السلام عليكم

الموضوع للتنبيه مش اكتر لموقف انا شوفتوا
لان كتير مننا مش بيلاقى اى ركنه فاضيه وبيلجأ انو يركن صف تانى ويقفل الشارع وخلاص
انهارده واحد راكب لاده والوحيد الى عاوز يركن موازى للراصيف رغم ان الكل راكن عمودى عليه
وفجأه سمعت طخ الباشا خبط باب سيراتو بالاكصدام وطبعا اكصدام الادا حديد مش فيبر
الجميل ان بعد الخبطه الصاج رد تانى رغم ان كان فى عضعضه باينه اوى بجانب طبعا خدش كبير
وكل واحد بيركن يريح شويه على الى وراه وعلى الى قدامه لحد ميركنها ده حرام ولا حلال

الغربيه ان الراجل نازل وزعلان انوا خبط العربيه طب مكنت تخلى بالك من الاول وكالعاده طلع بالعربيه قدام شويه وركنها ونزل
فين صاحب العربيه بقى الله اعلم طبعا عشان اجى اصلح حاجه زى ديه هفك فرش الباب وهرد الباب وهمعجن وهرش
وطبعا مفيش حاجه اسمها رش باب بس اكيد هياخد جمب وعشان ياخد جمب فى عربيه سيراتوا يبقى حرام سواء على الفلوس او انها تترش

فياريت يا جماعه سواء الى راكن او الى بيحاول يركن يراعى عربيات الناس
الى بيركن يحاول يخلى عربيته فى الامان وفى مكان صح للركنه مش راميها بعيد عن الرصيف عشان محدش يقفل عليه
ولا رميها صف تانى وقافل الشارع

حتى لو هتلف ساعه عشان تركنها
فنراعى ربنا على الاقل عشان ميحصلش ده فينا

تقبلوا مرورى وشكرا ليكوا