطفال
و ان شاء الله اكون افدتك فى اللى كان محيرك؟؟
شكرا جزيلا يا اخ مسلم
ارجو انك ماتكونش زعلت مني لأني كنت أشك فيك لكن اخلاصك في الدفاع عن السيارة هو اللي كان محيرني لأن مش كل واحد بيشتري عربية حتى لو كانت ممتازة بيتفرغ للدفاع عنها على النت و الرد على استفسارات المتسائلين.
اما بالنسبة لل BYD f3 فأنا ايضا معجب بيها جدا من حيث الشكل و الإمكانيات بالمقارنة بالسعر لكني لا زلت قلق جدا منها من حيث:
اولا: التوكيل (فيه ناس اشتكت منه)
ثانيا: جودة الأجزاء الداخلية و الإلكترونية بالسيارة (لو حصل فيا عطل هتضطر كل مرة تجر العربية للتوكيل)
ثالثا: قطع غيار السيارة (اسعاره و توافره في السوق)
رابعا : السيارة غير منتشرة في مصر فلم ارها و لو مرة واحدة في الشارع و لو مبقاش ليها سوق ممكن التوكيل يبطل يشتغل فيها و دي تبقى كارثة بالنسبة للي اشتروها.
خامسا: ايه مستقبل العربية دي في مصر و ليه مش بيعملولها دعاية كافية ؟؟ هو التوكيل مش عايز يبيع وللا ايه ؟؟؟؟
سادسا : انا لو هاشتريها هكافح كتير علشان اسدد اقساطها لأن برده 70 الف جنيه بالنسبة ليا مش شوية على الرغم انه سعر ممتاز بالنسبة للعربية و امكانيتها (اذا كانت فعلا عربية متينة و متصنعه بزمة) و بالتالي فأنا مش حمل أي مفاجآت تتعلق بسلامة العربية و كفاءتها.
سابعاً: مش عارف ليه رغم الكلام الجميل اللي باسمعه من حضرتك عن ان العربية جميلة جدا و ناعمة إلا ان فيه ناس تانية بتشتكي من ان العافشة ناشفة :K15: طيب مين اللي بيقول الحق (ناعمة وللا ناشفة) ياريت نرسى على بر.
و شكرا جزيلا و آسف للإطالة
Byd F3 Is Best Than Braliance And Have More Sales Here In China Last Month This Car F3 Sold 15342 Uint And Brilance Frv Not More Than 4000 Uint,chery A5 Only Sold 5000 Uint
اى دفاع مستميت على السيارة اخى؟؟!!
هل لانى قلت ان متورها ميتسوبيشي فعلا و ليس كما يقول البعض انه مش ميتسوبيشي؟؟!!
انا باكد معلومة ناس متعرفهاش فده مش دفاع ده تاكيد لمعلومة و بادلة كمان
اخى المصطفى مين قال ان عفشتها ناشفة؟؟!!!!
لان دى اول مرة اسمعها!!
بل ااكد ناعمة
و بعدين من قال ان جودة لاجزاء الداخلية فيها عيب ؟؟
خصوصا ان اهم ما يميز الbydهى التقفيل و خامتها التى تعتبر من احسن الخامات فى السيارات الصيني لدرجة ان فى ناس ركبوا معى و ظنوها المانى و الاخر ظنها ايطالي و ده اهم ما يميز السيارة دى بالخوصص التقفيل و الخامات
انا فاكر ان فى اخ قال ان كان في عيب فى واحدة لما راح شافها لكن ده مش شرط انهم كلهم كده لان ده ممكن يحصل فى اى عربية حتى لو يابانى
بخصوص توافر الاجزاء او القطع فهى اما تيجبها من تويوتا او ميتسوبيشي اين عدم التوافر بقي؟
بخصوص انك مشوفتهاش فده شئ وارد طبعا خصوصا انك متعرفش شكلها اوى
انا بشوفها و فى جار لنا فى البيت الكبير عنده واحدة زيها و بركن جبنه كمان ساعات
و ممكن تلاقيها اكتر فى مصر الجديدة لان كتير من هناك على جبن المعرض و اكتر ناس بتشترى لانها شافوها طو ده عيب التوكيل انه مش بيوزع فى معارض غير التوكيل انا مش فاهم ليه لغاية دلوقتى بيعمل كده!
التوكيل عيبه ممكن نقول من حيث التعامل مع الاجزاء الغير ميكانيكية انه مش محترف فى هذاالتعامل يعني الواحد يخاف يوسخوا حاجة فى التابلوه خصوصا انه فاتح و غيره من الكلام ده او يخربشه و ده بيحصل فى توكيلات تانية بردوه مثل عزب العرب اللى بهدل لاحد الاخوة فىالمنتدى عربيته الجين تو
و شكرا اخى احمد على المعلومة دى لانى معرفهاش بس معلومة ان شاء الله تبشر بخير للعربية لانى لما اشترتها كنت عارف انها مش منتشرة بس توكلت علىالله وعملت استخارة و اشترتها لما شوفت جودة التقفيل و الخامات و القطع الغيار اللى ممكن تتبدل بيابانى و دى هى ميزة العربية
اليك تقرير اخر عن الشركة من البي بي سي يعني الحمد لله مش منى انا علشان محدش يقول انى بلمعها لما اقول ما فيها من حقيقة و مش من جرايد مصرية تلمع بحسب الفلوس التى تدفع لها
http://www.nilemotors.net/Nile/showthread.php?t=50896
الاتنين بيقولوا الحق و ياريت اخى تخفف شوية من تشكيك للناس اللى بتكتب و تقول مين اللى بيقول الحق دى كلمة يعني !!!اقتباس:
طيب مين اللي بيقول الحق (ناعمة وللا ناشفة) ياريت نرسى على بر.
المهم العافشة الناشفة هى فى الفئة الرياضية الهاتشباك
لكن السيدان ناعمة مش ناشفة و دى هى اللى معى
حتى حتلاقي على الرابط التالى فى المشاركة رقم 4 اخ لنا معنا فى المنتدى يملك الفئة الرياضية و بيقول ان العفشة ناشفة و ده لانه يملك الرياضية مش السيدان و مظنش اللى يملكوا السيدان قالوا ان عفشتها ناشفة ؟؟ http://www.nilemotors.net/Nile/showthread.php?t=49058
معلش يا اخ مسلم ارجو انك ماتكونش فهمتني غلط انا ماقصدش ان فيه حد قصده يضلل الناس انا كان قصدي ان احيانا الواحد من كتر ما بيسمع كلام متناقض نتيجة لأختلاف الأزواق و الآراء بيحس انه اتلخبط و مش عارف ياخد كلام مين في الحسبان لكن طبعا مكنتش اقصد اي معنى سيئ لا سمح الله
و فعلا انا في حيرة شديدة من أمري لأني شديد الأعجاب جدا بال BYD كشكل و امكانيات و كمان دلوقتي أنا معجب بالعربيه البريليانس FRV كشكل و امكانيات ايضا لكن برضه انا متخوف جدا لأن الناس كلها بتقول بلاش الصيني لأنه لسه ماتجربش بشكل كافي حتى و لو كان في أول شراؤه بيكون جميل و مريح و ناعم و كدا يعني لكن مع مرور الوقت القريب بتبدأ تظهر مشاكل زي فيه أخ كاتب على المنتدى أنه احتاج يغير المساعدين بعد 2000 كيلومتر و طبعا ده شيء عجيب لأن 2000 كيلومتر ليست مسافة كبيره تحتاج بعدها لتغيير مساعدين و اللي زاد و غطى أن التوكيل عايز يخليه هو اللي يتحمل تكلفة تغيير المساعدين !!!
و ما خفي كان اعظم . و الله انا محتار لأن نفسي فعلاً أشتري عربية بالإمكانيات اللي موجوده في ال BYD f3 أو البريليانس FRV لكن خوفي من التوابع عاملي قلق شديد لأن الفلوس اللي هتدفع مش معايا منها كتير :biggrin:
و بالمناسبة كنت عايز أسأل يا أخ مسلم بما انك من ملاك السيارة هي عاملة ايه معاك حتى الآن؟
اخبار الصيانه الدورية ايه؟
معاملة التوكيل عاملة ازاي؟
مكان الصيانه فين؟
يا ترى سعر العربية كام دلوقتي؟
ايه الفرق بين السيارة السيدان و الهاتش باك ؟
و معلش بأه اسألتي كتير بس انا عشمي كبير
شكرا جزيلا