الموضوع: غيرت الكوبلن وبرضه فى صوت طقطقه

المشاركة الأصلية كتبت بواسطة ahmedhawas

صوت طقطقة في الطوالي يبأى كبالن داخلية
وطالما غيرت يمين داخلي ، يبأى شمال داخلي مشكوك فيها !!
بسأهم شيء قطع الغيار النضيفة عشان الكبالن المفروض انها من الحاجات المعمرة- عشان تغيرها مرة واحدة وتنساها يا معلم
هو ابو العنين بتاع الكبالن الى فى الحرفين حاجته مضمونة -يعني جديدة ولا استيراد (اعذرني أنا مسمعتش عنه قبل كده)

وبالمرة صحيح وانت طالع بالعربية عالأول مبتسمعش صوت احتكاك معدني ؟؟

لا ده كله استيراد ومدينى ضمان 10 ايام تجربه ويوم الجمعه ان شاء الله هنزله الحرفين ومفيش صوت احتكاك خالص وانا طالع نهائى الصوت كله بيكن بعد 60 وطقطقه والنهارده ركزت قوى وعملت دواير بالعربيه فى كارفور لقيت صوت طقطقه واطى لما اكسر شمال اليمين مفيش صوت وطبعا الصوت فى الطوالى شغال

المشاركة الأصلية كتبت بواسطة semsem kane

هيثم باشا اية الاخبار
انت دلوقتى هطلع العمود برة وتكشف على الاتنين وشوف الدنيا عندك فيها اية

عموما الكوبلن الداخلى بيعمل طقطقة ساعة التحرك وبعد كدة صوت الطقطقة بيروح وبيجى مكانة صوت خشونة

اما بالنسبة للكوبلن الخارجى فممكن فبيعمل طقطقة سواء ماشى او بتكسر وخلى بالك لو عمل طقطقة وانت ماشى اعرف كدة ان البلى بتاعة خالص بوش جامد ولازم يتغير فى اقرب فرصة

لو الجنب القديم الكوبلن بتاعة كويس ركبة فية

بخير يا سموح الحمد لله بس موضوع الكوبلن ده معكننى قى غيرته 3 مرات شكلى هجيب جديد بقه رغم انى عاوز الاصلى

صوت الطقطقه موجود بس فى الطوالى مفيش صوت عند التحرك زى الاول قبل ما اغيره بس والله يا سامح الكوبلن فعلا حالته كانت شكلها ممتازه ومنير اكد كده بس هو غلببه وهو بيركبه خصوصا الداخلى كانت البليه كل شويه تملص لحد ما سقطها فى الفتيس ممكن تكون السبب ؟ والخارجى حركه يمين وشمال زى الفل

ايه رايك يا سامح اجيب جديد وخلاص اجب راس جديد انا معرفش كويس ولا وحش وانواعه ايه ولا ادعبس تانى فى الحرفين ؟

المشاركة الأصلية كتبت بواسطة khaledfox

عايز نصحتى بس حاجه مجنونه
ارفع العربيه وانزل تحتها و شوف ناحيه الطنبوره اللى انت بتسمع من ناحيتها الصوت (انا عارف ان ممكن تقول ان المشكله مالهاش دعوه بالطنابير) بس خليك معايا نفرض ان الصوت بيجى من ناحيه اليمين ---- حتلاقى صاجه راكبه كنوع من انواع الحمايه لحجز او تغطيه اجزاء من ميكانيكا الفرامل و عدم تعرضها لالتربه قدر الامكان (فيه عربيات مفيهاش الصاجه دى) حاول تحركها حتلاقيها سهله الحركه و انها تخبط فى الاجزاء اللى هيا بتحميها و تعمل صوت يشبه الطقطه حاول ترجعها الى وضع صحيح لو هى اللى بتعمل الصوت ده
ارجوا انى اكون افادتك وان شاء الله تكون حاجه بسيطه لان الصوت ساعات بيخدع اوى

والله يا خلود عاوز اعمل كده فعلا مش هنخسر حاجه انا كده كده عاوز اظبط زوايا هنزل تحتها واشوف يارب يطلع منها واخلص