السلام عليكم
انا مخنوق اوى يا جماعه النهارده كان اضراب الاطباء وانا موافق عليه طبعا
بس تعليقات غير الاطباء سىءه جداا فى كل مكان
حسبى الله ونعم الوكيل
انتم ايه رايكم ؟
عرض للطباعة
السلام عليكم
انا مخنوق اوى يا جماعه النهارده كان اضراب الاطباء وانا موافق عليه طبعا
بس تعليقات غير الاطباء سىءه جداا فى كل مكان
حسبى الله ونعم الوكيل
انتم ايه رايكم ؟
بص انا معاهم في كل مطالبهم المشروعة
بس المشكلة في التوقيت
ودلوقتي استجابات الحكومة بقت احسن من الاول بكتير وبقى في مرونة
ليه مصممين نتعامل بالطريقة القديمة والاعتصامات
لا والاجمل يا اخي
عامل اعتصام في المستشفيات الحكومة
لكن مستشفيات القطاع الخاص ولا يقدر
وتلاقي الدكتور من دول ما شاء الله شغال الصبح في حكومة وعامل إضراب ومنفض للدنيا مريح من الشغل مهو إضراب بقى على هواه وبلليل تلاقيه رايح عيادته الخاصة اللي بياخد من وراها فلوس على مزاجه وكله نشاط وحيوية
منطق غريب جدااااااااااااا
انا معترض على الطريقه والغايه لا تبرر الوسيله
واعتقد ان صوتنا كان مسموع للجميع والحكومه ناشدت الاطباء انهم ميعملوش الاضراب ده اللي بيضر بأرواح ناس كتيره وان كل مطالبهم مشروعه يبقى ليه احنا نطلع اسوأ من الحكومه ونعاند ونعمل اضراب؟؟؟؟
مش مقتنع بالاضراب كطريقه للمطالبه بحقوق مشروعه...
تحياتي
هل من العقل اني اقول انه وظيفة الدكتور انبل من انه يسيبها ويقف في الشارع يطلب فلوس؟
مش قصدي طبعاً الناس تشتغل ببلاش... بس قصدي انه اللي اختار المهنة دي أكيد كان عارف أولها من اخرها... والدنيا مش هتتحل في يوم وليلة ولا بالاعتصامات
ربنا يوفق الجميع ومحدش يعيش متكدر
ممكن وقفات احتجاجية رمزية أما إضرابات فانا غير مؤيد
انا كتبت كلام كتير والنت فصل
مش هقدر اكتبه تانى
انا شغال فى الجامعه نايب باطنى و النهارده اشتغلنا وماكانش فيه اضراب لكنى انا مع الاضراب والاضراب على فكره لايشمل الحالات الطارئه والحرجه
اقروا المطالب من تانى وانتم تفهموا الموضوع مش موضوع زياده مرتبات الموضوع زياده الميزانيه ال 15 فى الميه زى احقر دول العالم
احنا الميزانيه عندنا 4 فى الميه بس انا كل يوم بشوف مأسى و مساوىء تخيل لما انسان فقير بيجيلك كل شهر عشان يصرف علاجه وما يلاقيش مرضى الكبد ومرضى السكر الى بيصرفوا دلوقتى ازازه انسولين واحده تكفيه من 4 ل 7 ايام بس على حسب استهلاكه طب يكمل الشهر منين ؟ ولا مرضى الغسيل الكلوى ونفقات العلاج على نفقه الدوله وتكلفه جلسات الغسيل والتحاليل بتاعتهم
يعنى النهارده لمينا وجبنا علب عشان يتسحب فيها عينات تحليل الغده الجار درقيه الى المفروض تتعمل لمرضى الغسيل الكلوى بس هنعمل التحاليل فين ولا ازاى لانها مكلفه
اقسملكم بالله يا جماعه انه اغلب الشغل والاجهزه والامكانيات الى موجوده فى اغلب مستشفيات الجامعه قايمه على التبرعات و الفلوس الى الاساتذه ورؤساء الاقسام بيذلوا نفسهم عشان يجمعوها عشان يجيبوا جهاز اشعه ولا جهاز منظار ولا صيانه الاجهزه دى
وبعدين الناس الى بتقول عيادات احنا مش من حقنا نفتح عيادات ولا ينفع اصلا الا لما نخلص الماستر و كمان الدكتوراه على ال 35 وال 40 سنه لاننا نايمين صاحيين فى المستشفى فى النباتشيات
وكمان فيها ايه لو الدكاتره الى عامله الاضراب راحوا عيادات النهارده ولا المستشفيات الخاصه
كل واحد فينا يشوف وهو داخل المستشفى الخاصه ولا العياده الخاصه بيبقى عامل ازاى قمه الادب والذوق والاحترام لكن لو داخل مستشفى حكومى تبقى داخل مش عاجبك اى حاجه والناس عايزه تتشاكل وكل حاجه بالسهل
على فكره انا مخلص بقالى سنه وشهرين اساسى المرتب بتاعى 160 جنيه اول ما قبضت قبضت 308 دلوقتى 344 بعد 15 فى الميه وما اعرفش ايه ؟ هل يكفونى بنزين عربيه كل يوم سفر 30 كيلو رايح و 30 كيلو جاى ولا اكل فى النباشتيه ولا حياتى العاديه ولا لبس ولا ايه ؟ ولا تحضير الماجستير ولا ولا ؟
هل يعقل انه الاطباء هيتحطوا فى الفئه التالته فى المرتبات الى هتنزل قريب ؟
على فكره شباب الاطباء راحوا للدكتور عصام شرف وخدوا ميعاد وما قابلهمش وانتظروه من الصبح للبالليل وكرروها تانى و خلى السكرتير يقابلهم يعنى مش فارقين معاه
على فكره انا عايز اضيف حاجه برضه اغلب العلاج الى فى المستشفيات منهوب الى هو العلاج المجانى الى احنا شغالين فيه والموضوع ده صعب تسيطر عليه لانها ثقافه شعب
وانتم فاهمين وعارفين
ودلوقتي استجابات الحكومة بقت احسن من الاول بكتير وبقى في مرونة
لا يا باشا الحكومه ولا استجابت ولا حاجه وزير الصحه اول ما استلم قالك طبيب التكليف هياخد 1200 و النايب 1500 وبعدين من فتره قالك لا الكلام ده مش هيحصل
ليه مصممين نتعامل بالطريقة القديمة والاعتصامات
لا والاجمل يا اخي
عامل اعتصام في المستشفيات الحكومة
لكن مستشفيات القطاع الخاص ولا يقدر
وتلاقي الدكتور من دول ما شاء الله شغال الصبح في حكومة وعامل إضراب ومنفض للدنيا مريح من الشغل مهو إضراب بقى على هواه وبلليل تلاقيه رايح عيادته الخاصة اللي بياخد من وراها فلوس على مزاجه وكله نشاط وحيوية
منطق غريب جدااااااااااااا
انا قلت لحضرتك هل يستوى ده بده ؟ مش تناقض ولا منطق غريب والله لانه فيه ظلم واقع عليك وانت شغال فى المستشفى المريض عايز منك الكشف والتحاليل والعلاج لكن فى العياده مالوش غير الروشته و يتصرف فى تحاليله بره و دواه
اه حاجة قليلة الادب اوي ............ وفي واحد بيفتي ع النت بيقول البدكاترة واكلينها والعه كل شهر بيزيدو 500 جنيه ههههههههههه شوفته الهبل
والمفروض يقللو المرتبات بتاعتهم
واصلا مش كل الطلبات بتاعت فلوس
انا كل مانزل ام الاستقبال ده سوري ف اللفظ ........... بيكون فيه خناقات والدكاترة كفرة ونعد نتشتم ومطلوب مننا نركز
من اسبوع طبيبة امتياز ف استقبال الجامعه اضربت من راجل ها نقول كمان
المشكلة مش الاعتصامات او الاضرابات
المشكلة في التوقيت
يعني الحكومة مش ملاحقة والحمل كبير وتقيل
ومفيش حاجة هتتحقق بين يوم وليلة
نزود الاعباء على الحكومة باضرابات فئوية ليه
في الولويات للحكومة
1100 !! ده بعد الثورة اكيد .. بس عملوا اضرابات بردو ولا جات ازي
طيب كنتم وقفتم معاهم بالمرة في مظاهراتهم
طيب متعرفش تجيبلك وظيفة ممرضة :grin54:
مصر دي بلد عجيبة
بس بردو مش وقته خالص
يعني الحكومة هتجيب الفلوس دي منين في ظل الكساد الاقتصادي في مصر والبطالة ووقف الحال
مهو مفيش في حل غير طبع فلوس ورق لارضاء الناس
عارف يعني ايه نطبع ورق فلوس بدون غطاء حقيقي ؟
انا النهارده اضربت من اول مارحت المستشفي لحد اول عيان جيه ...حوالي نص ساعه كده :)
الصراحه مقدرتش وكل الاطباء معانا كده ..
واللهي لو تم تحسين اوضاع الاطباء ...اول ناس هتستفيد هم الناس الغلابه ..
لو فضل الوضع علي ماهو عليه هستقيل واريح دماغي
اللى أعرفه إن الإضراب كان علشان حماية المستشفيات من البلطجية و تحسين جودة الخدمة و مكانش فيه كلام عن لمرتبات لتفهم الأطباء للحالة الإقتصادية للبلد
تتوقعوا هيكون فيه رد من جانب الحكومة ؟ ولو للتهدئه ؟ ولا هيبدا الاضراب المفتوح من يوم 17
يا جماعة حرام بجد ، أكثر الأطباء كشفهم أقل واحد ب 40- 100 فى الأحياء الشعبية و مدة الكشف بتبقى حوالي 3 - 5 دقائق
يعنى الواحد لو راح العيادة بتاعته بس يعمله على الأقل 1000-2000 فى اليوم
و لو حد شغال فى مستوصف الكشف ب 10 - 20 جنيه و الناس بتبقى بالكومة و الدكتور بياخد يجي 50% من الكشف يعنى بالميت كده 300-800 جنيه فى اليوم
مش عارف عايزين أيه أكتر من كده بجد حرام
احنا لسه دافع 600 جنيه لدكتور أطفال عشان ساعتين بس محاليل و بعد كده طلع التشخيص غلط أصلا و رحنا كمان 2 دكاترة بعد كده
صدق الدكتور مبروك عطية لما قال، ليه ما بقاش دكتور و مش مليونير
يا ريت ماحدش يقولي أصل مش كل كده و أصل و فصل - الناس مش لاقيه دكاترة فى حتت كتيرة جدا و المستوصفات كتير و المستشفيات الخاصة أكثر - أجتهد أنت و حتلاقي مكانك - ربنا مابيضيع تعب حد
و حرام لو كل الناس بتغلي على بعض - الحاجة حيتضاعف سعرها و قيمتها حتقل و كل بيغلي على كله و هى دايرة و كأنك مش مغلي حاجة و نفضل ندور حولين بعض
أرحمونا بقى ربنا يرحمكم
ارحمنا انت بقي واللي زيك
ارحمنا لما نبقي عندنا 25 سنه وباخد 230 جنيه
ارحمنا لما يبقي مطلوب مني 6 سنين لسه عشان اخلص ماسترز
ايه يعني اروح ادفن نفسي لغاية لما اوصل 30 ولا 32 سنه عشان اعرف اعيش
اقسم بالله احنا بنبذل مجهود لا يعلمه الا الله
انا والله ماعرف احنا صابرين ازاي
بس هي خلاص خلصت يوم 17 اضراب تام
انت بتقيس علي دكتور واحد بياخد منك فلوس كتير
ولو بياخد فلوس كتير ايه اللي غاصبك تروح عنده
الدكاتره كتير
لا حول ولا قوة الال بالله
اقسم بالله ماتقدر تستحمل اللي احنا فيه
حرام عليك انت وانت ماتعرفش اي حاجه
عارف المستوصفات اللي بتقول عليها ده
لو عملت 80 جنيه في اليوم يبقي رنا كرمنا قوي
اتقي الله وماترميناش بالباطل
ما تنرفذش نفسك يا دكتور عمر هو ده العادى
هو الشعب المصرى كده وعمره ما هيتغير
مطلوب من الاطباء انهم يشتغلوا ببلاش ولما ييجوا يقضوا مصلحه يطلع عينيهم فى الفلوس
يعنى اقابل النجار فى الشارع يا دكتور انا تعبان وفيا وفيا واتكلم معاه و اوصفله العلاج واظبطه ولما اجى اقوله تعالى ظبطلى باب البيت يقولك 50 جنيه
الواحد يخلص الماستر ويهج ويسيبهالهم ويروح لناس تقدره وتحترمه
للأسف الدكاترة الكتير اللى أنت بتقول عليهم دول ، مش كويسيين أو بالأصح عشات تلاقي واحد فاهم تتعذب و كأنك بتجرب صنايعي بالظبط
أنا مقدر أنك بتتعب ، بس لازم أنت كمان تقدر أن كل حاجة بتأثر على التانية أنت مش لوحدك
و الأسعار اللى انا قلتها ديه هى أسعار الغلابة مش المهمين
الدكاترة المهمين يا باشا الكشف بيوصل ل 500 جنيه و الحجز بال 3 أسابيع و ساعات قايمة الإنتظار بتوصل ل 2شهر و نص
أنا عارف أنك مش لاقي فرصة تزود بيها دخلك غير كده بس مافي أماكن كتيرة جدا فى أي مستشفي بيبقى الواحد واقف بالساعتين و الثلاثة عشان يكشف ، مابتروحوش تشتغلوا فيها ليه و تزود دخلك
حتى فى المستفيات الكبيرة بيجو الدكاترة الكبار و بيبقوا عليهم فى الساعتين يجي 80 كشفو رغم كده بتتكروت فى دققتين و أسمك دافع استشاري ب 75 أو 100 جنيه و للأسف حتى ساعات ما يهتمش بالموضوع أصلا و مستنى أنك اللى تطلب منه العلاج
الضمير كتير مابقاش موجود و للأسف دول مغطين على الناس اللى عندها ضمير
بس الناس تعمل ايه بس
ماهو لو أنت اتذلت عشان تكشف أو تتعالج زي ما أغلب الناس بتعاني مش حتتكلم بطريقة كأن الناس دول مش لحم و دم
للأسف فى كل مجال اللى بيفهم و اللى مابيفهمش و للأسف اللي بيفهم فى المجال و عنده ضمير بقى قليل جدا جدا جدا جدا و ده اللى لازم يتعب قوي قوي و ربنا بعد كده بيكرمه
الحل أنكم تتواجدوا بكثرة فى الأماكن المحتاجة طب و الناس المرضي كتير قوى قوى قوى فوق ما تتخيل و لو خدت اي حاجة حتفرق معاك جدا
الحل خلاص اتعرف
الاضراب خلاص يوم 17 لا محاله
ياشريحه اولي واحترام يا اما مش هتلاقي مستشفيات غير الخاص
وخلي الناس بقي تروح تدفع في الكشف 200 و 300 جنيه
انا بني ادم محترم ومعايا افضل شهاده في البلد كلها
مش معقول يبقي مرتبي اقل من عامل النضافه
يعني تقريبا عامل النضافه بياخد ضعفي 3 مرات
قال ايه وعايزيني اشتغل
والله انا بستغرب المفروض الاطباء اللي هما من صفوة المجتمع في الثقافة والتعليم يعملو اضراب ايا كان السبب مرة عشان الميزانية ومره عشان المرتبات طيب لما انتو شايفين حال البلد الاقتصادي والسياسي زفت وبتعملو كدة امال العمال وبقية المهن اللي المفروض ااقل منكم في التعليم والثقافة يعملو ايه عيببببببببببببببببببب مش وقتة خالص
لا متستغربش
العيب هو اللي احنا فيه
ولعلمك احنا مابيناش صفوة المجتمع
احنا بقينا اوطي ناس ف المجتمع
مش عارف اقول ايه تاني
اقولك تعالي خليك مكاني دكتور
وخد مرتبي ومتعملش اضراب
ايه رأيك ؟؟
تاخد 250 جنيه ف الشهر
اظن هتعيش بيهم عيشه زي الفل
ولو عملت اضراب بقي هستغرب
سؤال
هل دة وقت اضراب في البلد يعني الاطباء المفروض انهم زي ما اتقال انهم احسن شهادة في البلد معني مش موافق علي الكلام دة لان مفيش حاجة اسمها احسن شهادة في البلد كل واحد بيقوم بدورة في البلد الطبيب بينقذ ارواح و ظابط الشرطة المحترم بينقذ ارواح و المهندس اللي بيتقي ربنا في شغله بينقذ ارواح حتي عامل النظافه بينقذ ارواح لانه بيشيل كم فيروسات و ميكروبات اد كدةةةةةة
البلد بتنهار و فعلا مفيش فلوس لاي حاجة دلوقتي مبارك سابها علي الحديدة و اعتقد انه باع الحديدة كمان
مبقاش في وقت لاي اعتصامات و لا اضرابات في البلد خلاص و للاسف الاضراب في المستشفيات الحكومي بتاعه الغلابه يعني برضة الغلابه هما اللي هيشيلوا طينه
يا اخوانا زيادة مرتبات و مكافات الاطباء و المهندسين و العمال و الفلاحين كل دة عايز ميزانيه مش موجودة و الزيادة اللي هتيجي دلوقتي هتبقي علي شكل قروض هتغرق البلد اكتر و اكتر
علشان ازود الطبيب من 300 ل 1200 جنيه مثلا يعني كل طبيب 900 جنيه زيادة طب هيجوا منين و البلد كلها حالها واقف
اللي عايز زيادة ينتظر لما البلد تقوملها قومه و بعدين يعمل اللي هو عاوزة لانه هيبقي حقه ساعتها
الاطباء و ظباط الشرطة و الجيش و كل المهن اللي مخاطرها ممكن عاليه لازم يكون دخلها عالي محدش انكر دة بس البلد مفيهاش
ولما البلد مفيهاش
ليه زاد مرتب المرشد السياحي اليومي ل300 جنيه
الزياده ده امبارح
يعني احنا اضربنا وهم زادو
واضح ان البلد مفيهاش خالص
بس احب ابشرك اننا هنعمل اللي احنا عايزينه
وهيتنفذ كل شيء يوم 17
وبرضو الطب احسن شهاده في البلد
ومش انا اللي بقول
وزارة التعليم العالي هي اللي بتقول
للتوضيح بس
ان احنا مش بنعند مع المرضي
ولا عايزين نضرهم
احنا كل مواجهتنا مع الحكومه
اللي متجهلانا تماما
واللي غصب عنها هتعمل اللي احنا عايزينه
1- تأمين للمستشفيات اللي بنضرب فيها وبنتخطف فيها
2-اقالة وزير الصحه
3-زيادة ميزنية الصحه عشان نعرف نعالج الناس لأن الادويه اساسا مش موجوده
4- وضعنا في الشريحه الاولي في المرتبات وليس الشريحه الخمسين
لا مستغرب ومصدوم كمان
بس الحمد لله فيه اطباء عند حسن ظننا ومشاركوش في المهزلة دى
وبعدين انا مقولتلكش مرتبك ممتاز وكويس وانت تمام انا بقولك البلد مش ناقصة وانتو المفروض تبقو عارفين كدة ولا هتفرق معاكو ايه الحكومة تطبع فلوس وتديك 20000 الف في الشهر ويحصل تضخم ولا مش تضخم مش هتفرق معاكم
وبعدين بتقولي خد 250 جنية وعيش دا على اساس انكو بتفنو عمركو في المستشفيات وبتادو واجبكو كما يجب الا من رحم ربي ما كل واحد بيادي الروتين بتاعو وبيحاول يسلق الكام كشف بتوعة ويجري على العيادة ولا المستشفى الخاص وبيعوض فرق المرتب اضعاف
وبعدين عايز تعرف رايي انا بقالي 14 سنة شغال مدرس و مكملتش 800 جينة ولما فيه مدرسين
نادوا باعتصامات واضرابات اول واحد رفضت وهاجمت الناس دي واقنعت زمايلي ان ده غلط
لان اللي مايشفوش من الغربال يبقى اعمى
وبعدين برضة عايزين يعملو زيكو ويقولو كام كلمة براقة احنا عايزين نزود ميزانية التعليم ونقضى على الدروس الخصوصية ونرفع المرتب والاهم هو رفع المرتب اللي كلو بيخبي وراه المطالب البراقة دي
لا تستغرب ولا تتصدم
عارف اللي بسلق شغله ده بيعمل ايه
بيبات 3 مرات في المستشفي في الاسبوع
عارف الايام اللي بيباتها بره دي بيعمل ايه
مبينامش ساعتين علي بعض
تقوم من عز النوم واحده تعبانه
قوم من عز النوم واحد عاوز يغسل عشان عندو فشل كلوي
قوم من عز النوم واحده بتولد
وسيادتك بتاخد 800 جنيه وبس
مفيش دروس خصوصيه بره
هتقولي مانتوا بتشتغلوا برايفت
لا للأسف مش كلو يقدر يشتغل برايفت ومش كلو عنده الوقت انو يشتغل برايفت
عارف ليه معندناش وقت عشان عندنا ماسترز لازم يتحضر
وللاسف الدكاتره الاكبر مننا في منهم اللي بيرخم علينا مش بيكون عايز يدي حد درجه علميه يشتغل بيها
عارف كمان ان الماسترز بقي مدته 5 سنين
وعارف كمان ان الجيش مدته 3 سنين للاطباء
وده علي اساس ان المدرسين مش بيسلقوا في الشرح عشان الدروس الخصوصيه
علي اساس اننا مكناش طلبه وعارفين اللي فيها
ولولا الدروس الخصوصيه مكناش جبنا مجاميع ودخلنا
وعلي فكره انا ليا اصدقاء مدرسين كتير اعرفهم
دخلهم الاساسي من الدروس مش اقل من 7 الاف جنيه شهريا
اما مرتبهم فولا يساوي
وبعدين حضرتك بتقبض 800 جنيه اتجوزت وخلفت وجبت عربيتين بيهم
ماشاء الله
دا على اساس ان المرشد السياحي بيقبض من الحكومة مش من شركات السياحة
ومتفق معاك ان الطب من اسمى المهن لاكن كتير من الاطباء اساؤ الى المهنة فكرا واداء
ويا ريت تهدى كدة شوية ومتخليش حماس السن الصغير يجرفك ورا افكار هدامة للبلد
ما تختصر وتقول هي حكاية مرتبات في الاول والاخر
والشوية حاجات التانيين دول لتجميل الصورة
وتولع البلد مش مهم
لله الامر من قبل ومن بعد
بص يا سيدي الفاضل ........ سيبك من موضوع الفضل والكلام الجميل الانشائي اللي شبعنا منه
حضرتك بتتكلم على نفسك انك مرتبك 800 جنيه ...... تمام مختلفناش
هل حضرتك مطلوب منك دراسات وماجستير زي حالاتنا ......... تعرف تكاليف دراستنا عشان تتكلم كده ......... تعرف ان الماجستير تكلفته 10 الاف جنيه ومستواه التعليمي تعبان والماستر دلوقتي مبقاش ميزة ......... الميزة كلها ف الزماله المصرية اللي وصلت تكاليفها حاليا ل 20 ألف جنيه
ده دراسات غير تمن الكتب اللي بتوصل لالفات .......... والله والله وده قسم هياحسبني ربنا عليه انا سائل على مرجع محترم عشان اكون انسان شاطر ......... المرجع ب 4800 جنيه ها ال 250 جنيه هيكفو ........
واحنا زينا زي اي بني ادم عاوز يجوز ويعيش حياته بعد سنين شقا وبهدله .........
اقولك ......... الدكاترة اللي هما صفوة المجتمع اللي حضرتك مش عاجبك ايه اللي بيعملوه ...... اولا الكلية دي حضرتك انت مش عارف بيحصلنا ايه .... هل تستحمل حضرتك انك تمتحن شهرين كاملين وعلى كمية مذاكرة رهيبة ......... هل قعدت ف العيد زي حالاتنا وذاكرت وسيبت قرايبك وصحابك ........ هل كنت بتمتحن زي حالاتنا ف بعض سنين الكلية كل اسبوع ........... هل امتحنت على مدار شهر كامل ف مادة زي الباطنه حوالي عشرة امتحانات ومفيش نوم وتعب وأرق رهيب
هل حضرتك بتشتغل تحت تهديد السلاح والمواقف اللي بتتحكي مش جديده ولا حاجة ولا خيالية ......... هل حضرتك يتتعامل مع فيروس سي وبي وجميع انواع البكتيريا يوميا ....... وبدل العدوى اتنين جنيه