انا زهقت خلاص من الاسعار الوهمية بتاعة العربيات الفيات القديمة
الصراحة الاسعار بقت فظيعة وخلاص حيجيلي الضغط منها....... انا مش قادر اتخيل ان عربية فيورا 85 صاحبها يطلب فيها 24000 جنيه ....... ليه يعني ؟ و عربية 128 موديل 86 يطلب 22000 نهائي ....... ليه برضه ؟ دي لما كانت زيرو ما كانتش بالسعر ده!!
وكل الاسعار دي من الوسيط يعني المفروض ان صاحب العربية عامل اعلان ودافع 80 جنيه يعني من الاخر عاوز يبيع و بروح اشوف العربيات دي فعلا وعمري ما بلاقي العربية زي ما كنت متخيلها لازم الاقيها متبهدلة و محتاجة مصاريف كمان و اللي يزيد الطين بلة ان صاحبها تلاقيه يتكلم بعوجان و ما يرضاش بسعر السوق علشان معاه عربية فابريقة من جوه ال يعني جاب الديب من ديله!!
انا مش عارف اسعار العربيات دي كده حتوصل لغاية فين خصوصا العربيات الشعبية زي ال127 و ال128 اللي عفا عليها الزمن من زمان......... انا واحد صاحبي مسافر السعودية و جايب تويوتا كريسيدا حالتها حلوة وب3500 ريال يعني 6000 جنيه مصري اللي ما يجيبوش عربية سيات مهكعة هنا في مصر!!! ربنا يرحمنا برحمته
انا زهقت خلاص من الاسعار الوهمية بتاعة العربيات الفيات القديمة
عندك حق الاسعار مبالغ فيها رغم ان الكلام بتاع وقف ترخيص العربيات القديمة المفروض زود المعروض فى الفترة ده وقلل الاسعار بشكل كويس ، بس اسعار السوق عندنا بتتبنى اساسا على قطع غيار العربية يعنى العربية اللى هى منتشرة زى 128 وقطع غياراها رخيصة يبقى سعرها اعلى من ستروين ax مثلا رغم انها احدث منها لان المشترى مش هيصرف عليها كتير واكبر مثال على كده البيجو 504
نصيحة لو ببتعامل مع كهربائى ، سمكرى ميكانيكى اساله على عربية للبيع من العربيات اللى بيصلح فيها هو ممكن تلاقى عنده وكمان يقدر يقولك على حاجات كتير فيها ، ايه اللى تم فيها وكده
