صوت كركره وبتاكل بنزين

**sando_star109** · 10-05-2011 03:31 AM

اولا السلام عليكم
انا معايا سيراتو2011 sx خليجى سورى عامله 3000 كيلو تقريبا بسمع صوت كركره زى ما يكون الكهربه بتاعتها عاليه بس سالت كهربائى قالى دى نظام حساسات ومش عارف دا ايه بالظبط الحاجه التانيه ان العربيه الاول كنت لما افول بنزين كان العداد اللى بيقول ان البنزين اللى معايا يكفينى كام كيلو يقول 530 كيلو بعد شويه لما فولت كذا مره لقيت العداد مره واحده قالى ان البنزين اللى معايا يكفينى 470 كيلو النهارده فاولت على الاخر وانا اللى مفول بايدى لقيت العداد كتب 440 كيلو انا مش فاهم دا ايه بظبط ارجو الرد والسلام عليكم ورحمه الله وبركاته

**subzero_freez** · 10-05-2011 10:42 AM

حسب طريقه القياده الكمبيوتر بتاع العربيه بيحسب البنزين هيقضيك اد ايه , القياده الهادئه اذن هيديك مسافه اكثر و العكس صحيح .. صوت الكركره معنديش عنوا فكره

**think_pad** · 10-05-2011 10:43 AM

وعليكم السلام ورحمة الله وبركاته

بص يا باشا مبدئيا ما تعملش حسابك على العداد الي بيكتبلك فاضل كام كيلو لأنو بيبقى مظبوط وبعد كده تفويله حتلاقيه وصل 330 كيلو
دا حصل عندي
إنت تعمل حسابك على المؤشر نفسو فول العربيه وإمشي بيها مشوار ورجع فول تاني وشوف خدت كام لتر في كام كيلو تعرف إستهلاكك بالظبط
وبالنسبه للعداد الي بيكتبلك فاضل كام كيلو حلو بسيط
إنك تشيل كابل البطاريه 5 دقايق وتركبه تاني حيرجع يظبط تاني وحيرجع يخرف تاني أنا كنت بعمل كده لحد ما زهقت من الحوار ده
ولو فعلا بتاكل بنزين يبقى تروح التوكيل أو تكنو ون يكشفو عليها بالكمبيوتر ولو مفيش حاجه يبقى العيب في البوجيهات بتبقى مقفوله حاجه بسيطه كده هما بيظبطوها وترجع العربيه زي الفل
أتمنى أكون أفدتك وأي إستفسار تاني إننت تأمر

**qau** · 10-05-2011 03:47 PM

المشاركة الأصلية كتبت بواسطة sando_star109

اولا السلام عليكم
انا معايا سيراتو2011 sx خليجى سورى عامله 3000 كيلو تقريبا بسمع صوت كركره زى ما يكون الكهربه بتاعتها عاليه بس سالت كهربائى قالى دى نظام حساسات ومش عارف دا ايه بالظبط الحاجه التانيه ان العربيه الاول كنت لما افول بنزين كان العداد اللى بيقول ان البنزين اللى معايا يكفينى كام كيلو يقول 530 كيلو بعد شويه لما فولت كذا مره لقيت العداد مره واحده قالى ان البنزين اللى معايا يكفينى 470 كيلو النهارده فاولت على الاخر وانا اللى مفول بايدى لقيت العداد كتب 440 كيلو انا مش فاهم دا ايه بظبط ارجو الرد والسلام عليكم ورحمه الله وبركاته

انا كمان عندي نفس المشكله بتاعت الكركره وروحت التوكيل وسالتهم قالولي عيب بنزين وحط 90 عشان مش مخلوط مع 80 طبعا انا مصدقتوش وروحت نضفت تانك البنزين بماده اشترتها من محطه البنزين امريكاني وبرده صوت الكركره موجود وبيبان في السرعات البطيءه بس مش عارف ده بنزين بقي ولا كهربا والواحد خايف عالمتور

**amr mokhtar** · 10-05-2011 04:35 PM

بص انا مريت بمشكلة مشابهة
صوت الكركرة ده بيبقى بنزين مش كويس
و فولت كذا مرة بعد كده لحد الموتور ما نضف نفسه
بالنسبة لإستهلاك البنزين ... العربية وصلت إنها كانت بتعمل فى التفويلة 380 كيلو
غيرت البنزينة ... مع العلم ان مفيش حد بيسوقها غيرى و مشاويرى مش بتتغير تقريبآ ... شوية فى وسط البلد و شوية على طرق سريعة
لقيت العريبة رجعت تانى تعمل فى التفويلة 460 كيلو و ده يعتبر كويس لعربية 1600 اوتوماتيك

جرب غير البنزينة و هات منظف البنزين و حطه بعد التفويلة

**qau** · 10-05-2011 04:39 PM

المشاركة الأصلية كتبت بواسطة amr mokhtar

بص انا مريت بمشكلة مشابهة
صوت الكركرة ده بيبقى بنزين مش كويس
و فولت كذا مرة بعد كده لحد الموتور ما نضف نفسه
بالنسبة لإستهلاك البنزين ... العربية وصلت إنها كانت بتعمل فى التفويلة 380 كيلو
غيرت البنزينة ... مع العلم ان مفيش حد بيسوقها غيرى و مشاويرى مش بتتغير تقريبآ ... شوية فى وسط البلد و شوية على طرق سريعة
لقيت العريبة رجعت تانى تعمل فى التفويلة 460 كيلو و ده يعتبر كويس لعربية 1600 اوتوماتيك

جرب غير البنزينة و هات منظف البنزين و حطه بعد التفويلة

طيب ممكن تقول ايه احسن ماده منظفه للبنزين

**DarkMagician** · 10-05-2011 06:05 PM

اول حاجة متخليش بتاع البنزينة يملالك البنزين للزور و جيب المنظف في منو نوعين واحد ب 70 وواحد ب 40 مش فاكر اساميهم حتلاقيهم في بنزينة امارات مصر اللي ب 70 لونو اسود والراجل نفسو حيقولك عليه كويس حتفضيه كلو في التنك وتخلص البنزين على الاخر ان شاء الله حتى لما العداد يوصل على الاخر وخايف تقطع منك بعيد عن البنزينة روح جنب البنزينة واقعد لف حواليها لغاية اخر ما تقدر وبعدين فول بنزين نضيف