هههههههههههههه كدة على طول من غير اتفضل ولا حاجة
على العموم انا بفطر دلوقتى اتفضل زود معايا يا باشا وايه لقمة هنية تكفى 2 او 3 بالكتير خالص وشكرا على العضوية
عرض للطباعة
هههههههههههههه كدة على طول من غير اتفضل ولا حاجة
على العموم انا بفطر دلوقتى اتفضل زود معايا يا باشا وايه لقمة هنية تكفى 2 او 3 بالكتير خالص وشكرا على العضوية
تقريرعن غزوة المقطم الثانية :
بدءاً ذى بدء أحب اشكر شباب الهوندا اللى راحوا ... وفى نفس الوقت اعاتب على الوحشين اللى مراحوش .
بدأت المقابلة بلقاء الزميل التقيل فى معزته طارق بك زين Tarkzein والعبد لله No Comment على الساعة 5 عصراً ... وروحنا جبنا حبة حاجات نسد بيها جوعنا بعد ما مشينا بتاع نص كيلوا علشان نلاقى اكل وشكلنا كنا بندور فى الاتجاه الغلط .
المهم بعد ما جبنا اللى جبناه قعدنا فى عربيتى وتجاذبنا الحديث عن المنتدى والقسم والاوبل عربيته القديمه وحال عربياتنا اللى اكتشفنا فيها حاجات مشتركة جداً ( فى سرك بقى ) .
لحد ما جه السيد محمد هارون Mmharoun على الساعة 6 تقريباً وكملنا برضوا قعدتنا فى العربية واتكلمنا عن تأثير البنزين ونوعه على العربية والسحب .
بعد كدة جاء الاخوان الهونداويان محمد EK4 ومصطفى (مش عضو فى المنتدى) كلا فى سيارته بعد شوية من مجئ السيد هارون .
وبعد تليفونات جاء منسق القسم متأخراً سامح الشهير بـ Semsemkan وسبب تأخيره انه جاء مع معتوق M3touk فى عربية محمد ممدوح HotRide.
بعد كدة جاء السيد طارق Tarkomar66 ومعه عضو فيات MNabeih اللى مشى بعد كدة علطول ومطولشى ثم جاء سنهورىsanhory وبعض زملائنا الجدد الهونداوية اللى مش مشتركين فى المنتدى ويعذرونى فى تذكر الاسماء لعيب مزمن فى الذاكرة عندى .
واخيراً جاء الهونداوى القديم المخضرم واللى المفروض كان يبقى اول واحد هناك لانه من ساكنى المقطم هيثم بيه كمال Haythamkmal ومعه السيد حسام منير Hosammonir وبعدهم بقليل الثعلب خالد Khaledfox .
وبعد صلاة المغرب اتحركنا على فريجينيا على كورنيش المقطم لتبدأ المقابلة فعلياً .
وإلى هنا تنتهى هذه الحلقة ... لانى تعبت بصراحة من الكتابة .
وانا ماليش عضويه يا احمد باشا ولا ايه :Ka_che1[1]:
ولا لازم اشخلل جيبى الاول بخمسه جنيه مكرمشه ولا حاجه :Copy of m-s5:
لا ازاى يا وائل ... متقولشى الكلام ده ( خمسة جنيه ايه وبتاع ايه اللى بتقول عليها دى طب حط قدامها صفر منقط ولا حاجة علشان يشد حيلها شوية ومتتكرمش هههه) .
طبعاً من حقك عضوية ، كفاية انك أول واحد رد عليا فى موضوع الحادثة ... مبروك عليك يا جميل العضوية الثانية عشر .
ايه الحلاوة دي صور جامده اوي , تسلم الايادي
فكرة الصورة حلوة قوى ... فنان اللى فكر فيها
يا عم احمد هجيبلك شهادة من 2 موظفين انى كنت فى الشغل والله.
وياباشا راجع الشريط تانى انا مجيتش الاخر ولا حاجة دانا جاى قبل سمسم ومعتوق ، المره الجايه هجيب معاية كشف حضور وانصراف.
المهم ان الواحد فعلا كسب معرفة ناس محترمة واصدقاء جدد يتشرف بيهم
وركز بقى فى بقيت الحلقات ربنا يكرمك ، عايزين سيناريو ميخرش الميه.
وانا كماااااان عايز اخد عضويه لهوندا .... مليش دعوه :) :)
الله يسلمك يا سنهورى بس خلى بالك انت لسة ما عملتش طلب عضوية فى العصابة ... ممكن اديلك مؤقتاً عضوية زائر لحد ما تشترك .
لا الفنان بجد هو اللى طنش ومجاش ... فاهمنى انت ولا هتقول زى كل مرة .
مش لازم شهادة يا هيثم بيه ... احنا ممكن نغير الكلام ونقول انك ساكن بعييد أوى عن المقطم وخلاص .
والشريط بعد ما عملتله بلاى باك أكتشفت انى مكنتش عامل ريكورد من أصله ... معلش عندى انا دى ، حكم السن بقى .
وبما ان التركيز عندى فى الضياع ... والزهايمر شغال على ودنه ممكن حد من الأعضاء المشتركين فى عضوية العصابة الاثنى عشر حتى الان يكمل باقى الحلقات نيابتاً عنى .
أو الانتظار حتى يتم مراجعة شريط الذكريات قبل ما يعدى 48 ساعة ... وربنا يستـــــر .
يا احمد باشا كتيير عليا الكلام ده والله .... وربنا يستر طريقك يا كبيير :)
بقولك ايه بقى تشرب شاي بالياسمين :C_laugh[1]:
يرجى الانتظار حتى يتم عمل القاعدة رقم 6 الخاصة بالاعضاء الزوار ... وذلك حتى يتسنى للهونداوية الجدد الانضمام للعصابة .
اللهم أمين يا وائل ... ربنا يستر طريقنا جميعاً .
ويا سلام يا وائل يا سلام ، وكمان شاى بالياسمين ... لا يا سيدى انا مكتفى بشاى بالنعناع فقط .
انقسمنا الى جزئين جزء ذهب الى فريجينيا والجزء الثانى وهو الاهم ذهبنا لشراء غذاء وكان يضم كلا من الأستاذ سامح الشهير بـ Semsemkan والسيد معتوق M3touk والاخ الفاضل خالد فوكس والاخ الكبير سمكةباشا الى جاب لنا تخفيض 5% على المبلغ والعبد لله محمد هارون MMHaroun وبعد كدة ذهبنا الى فريجينيا لنجتمع مرة ثانية واكلنا وشربنا شاى ومياة غازية وشيشنا فى قسم المدخنيين وناقشنا بعض الامور الخاصة فى بعض المواتيير الهوندا والعفشة وبعض الامور المرحة وفى هذا التوقيت استأذن السيد هيثم وشخص اخر معلش شكلى كدة جاتلى بعض العدوة من السيد نو كومنت لست اتذكر اسمة وانا اسف بجد وبعد كدة فى جزء خرج برة لكى يسخن بسبب الجو كان بارد جدا جدا جدا وفى الاخر تم الحساب على جميع المشروبات وانتلقنا الى منطقة واسعة واخذنا الصور التذكارية للعصابة وناقشنا موضوع الأستيكر الخاص بالموقع وقسم الهوندا وبعد ذلك فى الاخر انصرفنا كلا الى منزلة على موعد فى مقابلة اخرى .
[info]
اتعشم انى اكون لا نسيت حاجة من المقابلة .
[/info]
[QUOTE=No Comment;3873495122]يرجى الانتظار حتى يتم عمل القاعدة رقم 6 الخاصة بالاعضاء الزوار ... وذلك حتى يتسنى للهونداوية الجدد الانضمام للعصابة .
لا لا انا هزعل:grin54::grin54:... انا هونداوى من 91 بس كانوا بتوع والدى
وانا دلوقتى معايا هوندا اكورد .... اول عربيه هوندا تبقى بتاعتى اخيييييييييييييرا :grin54:
من اول م اتولدت لحد دلوقتى ركبت 5 عربيات هوندا :grin54: يعنى انا و الحاج هوندا شركااء
ده لنك تجحيص فى الختام لسنهوري
http://www.youtube.com/watch?v=6Y8lqMvrnZg
سنهوري بعد التجحيص تحول لموتوسيكل :grin54:
http://img850.imageshack.us/img850/1...c01340d.th.jpg
التجهيز للتصوير
http://img832.imageshack.us/img832/9...01336pu.th.jpg
بعض الصور للهوندات امام كافيه المقطم
http://img850.imageshack.us/img850/7...c01332t.th.jpg
http://www.nilemotors.net/Nile/%3Ca%...c01340d.th.jpg
صور جميله اوى والفيديو كمان
اهم حاجه اننا كلنا الحمد لله كنا مبسسوطين
ربنا يديم علينا هوناتنا نعمه
ههههههههه
الله يسلمك يا سنهورى بس خلى بالك انت لسة ما عملتش طلب عضوية فى العصابة ... ممكن اديلك مؤقتاً عضوية زائر لحد ما تشترك .
[/QUOTE]
ايه دا ....!!! لا اعطيني عضويتي اطلق يديا .. ارجووك:grin54:
نظراً لتزايد الزوار الهونداوية الغير مشتركين فى العصابة ... تقرر وضع القاعدة رقم 6 .
6 - فى حالة عدم انطباق القواعد الشروط الخاصة بالعضوية الدائمة للعصابة على الهونداوية الجدد ، سيتم منح العضو الجديد عضوية زائر حتى يتبين جديتة فى الانضمام للعصابة .
والله الموفق والمستعان ،،،
ليه الفضايح دي :grin54:
والله يا جماعة انا شاري العربية من رمضان اللي فات و دي اول مرة اشد بيها هاند بس عشان خاطر الناس الحلوه كله يهون
ربنا يديم بينا المعروف و نفضل دايما سند لبعض , بجد كان يوم جميل و الواحد كان حسس انه مع اصحابه اللي يعرفهم من 10 سنين
الهونداوى الجديد Ferrari سيتم منحك عضوية زائر مؤقتاً حتى يكتمل النصاب أو زيادة الفعالية فى قسم الهوندا ايهما اقرب .
الهونداوى الجديد Samaka2002 سيتم منحك عضوية زائر بنفس الشروط السابقة ( ومستنيين الصور الجامدة ... يمكن تقصر مدتك بسببها فى عضوية الزائر ) .
الهونداوى Sanhory سيتم منحك العضوية الثالثة عشر نظراً لنشاطك فى القسم و لحضورك مقابلتين متتاليتين مع العصابة ( مع انك واخد العضوية الـ 13 ... ربنا يستر ).
الهونداوى M3touk 85 على الرغم من انطباق الشروط والقواعد عليك الا انك لم تتقدم بطلب رسمى للعضوية ولذلك سيتم منحك عضوية زائر .
انا بعت الصور ل سامح علشان هوا عايز ينظمهم و يعملهم موضوع جامد و يارب الصور تعجبكوو
وشكراا
الله ينور عليك يا سيد هارون ... تمام كدة بس انت مذكرتش القونصولتوا اللى اتعمل على عربية أ/طارق ، وبعد كدة طلعنا على الحتة الفاضية اللى دلنا عليها هوت رايد واللى أخذنا فيها الصور .
وبعدين مذكرتش الشقاوة بتاعت الشباب المتهور اللى اداها درفتات .
ملحوظة : يا جماعة احنا كبار ومش بتوع الحاجات دى ومش عاوزنها تتكرر تانى :36_3_10[1]: .
ما انا قعدت اقولك ارجع ورا ... ارجع ورا وانت مسمعتش الكلام .
وادى آخرت اللى ميسمعشى الكلام ... منسق بدون رأس مينفعشى الكلام ده . :Ka_che1[1]:
ملحوظة 2 : ممكن يا جماعة اللى معاه الصور تنحط برضوا هنا ... مهى تعتبر برضوا من أخبار العصابة .
[QUOTE=No Comment;3873496791]الله ينور عليك يا سيد هارون ... تمام كدة بس انت مذكرتش القونصولتوا اللى اتعمل على عربية أ/طارق ، وبعد كدة طلعنا على الحتة الفاضية اللى دلنا عليها هوت رايد واللى أخذنا فيها الصور .
وبعدين مذكرتش الشقاوة بتاعت الشباب المتهور اللى اداها درفتات .
ملحوظة : يا جماعة احنا كبار ومش بتوع الحاجات دى ومش عاوزنها تتكرر تانى :36_3_10[1]: .
معلش لا تنسى اصل السن بردة ولية حكم وشكلنا كدة احنا الاثنين الى فاكرين والباقى الزهايمر عندة من بدرى اخبار طارق باشا اية من ساعتها لا ارى اى كومنت كتبة خالص
تسلم ايدك يا معتوق انت وسنهورى باشا على الفيديو والصور كمان بس احنا اعدين مستنين الصور الكبيرة الى
مفروض مع سمكة
يا باشوات انتوا تنوروا المهم نبقي على اتصال علطول :)
أهلاً يا عصابة عاوزين ننظم فريق العمل وبرحب بالاعضاء الجدد وأحمد أمين هيقول لكل واحد فيكم دورة هيكون اية في العملية الجديدة
يا أدى النوووور يا أدى الهنـــــــــــا ... أخيراً حنيت علينا وزورت موضوع العصابة .
ألحـق انا بقى الاول اديك العضوية الرابعة عشر لحسن تهرب منى ... أيوه هتاخدها عافية وبلطجة وظلم وأقتدار كمان .
ومستنيين تعليماتك يا كبير فى العملية الجديدة بس ياريت تتنازل وتفضى نفسك وتبقى موجود ... وبلاش شغل التعليمات من بعيد لبعيد ده وفى الاخر متجيش .
صباح الفل ياباشا :) حاضر أنت تأمر وجارى التنفيذ
صباح النعنــــــــــاع ... ومستنيين التعليمات . :36_9_4:
التسليم ساعة الصفر ..... في بطن الزير
تيت التتيت تيت .. تيت التتيت تيت ... عُلم وسينفذ .
والأن مع اخبار العصابة .
بالامس تمت مقابلة الزميل حمدى مصرية من أجل بحث مشكلة الفرامل الخاصة به وتم اللقاء فى مدينة نصر ثم ذهبنا الى الحرفييين عند جاسم وقابلنا هناك صدفة زميلنا الهونداوى وائل عادل Waeleman 2008 وكان مخلص شغل وماشى وبعد كدة طلعنا بالعربية جربها وقاله انها محتاجة سيرفوا وماستر وظبطنا الـ RPM عنده ومشينا .
وعدينا بعد كدة على مجدى الدسوقى اللى لاقيناه واقف بره بيعمل حاجة فى عربية سيفيك 2010 وسألناه على حبة حاجات للعربية وخليناه يجربها كمان .
وقعد يحكيلنا على السيفك بتاعته اللى نفس موديلى ونفس اللون كمان اللى لسة معاه لحد دلوقتى وقعد يقولنا عنها قصص وحواديت وانها أفضل من الجديد وكدة يعنى هههههههه :B4_095: .
انت يا بنى مش هتنضم للعصابة رسمى بقى بدل ما أنت مقضيها تصاريح زيارة كدة ... ولا لازم نغريك بسندوتشين من مؤمن وحاجة ساقعة . :Copy of m-s5:
اسف للتأخير يا احمد باشا علشان النت كان فاصل امبارح :B4_611: وبجد اتشرفت بمعرفة حضرتك انت والاستاذ حمدى :satelite:
نيجى بقى للشغل اللى عملته فى العربيه امبارح :-
1- تغيير جوان تاكيهات + جوان اسبراتير خارجى
2- ظبط تاكيهات
3-فلتر بنزين + بوجيهات
4-تنظيف حساس الايدل والثروتل بودى والرشاشات
5-تغيير اولسيه كوبلن
6- زيت كاسترول ماجنيتك + فلتر
طبعا كل الشغل ده بسيط بس بصراحه جاسم شخصيه محترمه جداا وشغله سريع ما شاء الله عليه ربنا يكرمه
والحمد لله العربيه اتظبطت بس المشكله اللى كانت عندى الفتيس وطلع ان الفتيس ناقص زيت وانا كنت بحتار مره اقيس الزيت الاقيه كويس ومره لأ ....المهم انا عايز اعرف ازاى اقيس زيت الفتيس صح ؟!! علشان فيه فى المقياس حته مشرشره كده فجاسم قالى لازم يكون الزيت على الماكسيمم من النحيتين .... وزودت الزيت وهوه شد سلك الفتيس بس حاسس ان دواسه البنزين تقلت اووى عن الاول ومش عارف مكان الكيك دون فين .... هوه قالى جرب ولو فيها حاجه تعالالى ....
وعلى يا احمد باشا انا اسمى وائل احمد :ma:
وبعدين عاوزين نعرف اخبار الاستيكر ايه هل انطبع على اساس انهى دومين
دون كوم ولا دوت نت