الموضوع: انا بعت لأحتياجى لمال ومحتار أجيب ايه

السلام عليكم
للأسف بعت التويوتا ال MMT 2009 وانا مرغم وذلك لظروف والحمد لله مخسرتش كتير (بعتها ب114)
دلوقتى عندى مجموعة اختيارات ياريت تساعدونى فيها

انا كل اللى هيتبقى بعد مأخلص الفلوس اللى انا بعت علشانها حوالى 85 الف ومش عارف اجيب ايه
1- مستعمل فى الحدود دى وطبعا ممكن يكون كورى أو المانى موديل قديم امشى بيه حالى وبعدين اجيب زيرو بعد سنه واللا حاجه
2- واللا ادفع المبلغ ده كمقدم واجيب زيرو قسط علما بأن دخلى ممكن يتحمل حتى 3000 جنيه قسط
3- واللا استنى شهرين تلاته وأعلى بالمبلغ الى 115 الف واجيب مستعمل عالى .

المطلوب من السياره كالاتى:-

1- تكون عوامل الأمان بها متوفره مثل على الأقل 2 وساده هوائيه و فرامل abs وثبات عالى على الطرق السريعه
2- تكون سهله فى البيع والشراء لو مستعمل لأنى سوف احتفظ بها سنه واحده فقط واتحول للزيرو
3- يكون قطع فيارها سهل الحصول عليه من المحلات وليس التوكيل فقط ده لو مستعمل بس
4- تكون قويه وصاجها قوى لأنى متعقد من الصاج الضعيف
5- تكون عامله كيلو متر قليل (تحت ال60 ال كم) لو مستعمل لأنى مش فاضى للميكانيكيه
7- تكون موديل فوق سنة 2000 لو مستعمل المانى او امريكانى وتكون فوق 2006 لو غيرها
8- تكون مش واطيه على الأرض لأن فيه مطبات صناعيه عاليه بقابلها كتير فى سفرى
9- تكون أعطالها مش كتير لا تحتاج الى الذهاب الى التوكيل او الميكانيكيه كتير وده لأن وقتى لا يسمح
10- تكون واسعه من الداخل لأن معايا اسره من تلات أطفال وامهم
9- تكون فى حدود من 65 الف الى 85 الف لو مستعمل

ايه أفضل أختيار جديد ولا مستعمل؟ - ولو مستعمل ايه افضل ماركه تحقق لى المطلوب فوق ده و لو جديد يكون ايه؟

ممكن برضه مستعمل قسط على 3-6 شهور لو تمنه اعلى من 100 الف بس مش عارف منين؟

حد يشورنى ولا خاب من استشار - أقعدوا بالعافيه وشكرا