السلاام عليكم يا جماعه النهارده كان يوم صعب اووووووى ودا كله بسبب البنزينه والراجل الغشيم اللى غسلى العربيه( العفشه من تحت ) ويارتنى ما كنت غسلتها

كنت بقول اظبط العربيه بعد ايام المطره والبهدله اللى كانت ف الشتا الباشاا اللى كان بيغسلها ربنا يسامحه جاب ميه على المتوووووور

ولقيتلك المتور بيطلع دخان بيضا قولتله ايه دا قالى عادى يا باشا مفيش حاجه قالى امشى بيها وهتلاقى المكنه نشفت وكل حاجه هتبقى تمام


وبعد ما طلعت من البنزينه لقيتلك العربيه بطلت خالص وماعدتش بتنطق واجى ادور عامله زى ما يكون شرقانه ادور مبتلقطش يعنى زى ما يكون عيب ف البوجيهات ...

بعد ما دنتنى ساعتين ف الشارع ااقول يمكن لما تنشف تدور ولا ف اى فايده مدارتش اتصلت بالميكانيكى قالى دا المشط بااظ وعاوز يتغير قولت الحمدلله انها جت على قد كدا وحمدت ربنا .

بعد يوم التعب دا كان ف حاجات حلوه والله الواحد عرف اد ايه الشعب المصرى دا ناس جدعه والله الناس وقفت جنبى وواحد قعد يحاول يصلحهالى بس معرفش وكنت مكسوف اوى منها ربنا يجازيه خير يارب بس انا حبيت ااقولك تجربتى يا جماعه بلاااااااااش حد يغسل العربيه ف البنزينه والله ولا غسيل عفشه ولا غسيل متوووور دا انا شاهين واتكلفت بتاع 125 ج :( البتاع اللى انا غيرته دا اللى اسمه مشط الراجل بيقوولى والله بتاع العربيات الحديثه بيدخل ف 1500 واكتر ...