الموضوع: برامج مصر الحواريه- جهل وعنطظه وتخلف

شاهدت اليوم حلقة برنامج صباح دريم وفوجئت ان المذيعه المتنشنه على طول والاخ المحترم مدير تحرير الوفد- والمفترض ان صناعة الاتنين الاعلام- ان حضرته وحضرتها مش عارفين حاجه عن مليونيه 15 مايو- هى تقول له هو فى ايه فى 15 مايو وهو يقول لها انا اللى اعرفه انه كانت ثورة التصحيح - ؟؟؟؟

يعنى جنابه وجنابها ما هانش عليهم- رغم ان امامها جهاز مفروض انه متصل بالنت كان ممكن تضرب عليه بدل ما تتريق - لان المليونيه مدعو اليها من تيار دينى اسلامى- مما يسبب لها حساسيه دائما

المليونيه = داعى اليها شباب من شباب الثوره لمناصره شعب فلسطسن يوم 15 مايو - ذكرى النكبه - واسرائيل كلها قلقانه وواضح ان صوابعهم مش بعيد عن اللى بيجرى فى مصر لان الكلب بتاعهم - مدير المخابرات السابق لما اتسال عن مواقف مصر الجديده المتشدده - والكلام ده كان من يومين - رد وهو بيضحك نحن نشكر الفتنه الطائفيه فى مصر

المصيبه ان برامج الحوار فى التليفزيون المصرى الرسمى او الخاص يمكن فيما عدا يسرى فوده- رغم تحفظى عليه- - هو هو بغبائهم وجهلهم وضيوفهم اللى بيتنقلوا من استوديو لا ستوديو - الواحد قرف بصراحه- اللى باتابعه بصراحه ويعنى اهو شويه - ال بب سى العربيه والجزيره مباشر مصر- تحس انهم متابعين بجد ومش نايمين فى العسل

والله الشعب يريد تطهير الاعلام