انا زهقت خلاص من الاسعار الوهمية بتاعة العربيات الفيات القديمة

**thegoodhacker** · 20-04-2008 06:50 PM

الصراحة الاسعار بقت فظيعة وخلاص حيجيلي الضغط منها....... انا مش قادر اتخيل ان عربية فيورا 85 صاحبها يطلب فيها 24000 جنيه ....... ليه يعني ؟ و عربية 128 موديل 86 يطلب 22000 نهائي ....... ليه برضه ؟ دي لما كانت زيرو ما كانتش بالسعر ده!!
وكل الاسعار دي من الوسيط يعني المفروض ان صاحب العربية عامل اعلان ودافع 80 جنيه يعني من الاخر عاوز يبيع و بروح اشوف العربيات دي فعلا وعمري ما بلاقي العربية زي ما كنت متخيلها لازم الاقيها متبهدلة و محتاجة مصاريف كمان و اللي يزيد الطين بلة ان صاحبها تلاقيه يتكلم بعوجان و ما يرضاش بسعر السوق علشان معاه عربية فابريقة من جوه ال يعني جاب الديب من ديله!!
انا مش عارف اسعار العربيات دي كده حتوصل لغاية فين خصوصا العربيات الشعبية زي ال127 و ال128 اللي عفا عليها الزمن من زمان......... انا واحد صاحبي مسافر السعودية و جايب تويوتا كريسيدا حالتها حلوة وب3500 ريال يعني 6000 جنيه مصري اللي ما يجيبوش عربية سيات مهكعة هنا في مصر!!! ربنا يرحمنا برحمته

**hamadaalo2002** · 20-04-2008 09:06 PM

معلش اصبر وربنا معاك يا باشا ,بس الوسيط بيني وبينك اللي فيه يا اما حلو وغالي ,يا وحش ,دور فيه ودور مع سمسار برضة ,بالتوفيق

**mohamed76** · 22-04-2008 04:57 AM

عندك حق الاسعار مبالغ فيها رغم ان الكلام بتاع وقف ترخيص العربيات القديمة المفروض زود المعروض فى الفترة ده وقلل الاسعار بشكل كويس ، بس اسعار السوق عندنا بتتبنى اساسا على قطع غيار العربية يعنى العربية اللى هى منتشرة زى 128 وقطع غياراها رخيصة يبقى سعرها اعلى من ستروين ax مثلا رغم انها احدث منها لان المشترى مش هيصرف عليها كتير واكبر مثال على كده البيجو 504
نصيحة لو ببتعامل مع كهربائى ، سمكرى ميكانيكى اساله على عربية للبيع من العربيات اللى بيصلح فيها هو ممكن تلاقى عنده وكمان يقدر يقولك على حاجات كتير فيها ، ايه اللى تم فيها وكده

**thegoodhacker** · 22-04-2008 05:10 PM

اشكركم جميعا علي ردودكم الجميلة .....المشكلة ان العربيات النضيفة من انواع الفيات القديمة بقت نادرة جدا و انا فعلا موصي ناس صنايعية انهم يوقعولي حاجة كويسة بس لسة مفيش نصيب .... وربنا يسهل ان شاء الله

**islamnabil** · 22-04-2008 05:31 PM

انا رايي ابعد عن الفيات وهاتلك حاجة من الحاجات اللى مش منتشرة
اعتقد سيتروين ax في نفس الرينج ده
حتاخد حاجة نضيفة بس حتتعب شوية في قطع الغيار و الصيانة معلش
ممكن تسأل الصنايعية لو حد بيعرف يشتغل فيها
او بص هنا كده يمكن تلاقي حاجة تعججبك
http://www.car100100.com/search.php?...ype=p&price=22

**bestname** · 22-04-2008 08:56 PM

شفت في الوسيط برضه اعلان عن عربية دايهاتسو ميرا كالزيرو على 42ألف جنيه نهائي
موديل 2000
بس برضه استهبال

**emadno1** · 22-04-2008 09:03 PM

انا اتخنقت من الناس دى فعلا المشكله انو كمان الكلام دة بيرفع باقى اسعار العربيات
و الكلمه اللى على لسان اى حد تيجى تتكلم معاه يقولك يا باشا شوف ال 128 بكام عاوز تجيب ..... ل 128 مينفعش و بالتالى الاسعار مبتنزلش

عامه ربنا يوفقك و تقع فى حاجة حلوة

**thegoodhacker** · 22-04-2008 11:03 PM

المشاركة الأصلية كتبت بواسطة emadno1

انا اتخنقت من الناس دى فعلا المشكله انو كمان الكلام دة بيرفع باقى اسعار العربيات

فعلا الوسيط ده ساهم بدرجة كبيرة في ارتفاع اسعار المستعمل عموما لانك لما تروح تفحص عربية تلاقي صاحبها يستشهدلك بسعر عربية من نفس الموديل مطلوب فيها سعر وهمي فيقولك هو ده سعر السوق فبالتالي يضيع علي الواحد فرصة الشراء يا اما يشتري العربية غالية ب2000 او 3000 جنيه !!
عندك مثال النصر 127 موديل 83 بيتطلب فيها دلوقتي 18000 جنيه !! ودي الاسعار اللي الواحد بيشوفها كل عدد في الوسيط........ تيجي تسال حد صنايعي واكيد طبعا بيبقي ليه خبرة في سوق العربيات يقولك الموديل ده اخره 14500 او 15000 بالكتير....... يعني فيه فرق حوالي 3000 جنيه بين سعر السوق و السعر اللي بيتطلب في الوسيط!!