المشورة فى التعامل مع شخص سئ

**Dr Ahmed** · 09-05-2011 03:36 PM

المشاركة الأصلية كتبت بواسطة mrwho1982

دي كده قلة ادب للاسف مضطر اقولهاللك

اجرلو بلطجية وهيعملو معاه الصح

سلاح ذو حدين ممكن يتقلب عليا لو اتقبض عليهم واعترفوا ... وأنا معرفش ولا بلطجى واحد .. بس أهوه حل أخير خالص لو تمادى فى الإساءة لا قدر الله

المشاركة الأصلية كتبت بواسطة shnory

خده علي حجرك يا دكتور
فانت كلمه براحه وقوله بص يا ابن الناس
ممكن نحل مشاكلنا ودي كده وتاخد بعضك وتشيل حاجتك ويا دار ما دخلك شر ولما اشوفك في الشارع حسلم عليك ونشرب قهوه مع بعض
او
تقوله انت تضل تعلي صوتك وتتعامل بشغل البلطجه وانا اروح قافل المحل علي بضاعتك والبسك قضيه انك اتهجمت عليا في العياده وادغدغ العياده علي دماغ اهلك وادفعك تمن العياده وتجديدها اصلي نفسي اجدد العياده ومستني خروف اجددها علي حسابه

أستغفر الله هو شخصية سمجة ملهاش ملامح ودايما بيجيب حد معاه يتكلم ولو اتكلم هو بيعك وخلاص
وبخصوص أخده على حجرى وأهدده بالهدوء لو التهديد مش حقيقى أبقى بخاطر مخاطرة رهيبة .. ما هو إما أنا فعلا أقدر أعمل اللى بهدد بيه أو أسكت

المشاركة الأصلية كتبت بواسطة نور القمر

حاول توسط جيران اولاد حلال عشان يخرج بالجسنى لو كان عقده لسه قدامه مدة طويلة
تابع البلاغ اللي قدمته ولح عليه

هتابع البلاغ إن شاء الله لكى متأكد 100% إنه هيعمل فيا بلاغات هو كمان وهمية طبعا فقط بغرض الرد
أما الوساطة فكل اللى هو بيخليهم يكلمونى بقول لهم لازم يمشى وليه تأمينه

**nabaster** · 09-05-2011 03:44 PM

المشكله يا دكتور ان عقد الايجار ساري

والعقد شريعة المتعاقدين

A.Yakout

**أبو عبدالله** · 09-05-2011 03:53 PM

المشاركة الأصلية كتبت بواسطة nabaster

المشكله يا دكتور ان عقد الايجار ساري

والعقد شريعة المتعاقدين

a.yakout

كلامك مظبوط
ولكن العقد فيه بنود ولو تم الأخلال بها يعتبر العقد مفسوخ تلقائي

===========
دكتور احمد لو هو اخل بالبنود وفيه بند ان العقد يبقى مفسوخ تلقائي
يبقى حضرتك هتفك الأقفال وتحط اقفال من عندك وخلاص وتسومه على حاجته انه يدفع اللي عليه وياخد حاجته
ده بناء على ما مكتوب في العقد
يعني قانوني

**Dr Ahmed** · 09-05-2011 04:05 PM

المشاركة الأصلية كتبت بواسطة أبو عبدالله

كلامك مظبوط
ولكن العقد فيه بنود ولو تم الأخلال بها يعتبر العقد مفسوخ تلقائي

===========
دكتور احمد لو هو اخل بالبنود وفيه بند ان العقد يبقى مفسوخ تلقائي
يبقى حضرتك هتفك الأقفال وتحط اقفال من عندك وخلاص وتسومه على حاجته انه يدفع اللي عليه وياخد حاجته
ده بناء على ما مكتوب في العقد
يعني قانوني

العقد لم يسجله فى الشهر العقارى "إثيات تاريخ"
لكن البنود لم تختل والإيجار مدفوع بالفعل ولن يعجزه دفع الممتبقى فى آخر وقت مسموح بيه ففسخ العقد قانونا أظنه شبه مستحيل
أما لو قفلت المحل فيقدر يقدم بلاغ ضدى وتبقى قضية

المسكلة حاليا مش فى الإيجار خالص ولا فى الفلوس .. المشكلة أنه اتضح إنه وعائلته أشخاص شبه بلطجية وبدأوا يتعرضوا لى ولعائلتى بالسوء والتهديد بما لا يدع مجال لوجودهم فى عمارتنا

**nevozaky** · 09-05-2011 04:16 PM

المشاركة الأصلية كتبت بواسطة dr ahmed

أنا بدور على حلول قانونية قبل الغير قانونية
محدش خد باله إن المحل مش مترخص وبدون عداد ماء وإن اللى شغال فيه موظف؟

بص حضرتك لفت نظرى للنقطة دى فعلا .الجزء بتاع عداد المياه ده مش مهم اوى لانه ممكن يعمل عداد مياه وخلاص .لكن النقطة الاهم عدم وجود ترخيص ودى اهم وتقدر تضايقه من الناحية دى .
وطبعا كونه موظف المفروض عدم الجمع بين وظيفتين بس فى موظفين كتير بيشتغلوا اكتر من وظيفة على اساس صعوبة المعيشة .ممكن بردو تضايقوا بيها .
بس بما اننا بنتكلم فى حل سريع يبقى جزء عدم وجود ترخيص ده اللى يقفل له المحل ويعمل له مشاكل كتير .
تانى حاجة ممكن تهدده انك تبلغ عنه الضرائب وهما ما هيصدقوا وهوه اصلا ممعندوش ترخيص يبقى متهرب من كل حاجة والضرائب متعرفش عنه حاجة .وطبعا ده على حسب نشاط المحل عنده .
المهم الضرائب فعلا هما اللى هيتعيوه جامد .
يا رب تخرج من الموضوع على خير ان شاء الله تقيل تحياتى

**nevozaky** · 09-05-2011 05:24 PM

المشاركة الأصلية كتبت بواسطة dr ahmed

أنا بدور على حلول قانونية قبل الغير قانونية
محدش خد باله إن المحل مش مترخص وبدون عداد ماء وإن اللى شغال فيه موظف؟

بس انا خدت بالى يا دكتور ان العقد باسم زوجته .يبقى مفيش مشكلة عنده .هوه كده ماْمن نفسه كويس
يبقى زى ما قلت لحضرتك فى المشاركة السابقة ان يبقى عنده مشكلة الترخيص اللى بيها ممكن تقفل له المحل .
وانك تبلغ عنه الضرائب زى ما قلت لحضرتك او تهدده بالتبليغ .والافضل انك تبلغ عنه فعلا .

**SHNORY** · 09-05-2011 05:33 PM

المشاركة الأصلية كتبت بواسطة nevozaky

بس انا خدت بالى يا دكتور ان العقد باسم زوجته .يبقى مفيش مشكلة عنده .هوه كده ماْمن نفسه كويس
يبقى زى ما قلت لحضرتك فى المشاركة السابقة ان يبقى عنده مشكلة الترخيص اللى بيها ممكن تقفل له المحل .
وانك تبلغ عنه الضرائب زى ما قلت لحضرتك او تهدده بالتبليغ .والافضل انك تبلغ عنه فعلا .

هو لسه بقاله 4 شهور بس
فبيتهيالي ان تبليغ الضرايب حيكون حل غير مؤثر
لان المشاريع دي تقريبا ليها اعفاء ضريبي لمده 5 سنين
كمان حيتهرب من ايه في 4 شهور ؟
واصلا الاقرار بيتقدم بعد سنه
فالتهديد مش حيكون في صالح دكتور احمد في الحاله دي وحتبقي خطوه او كارت محروق وحينم عن ان الدكتور مش عارف يتصرف مع الراجل تصرف حازم

**nevozaky** · 09-05-2011 05:55 PM

المشاركة الأصلية كتبت بواسطة shnory

هو لسه بقاله 4 شهور بس
فبيتهيالي ان تبليغ الضرايب حيكون حل غير مؤثر
لان المشاريع دي تقريبا ليها اعفاء ضريبي لمده 5 سنين
كمان حيتهرب من ايه في 4 شهور ؟
واصلا الاقرار بيتقدم بعد سنه
فالتهديد مش حيكون في صالح دكتور احمد في الحاله دي وحتبقي خطوه او كارت محروق وحينم عن ان الدكتور مش عارف يتصرف مع الراجل تصرف حازم

بص يا استاذ محمد .اولا انا مش عارفة النشاط بتاع الراجل ايه
ثانيا مين قال انه فى اعفاءات .مفيش الا اعفاءات لو هتعمل مشروع فى مدينة من المدن الجديدة لتشجيع الناس على اقامة المشاريع والعمران فى هذه المدن .
حتى القانون الجديد للضرائب لم يشير الى هذا الموضوع عن اى اعفاءات غير اللى قلت لحضرتك عليها .
ثانيا عند بداية اى نشاط تجارى لازم يروح ويفتح ملف ضريبى حتى فى الاول انا مش باقول على الاقرار
انا باقول على الملف الضريبى لبداية مزاولة النشاط علشان كده ممكن يهدده من الناحية دى .فمش هتفرق العقد بقى له 4 شهور ولا شهر واحد
وبما انه معهوش ترخيص يبقى اكيد لم يقم بفتح اى ملف ضريبى .
وصدقنى والله اول ما هيجيب له سيرة الضرائب هيقلق .وكمان علشان هوه ماشى غلط هيقلق اكتر
وربنا يسهل وتجيب نتيجة

-

-

الموضوع: المشورة فى التعامل مع شخص سئ

LinkBack

أدوات الموضوع

عرض

-

-

-

-

-

-

-

-

المواضيع المتشابهه

أسألكم المشورة يا أهل المشورة

المشورة في سعر هوندا 98 lxi

مطلوب المشورة

اريد المشورة

المشورة يا بروتونيون

الكلمات الدلالية لهذا الموضوع

المفضلات

المفضلات

ضوابط المشاركة