انا مش لاقى حد يا ناس فى المنتدى بيتكلم فى اى حوار عن يومياتة مع السيارة البى واى دى اى مشكلة او اى عطل او اى موقف ارجوكم افيدونا بما يهم السيارة:untitled 1::untitled 1::untitled 1:
عرض للطباعة
انا مش لاقى حد يا ناس فى المنتدى بيتكلم فى اى حوار عن يومياتة مع السيارة البى واى دى اى مشكلة او اى عطل او اى موقف ارجوكم افيدونا بما يهم السيارة:untitled 1::untitled 1::untitled 1:
ياباشا بس هدي نفسك ....
الموضوع مش مستاهل تتعصب
ده غير إن المشاكل تقدر تقول شبه معدومة في الجميلة BYD
ولو بحثت حتلاقي مواضيع كتيرة تتحدث عن مواقف وصيانات بالتوكيل ولكن ابحث في تاريخ قديم شوية فترة ما قبل الثورة
لأن بحكم الظروف قل اشتراك السادة الأعضاء الفترة دي ولكن الحمد لله إبتدي التواصل يعود من جديد
وإذا تحب تفاصيل أكثر واقعية إسمح لي أدعو حضرتك للملتقي المرتقب يوم الجمعة 13-5-2011 ببارك كافور المعادي ويمكنك أن تلقي وجها لوجه مع ملاك الجميلة وتعرف منهم مباشرة أي مشاكل واجهتهم أو ملاحظات معينة
وهذا لينك الموضوع : http://www.nilemotors.net/Nile/218049-a.html
تقبل خالص تحياتي
الحمد لله رب العالمين سيارتنا الجميلة منعدمة الاعطال وده من فضل الله
الحمد لله رب العالمين
انا هأحكيلكم فصل بايخ شويه بس الحمد لله .....
الاول انا من فتره و قبل صيانه ال 5000 كنت حاسس ان التكيف بقي عباره عن هوايه (مع الحر و خصوصاً في الزحمه) و قلت لهم علي الموضوع دا في الصيانه و (إدعاء فحص التكييف ) قالوا ان التكييف تمام و ان الفريون تمام و تم غسيل السربنتينه و عشان العربيه 3 سلندر ف التكييف كده.... اليومين اللي فاتوا الدنيا سخنت و دماغي كمان سخنت قلت اكيد في حاجه غلط طلعت على عشم نوار اللي في شارع دمشق و شرحتله ان التكيف تسقيعه ضعيف كشف على الفريون و كانت المفاجئه!!!!!
العربيه فيها حوالي كيلو فريون زياده!!!! و طبعاً قعد يقولي ازاي تبقي زيرو و تتشحن كده دا غلط على الكومبرسور و بالفعل فضي منه كميه حلوه و بعدين جربنا و الصراحه بقت تلاجه بمعني الكلمه..... يبقي كده توصلت ان التوكيل لا يفقه شئ في التكييف و ان الفني بتاع التكييف دا اساساً مبلط محاره........
و امباح حصل فصل بايخ العربيه اتجننت تاني و انا راجع من مشوار العربيه الموتور بتاعها علق كأنك دايس بنزين و انا مش دايس اصلا (و طبعاً دي تاني مره المره اللي فاتت غيرت حساس idle) قلت اكلم التوكيل و كانت الساعه 4 ولا حياة لمن تنادي محدش رد قلت ممكن تكون وساخه في البوابه و جبت منظف و هاتك نظافه و الحمد لله جابت نتيجه و العربيه ظبطت....
النهارده خرفت تاني رحت قلت كفايه حرام كلم التوكيل و الساعه كانت 5.30 و طبعاً لا حياة لمن تنادي كلمت فني في التوكيل قالي دا اكيد وساخه في الحساس يا اما الحساس و اديتها وش نظافه تاني عند ميكانيكي و اخبط 50 جندي و العربيه لسه زيرو و عامله 5085 كيلو و قلت مش مشكله......
رغم كل دا انا شخصياً معجب بيها بس الصراحه انا فقدت الثقه في التوكيل بعد اللي حصل دا و اكدلي ان 90% من اللي شغالين مش عايز يتعب نفسه و يبدور على العيب خصوصاً موضوع التكييف دا...
يا ريت يكون في متابعه و مراجعه على شغل الفني و متابعه الشكوي اذا ما تم حلها من عدمه عشان ملاك العربيه مش مجبرين انهم يخبطوا الشوار و ينتظروا عشان في الاخر يرجع تاني لنفس العطل....
يا استاذى الفاضل توكيل الامل مبدا عندة وسياسة ماشى بيها من زمان وهى اشترى السيارة وبعدين عيش مع نفسك تصليح برة الضمان لانى مش بصلح ببلاش حتى لو واخد السيارة منى امبارح وحصل فيها عطل فانا اصم لا اسمع العيب وابكم لا اتحدث معك واصلح العيب وممكن اكون سامع او شايف العيب ولما تيجى عندى الصيانة اقولك واللة مفيش حاجة فى السيارة والسيارة زى الفل انت بيتهيالك بس نام بدرى وانت تصحى تانى يوم تلاقيها اتصلحت هذا هو مبدا وسياسة شركة الامل واصحابها والعاملين المدربين فيها على الكلام دة على فكرة ياريت حد من توكيل الامل او ابناء صاحب الشركة لو عندهم ريحة الدم يعرفوا ان ربنا عمرة ما حيباركلهم فى الملايين اللى عندهم طول ما هما بيعملوا كدة مع العملاءولو انى عارف انهم مياكولش ولا يهمهم كلامى معاهم واكيد حيقولوا خلية يتكلم طالما السيارة بتبيع والعملاء بتوعنا هبل وسلبين ومبيتكلموش وبيسكتوا باى كلام اهبل نقولة لهم ويمشوا .......................
على العكس بقى تعالى قول لواحد زى اللى اسمة بتاع دة محمد رمضان اللى ماسك المركز واحد عامل زى الفرانين المفروض يقف فى فرن بلدى مش مركز صيانة قولة كدة انا جاى اغير وحدفع فلوس ياسلام على الاحضان وشاى وقهوة ويبوس جزمتك كمان لو امرتة كل دة علشان حتدخل فلوس انما تقولة صلح ببلاش والسيارة فى الضمان تلاقى الشلل فى اللسان جاء والعمى وكل العاهات حضرت ..........
واخيرا لنا اللة مالكى الf3
لو سمحت يباشا عشان أنا المشكلة دي عندي ...
العربية إتظبطت لما غيرت حساس الأيدل ولا لما نضفت البوابة..
ولا لما التوكيل عمل تنضيف للحساس (( أي حساس تقصد ؟؟ ))..
اول مره غيرت الحساس ظبطت لمده شهرين و خرفت تاني .... المره التانيه اتظبطت مع التنظيف الجيد و حساس الايدل على حد علمي بيكون تحت البوابه ده بالنسبه لل f0
حضرتك لو قريت المشاركه انا كاتب اسمه idle و هو السبب في المشكله دي عندي.... حضرتك لازم الاول تكشف على الجهاز هشان تعرف السبب فين تحديداً
الظاهر اتحسدنا ولا ايه