فلتر البنزين اتسد تماما روحت اشتري واحد جديد لقيته مبيتبعش لوحده لازم ااخد معاه الطلمبة والعوامه
السعر 1550 جنيه بس
ياريت لو حد يعرف مكان اشترى منه فلتر لوحده يقولي وتكون استفاده للجميع
وجزاكم الله خيرا
عرض للطباعة
فلتر البنزين اتسد تماما روحت اشتري واحد جديد لقيته مبيتبعش لوحده لازم ااخد معاه الطلمبة والعوامه
السعر 1550 جنيه بس
ياريت لو حد يعرف مكان اشترى منه فلتر لوحده يقولي وتكون استفاده للجميع
وجزاكم الله خيرا
هو بس في الاول حضرتك عرفت منين انه اتسد تماما دي علشان الفلتر دا مش بيتفك اللي لما الطرمبه تبوظ اصلا و فعلا بيتجابوا مع بعض
ارجوا التفسير للاهميه
هى عربية حضرتك موديل كام
الصنى فلتر البنزين بتاعها بيبقى مع العوامة ما بيتبعشى لوحدة زى العربيات التانية بس دة ما بيتسدش بسهولة اكيد حضرتك كنت بتستعمل بنزين 80 العربيات العادية فلتر البنزين بيبقى فى الماتور قدام وبيتباع لفوحدة فى حود 50 جنية او اكتر حسب نوع العربية
انا لسه سئلك فى التوكيل على امكانيه ان الفلتر يركب لوحده قالولى مينفعش لانه هو و طرمبه البنزين ركبين مع بعض وهو عملين 1700 ج بالمصنعيه من غير الضريبه
بس على فكره هو قالى انو من الصعب انه يتسد ممكن يكون عيب تانى وياريت تتاكد من الموضوع ده
وعلى فكره المهندس قالى انه ميحتجش تغير قبل 150000 كيلو
العربية كانت مبتسحبش اطلاقا روحت لواحد ميكانيكي وكشف علي العربية بالجهاز قاللي مفيش حاجة ظهرت علي الجهاز وقالي احتمال للفلتر يكون مسدود
فك الفلتر ونظفه بالهواء --عملية غسيل عكسي--والعربية مشيت تمام لمدة اسبوع
حصل معايا نفس الموضوع مرة تانية بس المره دي انا فكيته بنفسي وغسلته بالبنزين والهواء ومشيت العربية تمام لمدة اسبوعين
دلوقتي الموضوع اتكرر بشكل اكبر وعملت اختراع صغير للتاكد انه الفلتر هو اللي بايظ
لغيت الفلتر اساسا وخليت طرد الطلمبة مباشر والعربية بقت تمام
انا حاليا حاطط مؤقتا فلتر من ابو خمسة جنية علي طرد الطلمبة لحين شراء واحد جديد
امممممممممممممممممممممممم ممممممممم
كده الموضوع كبير بس اللي اخت بالي منه ان حضرتك من السويس ياكبير
عموما انا فاكر مره ان وانا واقف عن الشرقاوي بشتري فلتر التكييف كان في ميكانيكي فاكك فلتر بنزين و بيسال عليه عندهم قاله مش هاييجي قبل شهر و دا كان من سنتين فاكيد جهه
و بعدين كان في عضو عامل موضوع عن تغيير الفلتر و بيقول انه كان جابه ب 130 حاجه كده و غيره عن مركز صاينه جنبي هادور لحضرتك علي الموضوع بردوا و نشوف جابه من فين
الف شكر علي اهتمامك يا استاذ وليد
متابع معاكم
كده انت فاصل العوامة و معندكش قراية للتنك
ابقى خلى بالك
بس السعر اللى انت قلت عليه ده يبانى ولا صينى ولا تيلندى
العوامه شغالة و ملهاش علاقة لانها راكبه من بره الفلتر و الطلمبه
والسعر ده من التوكيل ياباني اصلي
السلام عليكم ...
يعني إيه حضرتك فلتر البنزين مش بيتغير لوحده ؟ مين اللي قال ل حضرتك الكلام الفاضي ده ؟
أنا مغايره قبل كده ,, w في التوكيل كمان .. وسعره تقريبا 110 أو حاجة كده .. مجرد 3 كليبس و بيتشال عادي جدا!
توكيل Modern Motors ...
بكرة أنا هجيب ل حضرتك صور للطرومبة كاملة والفلتر بيتشال منها إزاي ..
تحياتي
كريم فرحات
اطبع اللي في اللينك ده وروح بيه التوكيل ..
Nissan Maxima How-To's by housecor :: How to change fuel filter
بغض النظر إنها مكسيما .. نفس الطرومبة .. ودي حاجة أنا جربتها شخصيا يعني مش مجرد كلام ..
طبعا!!
الطرومبة ,مش بتتغير إلا لو ضغطها بقى قليل أو ضعيف .. أو حصل فيها عيب معيَّن.. أو عايز تعديل وتركب واحدة ضغطها اكبر ..
غير كده لأ..
ليه تدفع 1500 جنيه في حاجة سليمة!! الفلتر اخره 200 جنيه بمصنعية تركبه في التوكيل! وانا واللهِ مغايره قبل كده مرتين .. ومتغير أدامي في عربية ناس تانية كتير ,,
بس هما للاسف ياعم كريم مابقوش يغيروه بقي رخامه ممكن تعليمات جايالهم ايأ كان السبب انا سألت عليه مره في قطع الغيار و في الصيانه و كان نفس الرد و زي ماقولت قبل كده في كذا عضو غيره بره التوكيل عومما لو حد وصل لحاجه مع التوكيل ياريت يبلغ لاني اوشكت علي اني اغيره 135 الف اهو
هم فعلا مابيعملوش كده وانا بعمل صيانه ال 100 الف في السبع لقيت المهندس من نفسه كاتب تغيير طرمبه بنزين قولت انا معنديش مشكله في الطرمبه قالي بعد ال 100 الف لازم تتغير ولما سالتو ايه المقدمات قالي مفيش مقدمات هي كده بتيجي فجئه و بصراحه ما عجبنيش الكلام قولت لا مع اني بعدها حصل عندي مشكله ونظفت الحساس والبوابه اللي متصله بعمه الهواء والموضوع تمام .
ياريت حد يشفلنا موضوع الفلتر ده حرررررررررررررررررررررررا م ندفع كل ده والطرمبه ممكن تكون سليمه
اخوكم مصطفي
انا اتصلت بالسبع ومودرن موتورز ومحمد جابر و الشرقاوى
كلهم قالولي لازم تشتري الفلتر والطلمبة والعوامة مع بعض
هو انا كده اتدبست ولا ايه
عيب عليك ماعاش ولا كان اللي يدبسك
لما تنزل روح شارع دمشق لف عليه هتلاقيه في اتنين اعضاء غيروه في المنتدي بس الموضوعات بتاعتهم علي السيرفر القديمه و جابوه من شارع دمشق بس الكلام ده 2009 دا غير المركز اللي جنب البيت عندي اللي بيركبهم و في علي النت الفلتر لوحده اصلا لو زنقت الدنيا اوي يعني بس ان شاء الله هتلاقيه
و في عضو هنا في المنتدي اسمه احمد نوفل دا صاحب مركز العالميه لصيانة الياباني في الحرفيين دا لو روحتله هايجيبلك لبن العصفور او العصفور نفسه لو ليك مزاج
ان شاء الله انا هانزل يوم السبت شارع دمشق والحرفيين وهلف عليه وهابقي اقولكوا عملت ايه
موضوع جميل و متابع معاكم
مهو مش منطقى تغير الطلمبه لو شغالة !!
الموضوع ده مهم جدا ومشكور جهد كل الناس المشاركه فيه
انا عندى بعض الاسئله اللى ممكن تبقى مفيده
1- انت قلت انك فكيت الفلتر وحطيت مؤقتا فلتر من العادى بدل اللى كان موجود بعد ما فصلته -- ده معناه انه لو مانفعش تلاقى الفلتر لوحده ممكن نشوف فلتر من نوع جيد يركب بدل اللى انت مركبه مؤقتا ويؤدى نفس الوظيفه تماما -- وانا اعتقد انها مش حتفرق اى حاجه لو متركب الفلتر باحكام لان وظيفته هى حجز الشوائب فقط لاغير
2- لو تقدر تصور الفلتر الاصلى والطرمبه والفلتر المؤقت وطريقه التركيب يبقى افاده هايله للناس اللى هنا اللى اغلبهم حيتدبس فى 1700 جنيه اونطه بسبب التوكيل المستغل
3- هل حسيت باى مشكله وانت مركب الفلتر المؤقت فى السحب او الصوت او اى ملاحظه على الموتور -- لان ده ممكن يخلينا نلغى الفكره من اساسها وندفع الفلوس حافاظا على الموتور
انا باتمنى اننا نوصل لحل فى المواضيع اللى بيكون فيها استغلال وتعسف من التوكيل ونقول لهم على الحل فيبطلوا الحركات النص كم دى
شكرا لصاحب الموضوع وكل من شارك بالفكر او الرأى
السلام عليكم ..
أنا كنت في التوكيل النهاردة الصبح . فـبأتكلم مع الكهربائي هناك وكده.. فقالي من ال آخر يعني .. هم بيخافوا يفكوا الطرومبة دي بالذات .. فـبقوله ليه يا فكيك .. علي علشان هم غيره النظام بتاعها من 2006 فـبقى الفلتر علشان يتغير لازم تعدي على قلب الترومبة نفسه .. وكلام فاضي كده مش مقنع بصراحة .. بس ليها صرفة وهات العربية وتعالى وكده يعني .. بس فعلا العربية من أول 2006 بيقولك غير ترومبة كاملة .. وحتى في ناس كتير جت وعملت مشاكل ..
فـبيتهيألي في حال من 2 ..
1) اشتروها استعمال أحسن .. بحوالي 500 جنيه مثلا .. وأكيد البنزين هناك أنضف فـا الفيلتر هيكون أنضف .. وممكن حظك تلاقي واحدة Walbro ولا Denso ... lol
2)تعديل ترومبت البنزين ببتاعت الموديل اللي قبل 2006 ..
واللهِ الموافق ..
تحياتي
كريم فرحات
الاخ كريم فرحات
تحياتى لحضرتك
لو راجعت كلام صاحب الموضوع حتلاقى انه قدر يركب فلتر عادى خالص بره الطرمبه واشتغل فغالبا الكهربائى كان بيقول اى كلام
ماهو حضرتك الحال اللي عمله ده مش حال .. هو عمل كده علشان يتأكد إن الطرومبة سليمة.. بس مع أول وساخة بنزين من البنزين الجميل بتاعنا هيتسد ...
الفكرة إنهم فعلا في التوكيل بيخافوا .. لإن من موديل 2006 وطالع تصميم الطرومبة اختلاف .. فـيقولك وانا افك ليه واوجاع دماغي .. غير وخلاص .. وكله على حساب الزبون ...
طيب انا مثلا عربيتي موديل 2009 و افترضنا اني هغير الطرمبة و كريم انت قولت اني ممكن اشتري الطرمبة استيراد بـ 500 جنيه و طبعا التوكيل بيقول انه حصل تعديل من 2006 و الاستيراد كله العربيات الياباني و في حاجات كتير اتغيرت عن اللي بتتجمع في مصر
هل الطرمبة ديه ممكن تتتركب عندي ولا التعديل ده هيأثر علي مكان التركيب ولا ايه بالظبط ؟
ماهو حضرتك هتجيب طرومبة زي بتاعتك بالضبط. . موديل عربيتك .. مش جاية من عربية قال من موديل بتاعك ..
وبعدين هي بتتجمع في مصر آه .. بس مبيقدرش يصنعوا حاجة مع نفسهم..
في واحد فالحرافيين اسمه عبدالرحمن عزت .. في وش سمير علي .. ده عنده استعمال وجديد ... وهتلاقيها عنده أكيد ..
ياريت الاعضاء تراجع الموضوع ده بتاريخ 29/01/2010 و بالخصوص المشاركه 14
http://www.nilemotors.net/Nile/112772-1450-2.html
العضو MONY10
ماهو الموضوع ده بيأكد كل الكلام اللي بيتقال .. ولا حضرتك قصدك حاجة تانية ؟
اعتقد ان وليد بيأكد الكلام ان المفروض ان الطرمبة تتغير علي بعضها يعني منغيرش الفلتر لوحده و بصراحة حلوة اوي معلومة اننا نغير الطرمبة بواحدة استيراد و اوفر 1000 جنيه
بصراحة موضوع مميز و كويس اننا وصلنا لنتيجة هتبسط الاعضاء كلها
انا اقصد ان في عضو غير الفلتر بس و حصله مشكله في العربيه كلها فبلاش لعب دا اللي اقصده مش اكتر و طالما مافيش شكوي من الموضوع يبقي نستني لما يحصل حاجه و ساعتها نتصرف مش نغيره مثلا من باب التغير و خلاص
انا كده في حياتي لما اتزنق في حاجه اتصرف فيها و اجيب اخر الموضوع مره واحده
زي بالظبط البلور بتاع التكييف اللي ورا درج التابلوه الموتور اللي حوه اتحرق سالت عليه في التوكيل لاقيت العلبه كلها ب 1750 بالضريبه قعد الف و اسال في كذا محل لحد مالاقيت الموتور لوحده بيتباع استيراد ب 250 و ركبته و الحمد لله شغال كويس (ربنا يجعل كلامنا حفيف عليه بس) نفس الفكره مش اكتر هذا ماقصده فقط لاغير بالاضافه ان في نفس الموضوع عضو غيره و ماحصلش عنده حاجه و هو غير الفلتر و مركز صيانه جنبي لاني راسلته علي الخاص علشان اعرف فين المركز دا و بالوصف اكتشفت انه جنب البيت عندي و عارف المهندس صاحب المركز اصلا و هو مهندس ميكانيكا بس يعني
يعني ادور علي فلتر جديد
ولا اجيب الفلتر والطلمبة والعوامه علي بعض استيراد
انا رحت شارع دمشق والتوفيقيه ولفيت جامد علي الفلتر وكله قالي اشتريه مع الطلمبة و العوامة
انا قبليها كنت موصي واحد بتاع قطع غيار عندنا في السويس وجابلي واحد جديد ولما رحت اشوفه لقيته هو الفلتر بس خامه تعبانه وتقفيل تعبان زي ميكون مصنوع في مسبك مخرطه تحت السلم وسعره من الاخر 385 جنيه
انا سالت عند العالميه اللي في شارع دمشق المحلين بتاع الجديد و بتاع الاستعمال قالولي مفي
يبقي استيراد بقي ياباشا
الصوره الاخيره كانت للفلتر الاصلي