على ما اعتقد ان العيب دا فى اى عربيه مش الالنترا بس والله اعلم بس اهم حاجه ان فى الطبيعى ان فراملها كويسه انا كدا صح ولا غلط اصلى مش كل يوم هكلبش فرامل يعنى ولا انت ايه رايك
انا عندى الاتنين و الاتنين مفهومش abs
الصنى احسن لما بتكبس عليها ماسكة نفسها و تقيله عن الالنترا . الصنى بتتزحلق بردو بس مش زى الالنترا
لكن السواقه العاديه و الفرمله العاديه الاتنين مفيش فرق الاانترا يمكن احسن و اريح
بس مجرد ما بتكبس او تتزنق بتتزحلق جامد خصوصا اما تبقى ماشى بسرعه (بتعملها معايا كتير بس ممكن تكون من الكوتش عشان مظلمش العربيه),, بس هى تعامل مع الفرامل مع التعود بتعرف تكبس من غير زحلقه بردو فرق صغير كلو بيتزحلق مع اى حبت تراب مش بينين.. مش فرق عظيم يعنى فرق بسيط اوى .. ما يعبش العربيه يعنى فراملها يعنى هى مش جامده بس كويسه و مش سيئه
ممكن تقول اصلن ان كل الفرامل فى مصر مبتسعفش اصلا لان الارض وحشه و لو عايز تقارن قارن ب مرسيدس او بى ام لكن الانسر و الالنترا و الصنى و الاوبترا و كل الكلام دا زى بضعضو يمكن الاي بى اس بيحسنو شويا لكن مش فروق تميز بين عربيتين
في الالطبيعي حلوه جدا
لكن في المفاجئ بتروح ورا الشمس من الزحف
+111
هو فعلا الabs
بيخلي العربيه مظبوطه شويه
وعلي فكره مشكله الزحف مش كاوتش
علشان صاحبي مغير 4 فرد كاوتش ولسه بتزحف
وهي دي مشكله الكوري عموما الزحف علي الارض
يعني في اللانوس عندي لما بتزحف بتروح النار
الالنترا انعم بكتير من الصنى فى الاستخدام اليومى
و الصالون اوسع من الصنى بكتير خصوصا ورا
كراسى الصنى ال 2007 انعم و اريح من الالنترا بس اصغر بس الاتنين مريحين اصلا
العفشه انعم من الصنى بكتير و العزل فرق رهيب و صوت المتور فرق كبير بردو
قطع الغيار ارخص من الصنى . الصيانه العاديه ,, زى اى هيوندى رخيصة اما الاكسوارات و مش رخيصه اوى بس ارخص من اليابنى بس كده كده اى حاجه برا التوكيل رخيصه
العزم احسن بكتير من الصنى و الثبات زى بعض
السعر مفيدكش اوى بس 75 ممكن اول فئه اوتوماتيك 2007
و لو 2008 ممكن تزود الفين تلاته و الله اعلم
و خليك فى المصرى التوكيل و ابعد عن العربيات الخليجى
و عليكم السلام و رحمة الله
أولا الفئات: الإلنترا فيها أكتر من 10 فئات غير الخليجي منها
و التفرقه بينهم أن المانيوال فيه 3 فئات و أحنا ملناش دعوه بيه لأن حضرتك ناوي تجيب أوتوماتيك
يبقي الأوتوماتيك فيه
أول فئه أوتوماتيك جميع الكماليات و دي فيها الكماليات العاديه زجاج باور سنتر تكييف كاسيت سي دي
تاني فئه تزود فتحة السقف
التالته جنوط و فوج لايت
gls الهاي لاين تكييف تاتش و أير باجز و abs
و فيه فئه فيها فرش جلد
شوف حضرتك راصد للعربيه مبلغ أد أيه و علي أساسه تجيب العربيه
و نصيحه لوجه الله متجبش العربيه دي إلا فول أوبشن تكييف تاتش لأني لامعايا أول فئه أوتو و لما بركب الفول أوبشن بحس بفرق السما من الأرض
من ناحية الصالون فهو واسع بطريقه مبالغ فيها جدا و لو حد قصير أو مش متمكن سواقه هايحس أنه تايه في العربيه و يمكن يكرها من كتر الوسع و أنه غطسان فيها
قطع الغيار رخيصه نسبيا بالنسبه لباقي العربيات في فئتها و القطع الأصليه موجوده في كل مكان و موجود تايواني و صيني و ليها حاجات صناعه أتحاد أوروبي
بالنسبه للثبات العربيه راسيه جدا و ماسكه نفسها مقارنة بمعظم الكوري و بعض الياباني
أما الفرامل أنا شايف أنها جيده و قويه و سريعة الأستجابه و ممكن حضرتك أول مره تركبها تلاحظ أنها بتكلبش العربيه من أقل لمسه علي السرعات القليله و بتحجم العربيه جامد في السرعات العاليه
ال 75 ألف يجيبوا أوتوماتيك نضيفه تكييف بكر من غير فتحه أو جنوط أو فوج
لو تزود شويه و تسمع كلامي و تجيب الهاي لاين تكييف تاتش و فرش جلد عمرك ما هاتفكر تبعها و هاتدعيلي
و ركز و حضرتك بتشتري علي عربيه تكون 2009 أو 2008 يكون الضمان شغال و لو لشهرين حتي علشان تبقي في الأمان
و ركز في عربيه كيلو متر أقل من 50000
و أكشف عليها في التوكيل الكشف شامل ب180 جنيه لسه سائل عليه هناك
ربنا يوفقك
بصراحه مش عارف اقولكم ايه بعد الكلام ال بصراحه ريحنى جدا من ناحيه العربيه دى وربنا يسهل واقدر اقع على عربيه نظيفه منها ان شاء الله