المشاركة الأصلية كتبت بواسطة meza
حضرتك أنا وضحت موقفى من خلال الردود
هوضحها تانى
1 - أنا مع الحرية الدينية تماماً سواء من الإسلام للمسيحية أو من المسيحية للإسلام أو أى دين سماوى آخر ... و أشك أن من يطالبون بالحرية الدينية لعبير أو لكاميليا, أنهم يؤمنون بها أصلاً!
2 - لا أقبل إحتجاز أى شخص بناء على اختياراته و لكل شخص الحق فى اختيار عقيدته بدون أى قيود.
3 - أؤمن أن ما حدث هو نتيجة لمشكلة الطائفية و تم إستغلال هذه القضية لإشعال الفتنة ... و سبب إحتجاز عبير هو عادات العائلات فى مصر و زى ما وضحت قبل كده تخيل حضرتك لو بنت مسلمة قررت تتحول للمسيحية .. هل أهلها هيسيبوها عادى كده؟! ... ولا فيه عادات و تقاليد بتحكمنا و ده كان السبب الفعلى لإيداعها فى بيت تابع للكنيسة.
للتوضيح: البيوت التابعة للكنيسة دى مش للإحتجاز .. دى بتبقى للطلبة المغتربين و يتم تأجيرها ... و ما حدث هو من أهل السيدة عبير ربما خوفاً عليها فقط ... و تلاحظوا كلام الراهبة ليها قبل ما تمشيها إنها قالتلها تمشى و إحنا أبرياء من دمك! ... يعنى سبب إحتجازها هو حمايتها حتى لو ده فى إعتقادهم فقط.
و أستغرب حقاً إنك و أستاذ otefa تبررون القتل فى الرد الآن ... إنه هيكون مقبول لو أهل عبير قتلوها و أهو يبقى دفاعاً عن الشرف لكن ميحتجزوهاش؟!!! ... أيهما أكثر جرماً القتل أم الإحتجاز بالله عليكم!