ايوه هي حكاية مرتبات
وعلي فكره لا حماسه ولا اي حاجه
هي فكره وبدأت التنفيذ
وهتتنفذ واللي مشاركش في الاضراب
هيتقدم لمجلس تأديب من النقابه
لأن الاضراب ده تحت رعاية النقابه
وربنا يخليلنا الدروس الخصوصيه
عرض للطباعة
وعلى فكره ............. موضوع اداء الطبيب التعبان ........... عشان يطور محتاجين نطور التعليم ........ ونظام الدراسات الفاشل اللي اتعمل الاضراب من اجله
وفي النهايه برضو حضرتك
مستريح في حيانك
ورافض الاضرب
ده رأيك
لكن القرار لينا واتنفذ فعلا
المناقشه هنا لن تجدي بشيء ولن تغير اي قناعه عندي او عند الاطباء كلهم
فهننتظر ونشوف ليوم 17 يوم الاضراب المفتوح
لسة البلد ماشية بمنطق ان الوزارات اللي بتدخل فلوس موظفيها بتاخد مكافات و مرتبات اعلي من الوزرات الخدميه و دة تفكير خاطيء تماما و ان شاء الل هيتغير
المرشد السياحي من وجهه نظر البلد واحد بيدخل فلوس عكس المدرس و الطبيب و الظابط و دة تفكير عقيم جدااااااااا بس الاعتصام و الاضراب مش الحل ليه
و زي ما نت بتقول كل شيء هيتنفذ يوم 17 بس كله علي حساب البلد
و يوم 18 المهندسين هيعملوا اعتصام و يوم 19 المدرسين هيعملوا اعتصام و هكذااااااا و برضة كله هيتنفذ و الحكومه هتنفذ مفيش مشاكل
اقل مرتب هيبقي 2000 جنيه في الشهر بس للاسف باستمرار الوضع دة هيبقي ال 2000 جنيه زيهم زي ال 250 جنيه دة ان مكنوش هيبقوا اقل
و ببرضة انا راي ان مفيش حاجة اسمها احسن شهادة في البلد في حاجة اسمها انسان شاطر في شغله مهما كانت شهادته حتي لو معهوش لو شاطر و خبير في شغله هيبقي احسن من احسن شهادة في البلد في دكتور شاطر و دة اللي انا بقتنع بيه مش خريج طب و خلاص (( انا مش بقصدك طبعا انا بوضح وجهه نظري ))
رغم انك خرجت عن الموضوع وشخصنة المسالة
لاكن اتجوزت عشان والدي شقي طول عمرة في الغربة وبنالي شقة وجوزني
عشان كدة دايما خليك حسن الظن وما ترميش الناس بالباطل
كويس والله الدروس الخصوصية خلتك تفوقت ودخلت طب واتخرجت
بس للاسف مش عايز تعالج الناس وعامل اضراب عشان تزود مرتبك
بس عارف انا دلوقتي عرفت مساويئ الدروس الخصوصية
وانتهى نقاشى في الموضوع ده
يا سيدي ما كل مهنة عشان تبقى شاطر لازم يطلع عينك في الإجتهاد
مثلا ما هو أقل مرجع فى هندسة ب 2000 جنيه و غير المواصفات الدولية عشان تبقى بتفهم فى شغلك لازم على الأقل تكون مليونير لأن أي مواصفة بتتباع بالميت ب 140 استرليني و فى حاجات بتوصل ل 300 استرليني
ادينيى عقلك أنت بقى و أنت لسه جديد و بتاخذ بالكتير 1000 جنيه لو عرفت تاخدهم أصلا ،
ودالإنترنت فرقت كتير جدا و الحمد لله مابقتش لازم تشتري مراجع كتيرة ، بس كتير بتتزنق فى المواصفات ولا زم تشتريها
و أنت مهندس مش حتلاقي تعمل حاجة برايفت إلا على الأقل 2 أو 3 سنين لو أجتهدت و بتتذل و يطلع عين اللى جابوك و تاخد ملاليم ولا زبال زي ما بتقول و يتاخد شغلك و يتنسب للمهندسين الكبار و إن كان عجبك و أضرب دماغك فى الحيط
أعمل أنا إضراب بقى و أقول ليه المشروع بيتاخد عليه مليون و أخذ أنا فتافيت
لو كل واحد قال كده يبقى خربت
كل مهنة لو الواحد أتقن فيها يبقى أحسن حد فيها و ياما دكاترة و مهندسين و صيادلة و محاسبين فى البطيخ و مش عايزين حتى يطوروا نفسهم و لا يتعلموا و كتير قوى تلاقيهم مديريناك و بياخدوا 10 مرات او 5 مرات اكتر منك
تقول عامل إضراب - لأ طبعا المفروض تجتهد أكتر و ربنا حيكرمك - آمن بده و أنت حيتسر لك الأمور
طبعا ماحدش فارق معاه لأن كل واحد بيبص تحت رجليه
لك الله يا مصر
مهو للاسف
سوء مستوي لمدرسين المتعمد منهم داخل الفصول
هو اللي ادي الي اننا ناخد دروس خصوصيه
عشان هما مش عاجبهم المرتب
فلازم شوية اهمال علشان نلاقي حد ياخد معانا دروس
ولعلمك ان 99 في الميه من الطلبه بياخدوا دروس
فمكنش هيفرق كده او كده لأن الناتج واحد
يعني لو كان المدرسين بيشرحوا بذمه داخل الفصول مكنتش هاخد دروس خصوصيه
وكنت هدخل طب برضو
وياريت طالما الدروس الخصوصيه وحشه كده وليها مساويء
يتم منع الدروس الخصوصيه للمدرسين
ويعيشوا علي مرتب الوزاره بس ونشوف هيستحملوا كام شهر
ومرحب بيك للنقاش في اي وقت
لا ياباشا المدرسيين مش عايزين اضراب لأن سكتهم واضحه
مفيش مدرس مبيديش دروس خصوصيه لأن ده هي مصدر دخله
وده بيحصل من تاني او تالت سنه بعد عمله مش زينا نبدأ نشتغل بعد مرور 6 سنين علي التخرج مثلا
اللي هو بعد المدرس بحوالي 3 سنين
والمهندسين برضوا مش زينا خالص لأن بيشتغلوا بعد التخرج علطول
ومعظمهم بيشتغل شركات خاصه او بيفتح مشروع لنفسه
ومش محتاجين دراسات زينا برضو بال 5 سنين
ومش هتلاقي دكاترة الاسنان زينا
لأنهم برضو مش محتاجين دراسات زينا
ممكن يشتغل علطول بعد التخرج
اكتر فئتين مظلومتين فعلا
الاطباء والصيادله
وربنا يسترها معانا
لو لم اكن طبيا لوددت ان اكون..................لاعب كوره او رقاصه..او اي حاجه تانيه..
طبعا انا باتريق..
اسال اي طفل صغير دلوقتي نفسك تطلع ايه...مش هايقول كلمه دكتور في اجاباته...بس هايقول حاجات تانيه..
باختصار انا طبيب ومعايا ماجستير يعني اخصائي والحمد لله ....بقالي 15 سنه وانا باذاكر كليه علي ماجستير علي حاجات تانيه كتير ...اهلي صرفوا عليا كتييييييييييييير وانا اتعلمت بفلوسي مش بكفائه البرنامج التعليمي الجبار لوزاره الصحه (دي كمان لوحدها مشكله) مش هاقول انا صرفت اد ايه في الدراسه والكتب ...انا لسه هادخل كملن امتحان زماله في لندن هاسافر يومين بس ب 9 الاف جنيه..
الخلاصه انا شايف ان اللي مش عاجبه الحكومه يقدم استقالته ويريح نفسه وانها تكون استقاله جماعيه لان المنظومه الصحيه في مصر فاشله والامكانيات معدومه ونخلي الطب مهنه خاصه (عيادات خاصه فقط) علشان نقدر ناخد زي ما العضو الفضل بيقول 600 جنيه او 800 في اليوم وتبقي رسمي واللي عايز الميري ومصمم يتمرمغ في ترابه يشبع بيه وانا والله كده كده باتطوع يوم لله كل اسبوع اكشف علي الغلابه في المستشفي بدون اجر مادي كنوع من الزكاه علي العلم ليس الا. المشكله ان مافيش حد هايحس بينا الا لو طبيب او كان له اخ طبيب او صاحب مقرب ساعتها هايحس بمدي الظلم اد ايه... وحسبي الله ونعم الوكيل
أعز اصدقائي (صداقة بقالها 20 سنة) ....... الرجل بعد مرمطة 4 سنين في مصر أخيراً ربنا كرمه و سافر الخليج
طول فترة قاعدته هنا ماشافش غير الويل ......
في مصر الدكتور إلي أبوه دكتور أو أستاذ في الكلية أو غني و معاه فلوس كتير ...... هو إلي بيبقى دكتور
انا حاولت اكتب كلام كتير واشارك اكتر من مره بس في كل مره نفسي بتنسّد وامسح الكلام....الدوله اللي ما بتقدرش الطبيب والمدرس والعالم عمر ما هايقوملها قومه...الناس اللي بيهاجموا الاضراب يشوفوا المطالب ايه واحنا عايزنها تتحقق امتي وازاي ( احنا معملناش زي البنوك وقلنا دلوقتي احنا قلنا حطونا في الحسبان)..لما يصدر قرار باعتماد لائحه الاجور والمرتبات وتكون الفئه الاولي لاساتذه الجامعه والقضاه ( علي عيني وراسي) ودول برده ليهم بيزنس خاص ويمكن اكتر بكتير من اطباء غلابه...
والفئه التانيه من الاجور زي الفئات المنتجه (زي اللي شغالين في شركات البترول وغيره)..وكمان دول ليهم سبوبه خاصه اكيد..
والفئه التالته من الاجور الاطباء والموظفين.... و الفئه الرابعه (العمــــــــــال)..
( يبقي كده قله قيمه وكرامه)..وعلشان ما تتقلش قيمتنا وعلشان احنا كلنا دخلنا في اليوم بالميت 500 جنيه ( زي ما الناس بتقول) يعني في الشهر 15 الف جنيه يبقي نسيب الحكومه اللي مالهاش 3 مليون لازمه ونشتغل خاص واللي بيدخل 15 الف يبقي يدخل 30 الف والناس ماتزعلش منا ويقولوا علينا استغلالين وانتوا بتاخدوا علي قلبكم قد كده ( سايبها مخضّره) ومطمئنين ان مصر مش هاتستورد دكاتره من الصين لان الدكتور الصيني المضروب بياخد من حكومته اضعاف اللي بياخده المصري ..والا رايكم اننا نوهب نفسنا فتره الصبح دي للخير ومعاها النوبطجيات اللي بعد نص الليل للخير برده وكمان ايام الاعياد والعطل الرسميه للخير برده والا طالما الواحد شغال في عيادته الخاصه وبيعمل زكايب فلوس يبقي يستحمل مرمطه الحكومه..اللي مش عاجبه حاجه بيسيبها وطالما الحكومه ماعندهاش استعداد انها ترفع مزانيه الصحه بما فيها العلاج والاجهزه والاجور يبقي بلاها ناديه وخلينا في سوسو واكيد احنا الكسبانين علي الاقل كسبنا قيمتنا...
احب اقول للناس حاجه ان فيه مرضي كتير اعتصموا مع الاطباء..ليييييه( علشان فيه ناس بتفهم وتحس وتقدر) ومش بتنظر للطبيب في عمله الخاص ولكن بيبصوا للطبي كقيمه والله لو المدرس والطبيب ما رجعتلهمش هيبتهم يبقي البلد دي هاتفضل زي ما هي جاهله مريضه
اولى ثمار الاضراب الجزئى الى حصل
أعلن د.أشرف حاتم وزير الصحة أن وزارة الصحة طالبت وزارة المالية ومجلس الوزراء بزيادة الاعتماد اللازم لقطاع الصحة بميزانية العام القادم بـ 10 مليارات جنيه وذلك بالإضافة إلى 17 مليار جنيه مخصصة لوزارة الصحة فى ميزانية العام القادم ( ليصبح الإجمالي 27 مليار ) ، مؤكدا أن الدولة سوف تعطى للصحة والتعليم أولوية بميزانيتها.
وأوضح حاتم - فى المؤتمر الصحفى الذى عقد اليوم عقب اجتماعه بالمجلس الأعلى للصحة - أن المجلس ناقش ميزانية الصحة فى العام القادم، وأضاف أن الزيادات ستشمل إعتماد إضافى للعلاج على نفقة الدولة بـ 3 مليار جنيه حيث سيتم توفير العلاج لهؤلاء المرضى فى المستشفيات الجامعية والشرطة والقوات المسلحة إلى جانب مستشفيات وزارة الصحة وتم تخصيص أكواد لعلاج كل مرض يحدد من خلاله القيمة المخصصة للعلاج لكى يشعر المواطن بتحسن فى تقديم الخدمة ويصل هذا الدعم إلى مستحقيه.
كما ستشمل الزيادات 2 مليار جنيه للعلاج المجانى فى المستشفيات العامة والمركزية بدلا من 300 مليون جنيه حاليا حتى تستطيع هذه المستشفيات أن تقدم خدماتها العلاجية للمترددين عليها فى جميع محافظات مصر.