رجاء عمل موضوع للمبتدئيين مثلي يشارك فيه محترفيين القيادة بالنصائح للسير علي الطرق السريعة والجولية ويكون بالتفصيل لكي نستفيد منكم وارجو اخذ طريق كورنيش الاسكندرية ضمن الشرح حيث انه يسمي طريق الموت
عرض للطباعة
رجاء عمل موضوع للمبتدئيين مثلي يشارك فيه محترفيين القيادة بالنصائح للسير علي الطرق السريعة والجولية ويكون بالتفصيل لكي نستفيد منكم وارجو اخذ طريق كورنيش الاسكندرية ضمن الشرح حيث انه يسمي طريق الموت
ايه مفيش حد محترف قيادة كلو في التراوة؟
التزم بحارتك .. استخدم اشاراتك .. خليك عاقل فى سرعتك
لاتتدني بقيادتك إلي الملل ... ولا ترتقي بها إلي التهور...
بالليل دايما تاخد بالك من الخط الابيض على الارض خصوصا لو نور العربية مش اد كدة
حط نفسك مكان الاخرين بحيث لا يصدر عنك تصرف ينتقد اثناء قيادتك او ركنك لسيارتك وذلك بالاضافة الي انتباهك لاخطاء الاخرين ومثلث الطريق- يجب مراعاة حالته ولا تعتمد بصورة مطلقة علي امكانيات سيارتك الحديثة- السائق -اللي هو انت -والسيارة -يجب ان تكون صالحة للسير وفي حالة جيدة -ومراعاة المشاة لانك في وقت من الاوقات بتكون منهم برضه والسيارة وسيلة مريحة للتنقل من مكان لاخر المفروض بامان لانها ممكن ان تؤذيك او تؤذي غيرك اذا اسأت استعمالها والاذية قد تصل الي حد العجز او الموت والعياذ بالله من كل شر وأذي والله نسأل السلامة
التزم بحارتك مش ندنينا نتنطط بين الحارات على الفاضى والماليان او العربيه تسرح منك .
التزم بأستخدام الاشارات وادوات التنبيه ( الكلاكس والنور )
ف الطرق السريعه ياريت متمشيش على سرعه واطيه او خد يمينك وامشى زى ما انت عاوز مش تمشى ف نص الشارع وتسد الدنيا وتقول انا ماشى براحتى .
تجنب انك تاخد قرار مفااجأ مره واحده وعينك دايما على المرايات اليمين والشمال ومراية الصالون ( اوعى تحدف مره واحده على اللى جانبك )
بالليل وانت ماشى الضالمه متشغلش النور على العالى اوى علشان اللى قدامك لو مفيش حد افتح ياعم براحتك .
بس دا اللى جيه على بالى ناو وربنا يكتب لينا الامانه دائما يارب ان شاء الله
آه حاجة كمان دايما اعمل حساب غيرك انك تسيب له منفذ يعدي منه اذا ممكن من غير ما تطمعه بانه يتحشر و يشيل لك جنب مثلا او تقفلها اذا كنت مجبر علي كدة بما يحقق السلامة لكلا الطرفين
بسم الله الرحمن الرحيم:-
انا هشارك بمشاركة أتمنى تكون مفيدة للجميع:-
قبل ما تشغل العربية اتعود انك تربط الحزام حتى لو هتطلع بالعربية منلا جراج وهتنزل تاني ولكن خليها عادة عشان متنساهاش ابدا
استخدم اشاراتك دايما قبل تغيير الحارة الخاصة بيك
اهتم بالغير لأن دا من أصول اهتمامك بالقيادة
انت متحكم مش في عربيتك بس ولكن انت متحكم في سبع سيارات خلينا نعدم مع بعض:-
عربيتك ادي واحد و3 عربيات وراك بصورة افقية وعربيتين جنبيك اليمين والشمال والعربية اللي قدامك كمان
لغة الاشارات لغة مهمة جدا مع كل دول:-
لو انت ماشي على طريق فردي رايح جاي واللي وراك عايز يعدي بس انت شايف انه مش هينفع يعدي بكل هدوء اديله اشارة شمال هتلاقيه هينتظر ومش هيعدي ولو هينفع انه يعدي اديله اشارة يمين وافتح ليه الطريق وزي ما هتعمل هتلاقي اللي هيعمل معاك وغيره طبعا
لنفترض انك على طريق سريع:-
التزم بحارتك المرورية
بلاش تضرب غرز لأنك مش محترف كفاية عشان تاخدها بالشوكة والسكينة واحتمال الخطأ وارد سواء منك او من العربية او احتمال ان يحصل اي شيء غير متوقع زي ان عجلة تضرب او اي حاجة
لو انت مقبل على يو تيرن يبقا ابعد عن الجهة اللي العربيات هتطلع منها يبقا تاخد يمينك ودا طبيعي جدا
نفترض انك مقبل على نزلة من الطريق او طلعه ابعد برده عن النزلة عشان تفتح الرطيق للعربيات اللي نازلة انها تنزل من على الطريق
ولو طلعه ابعد عن الطلعة وخد شمالك عشان تضمن انك في امان وانك مش هتتفاجئ بعربية طالعة بسرعتها لأنه طالع مطلع وهو مش غلطان رغم ان الاولوية ليك
دائما وابدا متخليش نظرتك للطريق مقتصرة على العربية اللي قدامك لا ابدا
بص لما بعد اللي قدامك وادي مساحة للتصرف
لو عربية على يمينك وانت الطريق قدامك يخليك تتوقع انه هيرمي شمال شوية يبقا متكبسش عليه واديله فرصة يرمي شمال وهيعدل نفسه وتقدر تعدي منه طبعا
الطريق ساحة للوصول وليس ساحة للسباق -نصيحة ليا وليكم جميعا رغم اني مبقدرش اعملها دايما- متتفرعنش بامكانيات عربيتك وخلي دايما في دماغك ان فيه عربية احسن من عربيتك دايما وهتعمل فيك اللي بتعمله في غيرك
حافظ على مسافة بينك وبين اللي قدامك تتناسب مع امكانيات عربيتك في الفرامل يعني اعرف امكانيات عربيتك في الفرامل وتعامل مع اللي قدامك على الاساس دا وطبعا متلزقش فيه عشان دا قمة الخطر لو هو فرمل مفاجيء
عود نفسك انك تستعمل الفرامل دون دبرياج عشان تستفيد من الفرملة الاوتوماتيكية للموتور
اعتقد دي اهم الحجات اللي في دماغي دلوقتي ويارب اكون افدتك وافدت الجميع ومنتظر معاكم توجيهات اضافية انا مكتبتهاش وربنا يحمينا جميعا من شر الطريق وشر الناس المتهورة
بجد مشاركات ممتعة ونرجو من الاخوة الماتبعة موضوع كورنيش الاسكندرية دا بجد عاملي قلق طلعت عليه بجد طريق الموت محدش عارف ليه حل ؟جربت من يوم وطلعت علي الكورنيش بجد حاجة وحشة قوي الناس طايرة وبتعدي من اي حته مشيت مين بس مش يمين قوي لقيت الناس بتعديني من اليمين جنب الرصيف رغم ان المسافة ضيقة وانا راجع رايح المنتزة مشيت شمال جنب الجزيرة بس اليوترنات مقرفة ولو سرحت تدخل في الرصيف وجربن النص زفت مش عارف والله اعمل ايه شوفولي حل وجربت امشي من جوة شارع ابقير زحمة مووووووت
كلمة قالها لي أخي الأكبر زمان من حوالي 15 سنة وهو يعلمني القيادة:
تعامل كأنك أنت الوحيد الذي يعرف القيادة والباقون لايعرفون!!!
بمعنى أنك لاتنتظر من الأخر أن يتصرف التصرف الصحيح في الموقف الصحيح.
يعني كمثال بسيط جدا لاتعتمد أن السيارة التي أمامك ستعطيك إشارة بمسافة كافية أو غير كافية قبل أن تدخل إلى شارع جانبي يمين أو شمال. إصنع أنت لنفسك هذه المسافة.
الفرق كبير بين معرفة كيفية تحريك السيارة (بنزين, دبرياج, فرامل, نقلات الفتيس...إلخ) وبين قيادة السيارة في تناغم وسلام مع الأخرين.
الأخوة الأعضاء اعطوا من النصائح كثير وانا اعطى بعض هذه النصائح ، لى أولاً ثم لك
بما انك مبتدئ اهم حاجة جمد قلبك وانت على الطريق ولا ترتبك ممن حولك أو كلاكس من خلفك فلا تفسح له الطريق فجأة دون أن تؤمن نفسك واستخدم اشاراتك ولا تكسر أو تفرمل فجأة واترك مسافة كافية بينك وبين من أمامك ، والتزم حارتك ولا تمشى في وسط الطريق ، وطبعاً لا تسرع وتفرح بنفسك وبمهارتك ولا تبطئ كالسلحفاة لأنه في الحالتين السرعة والبطئ خطر واجعل عقلك يقظاً دااااااائماً ولا تنشغل بالمحمول أو بالبحث عن اى شخص تعرفة ليراك وانت تقود ... اجعل جميع حواسك منتبهة وركز في الطريق .
وربنا يسترها معانا ومعاك
أهم حاجة في طريق الكورنيش هوه المرونة في السواقة .. يعني محتاجة تكوني مقدرة تماما للمسافي على يمينك وعلى شمالك ..
ولو انتي واخدة الحارة الشمال وصادفك الناس الي بترخم وبتمشي بطيئ بكل هدوء وبدون عصبية ادي اشاره يمين وتخطيه بس لازم يكوني عندك احساس بسرعة العربيات الي وراكي لو عربية فعلا بتتخطى سرعتك علشان ماتقفشوش على بعض وتتلخمي ... وكمان لو انتي مش تمام لسه في تقدير المسافات الجانبية وماعندكيش المرونة العالية في التعامل مع الطريق ما انصحكيش تمشي كتير في الحارة الوسطى في المناطق الي السكة بتفتح فيها وبتجري وكمان ما تزنقيش نفسك قوى مع العربيات على الحارة اليمنى الي بيوقف فيها المشاريع كتير مش بس علشان بيفرملوا بسرعة قوي بس كمان علشان بيطلعوا بسرعة قوي وكمان احيانا لما بيوقفوا بيرموا بوز العربية لبرة الطريق لو ماخدتيش بالك منهم ........ و ماتقلقيش منهم في نص الطريق لإنهم بياخدوا بالهم الى حد ما .... وماتقلقيش من المتهورين الي بيفضلوا يضربوا نور عالي وعاوزين يجرو بسرعة سيبيلهم الحارة يمشوا وريحي دماغك وكمان ماتخليش أهمية انك تعديهم وتخلصي من وجع الدماغ يبقى أهم من انك تبقي واخده بالك من الحارة الي على يمينك لو هتاخدي يمينك وتعديهم ودائما استخدمي الإشارات و التنبيه بالكالاكس بس بدون استخدام التنبيهات الطويلة المزعجة يكفي تكة او تكتين على الكالاكس لعدم الإزعاج والإرباك للآخرين و ربنا يكفينا جميعا شر الطريق
ابعدى تماما عن المحمول وخلى بالك دايما من اللى حواليك مش بس تكونى خايفه على عربيتك
وخصوصا المتوسيكلات لانهم معظم الناس بتبص بس على العربيات ومدام مش شايف عربيه جية يكسر من غير اشارة والمتوسيكل مش بيكون واضح فى المرايه اعملى حساب ده
وخصوصا انه اخطر لان لو خبطى عربيه الخسائر ماليه فقط انما لو واحد بموتوسيكل ممكن تكون فادحة
خلى بالك من اخطاء الاخرين
وربنا يعين الجميع