الموضوع: الموضوع الرسمى لقبول ترشيحات الاعضاء على منصب منسق القسم

اولا يا ميدو موضوع 12 ده صعب لان مش كل الناس بتخش كل يوم و فى ناس مش هتعرف تقول رايها فهيبقى ظلم

ثانيا موضوع ان حد يرشح نفسه ده انا شايفه صعب و الاحسن كل عضو يكتب خمس اعضاء مثلا هو شايف انهم انسب ناس
و بعد كدة يتقفل الموضوع ده و يتعمل استطلاع بدون ردود لمدة معينة فى موضوع استطلاع و اعلى اتنين يبقى الاول منسق المنتدى و التانى نائب ليه عشان لو الاول حصله حاجة او اتشغل او كان فى وقت معين مش موجود او قرر يمشى فجأة لا قدر الله يكون نائبه موجود حتى لو مؤقتا
و رايى يكون الاستطلاع مفتوح و متعدد الاختيارات عشان كل واحد يختار اكتر من اسم
و شوف راى الاعضاء برضه :)

خطوة كويسة يأحمد تسلم إيدك على الموضوع
بس ليا شويا ملاحظات بعد إذنك
- الوقت المسموح للترشح يبقى أسبوع مثلاً وده بعد تثبيت الموضوع بعد إذن الإدارة طبعاً (علشان كل اللى يفتح المنتدى يشوفه) أو ممكن يتعمل إعلان عند دخول المنتدى المهم يتنشر كويس بأى طريقة إدارة المنتدى تشوفها مناسبة.

- حق التصويت لازم يكون بشروط علشان منلاقيش عضويات وهمية فى الموضوع والكلام الفاضى ده.
علشان تبقى إنتخابات نزيهة

- وبيتهيألى لازم نعرف من المنتدى ما هى مهام منسق القسم. علشان اللى يرشح نفسه يبفى فاهم ماله وما عليه.

والله الموفق

المشاركة الأصلية كتبت بواسطة tarek gen 2

اولا يا ميدو موضوع 12 ده صعب لان مش كل الناس بتخش كل يوم و فى ناس مش هتعرف تقول رايها فهيبقى ظلم

مفيش مشكلة نخلية لمدة اسبوع مش مشكلة خالص دة مجرد رائى ولا يعتد بية غلى الاطلاق

ثانيا موضوع ان حد يرشح نفسه ده انا شايفه صعب و الاحسن كل عضو يكتب خمس اعضاء مثلا هو شايف انهم انسب ناس

اهو دة انا مش مقتنع بية خالص بصراحة ولية مترشحش نفسك هوة اللى بينزل انتخابات بينزل بناء على طلب الناس ولا هوة بيرشح نفسة وبعد كدة يشوف راى الناس ؟؟

و بعد كدة يتقفل الموضوع ده و يتعمل استطلاع بدون ردود لمدة معينة فى موضوع استطلاع و اعلى اتنين يبقى الاول منسق المنتدى و التانى نائب ليه عشان لو الاول حصله حاجة او اتشغل او كان فى وقت معين مش موجود او قرر يمشى فجأة لا قدر الله يكون نائبه موجود حتى لو مؤقتا

زى الفل

و رايى يكون الاستطلاع مفتوح و متعدد الاختيارات عشان كل واحد يختار اكتر من اسم

ازاى كل واحد يختار اكتر من اسم ؟؟؟ امال فين الشفافية يعنى انا ادى صوتى عشر مرات لواحد ا لعشرة

و شوف راى الاعضاء برضه :)

مهو اكيد هوة دة اللى حيحسم انا عامل المووع علشان التعجيل ميبقاش الموضوع عايم كدة وخلاص

المشاركة الأصلية كتبت بواسطة mido_soliman

ازاى كل واحد يختار اكتر من اسم ؟؟؟ امال فين الشفافية يعنى انا ادى صوتى عشر مرات لواحد ا لعشرة

لالالالالالالالالالالالال الالا
هتدى صوتك مرة واحدة بس لكذا شخص
يعنى اقصد مثلا انك تدى صوتك لمحمد و احمد و ده بيبقى مرة واحدة مش 10 مرات انا قصدى على الاشخاص مش على الاصوات

و عموما اللى نتفق عليه نعمله

المشاركة الأصلية كتبت بواسطة mo.khalaf

خطوة كويسة يأحمد تسلم إيدك على الموضوع
بس ليا شويا ملاحظات بعد إذنك
- الوقت المسموح للترشح يبقى أسبوع مثلاً وده بعد تثبيت الموضوع بعد إذن الإدارة طبعاً (علشان كل اللى يفتح المنتدى يشوفه) أو ممكن يتعمل إعلان عند دخول المنتدى المهم يتنشر كويس بأى طريقة إدارة المنتدى تشوفها مناسبة.

- حق التصويت لازم يكون بشروط علشان منلاقيش عضويات وهمية فى الموضوع والكلام الفاضى ده.
علشان تبقى إنتخابات نزيهة
:oc_sun1[1]:
- وبيتهيألى لازم نعرف من المنتدى ما هى مهام منسق القسم. علشان اللى يرشح نفسه يبفى فاهم ماله وما عليه.

والله الموفق

ولو حد مش على هوانا كسب يبقى فلول الحزب الوطنى :))